Yeremi 1:11 - NQAARIIT NE ROOG

¹¹ Maaga, o Yaal oxe a laamtaxam ee: «Yeremi, xar ga’o?» Um doonin ee: «A naaq ndaxar amaand ga’um.»

Yeremi 1:11 Referans Kwoze

Amos 7:8

Naaga, o Yaal oxe a layaxam ee: «Amos! Xar ga’o?» Um doonin ee: «O ƥaak o fodrandir.» Ta layaam ee: «Xam dalin o ƥaak o fodrandir kam Isra’el fee xeet es, too yaaga a baasan es fa den a faaf.

Amos 8:2

soo a layaam ee: «Amos, xar ga’o?» Um doonin ee: «A ƭamba laa yipna xa tim xa pooru.» O Yaal oxe a layaxam ee: «A saxad ale mi took Isra’el fee xeet es a fadiida de, yaam a baasan es fo ten a faafa.

Sakari 5:2

Malaaka fee a laamtaxam ee: «Xar o ga’aa?» Doonaanum ee: «Ke um ga’aa de o laxas safe laa na yetaa yoo, o cigdel um a fi xa noonoong qarɓeen ƭik, soo o yaajel um a fi xa noonoong xarɓaxay.»

Sakari 4:2

A laamtaxam ee: «Xar o ga’aa?» Doonaanum ee: «Ke um ga’aa de a pagal alaa refna wurus fa ƥor oo fo yipir diwliin no jul ole ten, soo ta saq xa lampa ɓetaa ƭaq fo xa mees ɓetaa ƭaq na xa lampa xe ndefna no jul ole na pagal ale.

Yeremi 24:3

O Yaal oxe a laamtaxam ee: «Yeremi, xar ga’o?» Um doon ee: «Xa tun ga’um. Xa tun xa paax axe kaa mbaax lool, xa paaxeer axe a mbaaxaƭar a mbaaxaƭar, boo mbaagaand o ñaam.»

A lim ale 17:8

Maaga, Moyiis fa Aaroon a ndeta mbaambir Ƭiif naa,

Heseki’el 7:10

Ñaal ne xey! Oxey a garaa! Wo yoqte. Kañaan ne a fiɗa, o nga’atinax onqe xe gañ.

Mberaand 30:37

Yakoob a janga xa loq ndaxar poopilye xa quƥu fo xa loq ndaxar amaand fo xa loq ndaxar palataan. A dalfooxa o faafal a den boo tig tan ke na naaq ake a feeñaa.

Esayi 55:11

neene a nandu na fa lay fee na sutooraa no don es. Nomtooxiidkee na mi o ƥor too fadnee ke buguuma, a fadin ke taxna um lulin.

Heseki’el 12:25

Mi refu o Yaal oxe. Kuu layuuma xan a fadnoox too gulooxkee. Na pe ake nuun, nuun xeet fa mbaafañ fee, xam lay soo fadnin. Mi o Yaal oxe na refkaa boo faw layun.»

Heseki’el 12:28

Ten taxu layi a den ee: Keeke o Yaal oxe na refkaa boo faw a layu: Fa lay fuu layuuma, xan a ref faa na fadnooxkaa no ñofu. Mi o Yaal oxe na refkaa boo faw layun.»