8 Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.
A wara o ref oxaa na reeftaa fa lay fa mbooru fee Roog ne ta jangniteena, ndax ta waag o umbit o ngim no lakas we a cangin a ñoow ale, a maafaa fa lay no we na ƥanjaa a cangin aleene.
Ten taxu, na pexey Kiristaa nu ngima na Roog fee xontooxnooruuna a ndeer no xon we, soo a cooxin o ndam onqe, ndax o ngim nuun fo yaakaar nuun a ndoonoox na Roog.
Keeke fa lay fa mbooru faa deyeena o jaɓ oo: Kiristaa Yeesu kaa gar na adna fee, ndax ta mucil baabakaad we, mi fa xoox es, um ref oxe moƴna faaxaƭar na den.
A guutatira koy fo xe jaleerna ndax Roog a rabdin, ndaa a gim na Roog fee na jofandaa o cofaƭaru xe. Oxeene koy, kaa ɗeeteel nen o cofu yaam o ngim um.
No ndigil, no ndigil, mexe layaa a nuun ee: Oxuu nan-gilooxna fa lay es, a gim no xe luliidaxama, a jega o ñoow o fagkeer ole, too geenooxkee no nqeloor naa muk, yaam kaa inoor na fa nqon a rok no ñoow.
Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.
Ten taxu, um refat no ƭomu ndiiki, ndaa koy sediim teen dara, yaam andaam no xe sinjuuma o ngim es, too a wooraxam ee o ten waagu o xoxit ke ta doxnaxama boo na bes fa mbalakaand faa.