Tiit 3:5 - NQAARIIT NE ROOG

⁵ a mucla a in, refee koy ee yaam i mbi a pi a cofu kaa njaruuna, ndaa kaa mucil a in na yirmande um na pexey a ƥogax ale no rimel o xas ole fo Yiif Tedu le, a fi’in ndax i njeg o ñoowooƭ o xas.

Tiit 3:5 Referans Kwoze

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

1 Korint 6:11

A jega leng-leng na nuun waa mbi’oogna keene yaaga, ndaa koy nu ƥogde boo nqool, kesanel a Roog, njofandel no gon no Yaal in Yeesu Kiristaa na pexey Yiif le Roog.

1 Piyeer 3:21

Kaa reeƭu nitaale’ir na batiise fee na muclaa a nuun ndiiki. Na batiise fee, refee yee ndoƭ cer in i ƥogaa, ndaa kaa ref i nqeɗaa a Roog o njeg yiif jeejooxeer dara. Ten o mat na muclaa a in na pexey a qontax ale Yeesu Kiristaa

1 Piyeer 1:3

Yaasam Roog Faap fee no Yaal in Yeesu Kiristaa a simatel! Na yirmande um fa maak, a rimnooratina a in na pexey a qontax ale Yeesu Kiristaa a ndeer no xon we. Yaam o rimel o xas oleene, i njega yaakaar ñoowu

O leetar ole Pool a bindna GIMU WE NGENNA ROM 12:2

Ba nu nandandoor we na ndeefaa o mbaax onqe na adna feeke. Njaɓyo boog Roog a supit a yiif nuun, ndax nu mbaag o njeg a qalaat a qas boo nu and ke Roog a bugna, ta ref fop ke faaxna fo ke felna fo ke ñakna sik.

Efees 2:4

Kaa koy, o paaxel ole Roog fo o mbeq onqe ta jegna na in kaa magin lool.

Efees 5:26

Kaa fi’it neene, ndax ta tedlandin a cinj ye ta xoolandtuuna foofi fo fa lay,

A kim a tedu ke 51:10

Felakinaam too ɗaaynooraam, ndax cer es ke leeƈ’oona a mbecoox.

O leetar ole Pool a bindna GIMU WE NGENNA ROM 11:6

Kaa jil a den na yirmande um, too refee yaam a pi den. A jilit’angaa a den a pi den, yaaga yirmande fee Roog refkoogee yirmande fa ndigil.

Hebre 4:16

Fat i ngooloox o matiid boog gamb no maad le Roog, me yirmande a refna. Xan i ndaawit teen a baasan, njegit teen yirmande fo o ndimle a mbanuu i soxla’uuna.

Kolos 3:10

Ndiiki koy, nu ndokooxa ngiin nqas ne na jib’atintaa no nand Roog fee sakuuna, ndax ta fadnoox no andin tigi.

A kim a tedu ke 86:15

Wo o Yaal oxe o mat, Roog fa mayu yirmande refo, yaaj kam, muñantaa, may fo o mbeq fo ngor.

Galati 2:16

Kaa koy, i anda yee o leng ɗeetkaand nen o cofu mbaambir Roog, yaam ne ta fi’aa ke kebil ke a layna, ndaa yaam ne ta gimna na Yeesu Kiristaa. In sax, i ngima na Kiristaa Yeesu, ndax Roog a ɗeet a in nen jofu. Keene koy, refee yee yaam ne i mbi’aa ke kebil ke a layna, ndaa yaam ne i ngimna na Kiristaa, yaam i anda yee o leng ɗeetkaand nen o cofu yaam ne ta fi’aa ke kebil ke a layna.

O leetar ole Pool a bindna GIMU WE NGENNA ROM 3:20

Ten taxu, o leng ɗeetkaand nen o cofu mbaambir Roog, yaam ne ta fadnaa kebil ke. Kebil ke kaa andnooraa o kiin oxe bakaad um soom.

1 Piyeer 2:10

Nuun we andoona yee yaaga «nu ndeeƭee xeet um», ndiiki nu ndefata «xeet fee Roog». Nuun we «ndaaw’eerna yirmande», ndiiki «nu ndaawata yirmande».

Efees 4:23

Nu mbara o ndakoox qas tigi no xeeñ nuun fo no yiif nuun.

O leetar ole Pool a bindna GIMU WE NGENNA ROM 3:28

I anda yee, o kiin, na pexey o ngim a joftu mbaambir Roog, ndaa refee yaam ne ta reefaa ke kebil ke a simitna.

O leetar ole Pool a bindna GIMU WE NGENNA ROM 9:11

Maaga soƥ’afulee xa teɓandoong axe a ndimel, too soƥee da mbi dara, ta ref paax mbaat paaxeer, Roog a laya a Rebeka yee: «Taaw fee xan a dagooxaa o ndeɓ onqe.» Roog kaa jil o leng na den, ndax yuuƥ um a geenoox naŋ. Neene koy a cil ale Roog refee na pi ake no we ta jilna, ndaa no xoy ole ta xoyna a den.

YEGIL MBAAX NE YEESU ne Lik a bindtuuna 1:78

Roog in kaa may yirmande, too a lewet. Xan a feedin a in a muc ale,

YEGIL MBAAX NE YEESU ne Lik a bindtuuna 1:54

A ƴufga a Isra’el fee o paɗ um, a wetandoox yirmande fee ta regna a den,

YEGIL MBAAX NE YEESU ne Lik a bindtuuna 1:50

Xan a yirim we saɗaruuna na xa taan boo na xa tanaraat.

Mise 7:18

Ndax a jega Roog faa nandna fa wo? Kaa o waasantaa tooñ ne, too naagiro xawaa njofaƭar ne no we yoqna na xeet of fee jegoodoona. Naagiro damaa fuux of boo kili, yaam kaa o sawar no yirim a in.

A kim a tedu ke 143:2

Ba o layoor fa mi fee o tag of, yaam jegee o leng oxaa jofna mbaambir of.

A kim a tedu ke 130:7

Isra’el, ɗagi yaakaar of no Yaal oxe, yaam me ten o mbeq a refu, too a bat ale oxey fo ten bo ta dey sik.

Ke bindeena no xe ne’eena YOB 25:4

Nam o kiin a ɓuritkaa a Roog? Kaam ee nam o ƥiy no kiin a xoolitkaa mbaambir um?

Tiit 3:4

Kaa koy, ye o paaxel ole Roog o Muumucil in fo o mbeq onqe ta fexna wiin we a mbeeñna,

O leetar ole Pool a bindna GIMU WE NGENNA ROM 9:30

Xar i laykaa no keene boog? We ndefeerna Yaawuur mbaaƭoogeerna maa da njofitna mbaambir Roog, Roog kaa ɗeetat a den nen jofu na pexey o ngim onqe,

O leetar ole Pool a bindna GIMU WE NGENNA ROM 9:16

Keene koy, inooree no ke o kiin oxe a bugna mbaat na koorgoorlax um, ndaa kaa inoorit toqet na Roog fee jegna yirmande.

O leetar ole Pool a bindna GIMU WE NGENNA ROM 4:5

A guutatira koy fo xe jaleerna ndax Roog a rabdin, ndaa a gim na Roog fee na jofandaa o cofaƭaru xe. Oxeene koy, kaa ɗeeteel nen o cofu yaam o ngim um.

YEGIL MBAAX NE YEESU ne Lik a bindtuuna 1:72

Neene o mat a yirmitu daan we in, a wetandoox ngiɓoor tedu ne ten,

Esayi 57:12

Kaa koy, xam yegnit o cofel of fo a pi of mbatkeeroonga o njiriiñ o leng.

Hebre 6:6

soo a mbes o ngim den a cinj. Dara waagatee o tax da ndicooxatin boo a mbes pakaad den a cinj, yaam den fa qoox den kaa ndengatinaa o Ƥeenqe Roog na kurwaa soo a mbennooran no ke da mbi’aa.

A kim a tedu ke 86:5

Wo o Yaal oxe, kaa o faax soo yaaj kam, may fo o mbeq no fop we na ƈufginooxang.

A kim a tedu ke 62:12

Nanaam fa lay feeke na Roog kaa refeerna jaf leng: «Mi jegu katil.»

Ke bindeena no xe ne’eena YOB 15:14

Xar o kiin a refu bo tee kaa xool, kaam ee xar o ƥiy no kiin a refu bo tee kaa jof?

Ke bindeena no xe ne’eena YOB 9:20

Um damangaa na ƭat sax oo, xan a damnoortaam o don es, um ɓur, ta layaam ee wo garu fo ke jegna.

A cangatin ale 9:5

Refee muk ee nu njarin mbaat a qeeñ a cofu nuun taxu nu njang saax le den, njegkin. Coxod ne no qeet keene mat fo ke o Yaal oxe Roog nuun a daaɓoox’ina fo daan nuun Abraham fa Isaak fa Yakoob taxu ta raxit a den mbaambir nuun.

Heseki’el 36:25

Xam wiis took nuun foofi fo xoolu, too xan nu nqoolandel. Xam xooland a nuun no ndoƭ ke nuun fop fo no nitaal roog cakalaaru ke nuun.

Mace 3:11

Mi, mexe batiise’taa a nuun foofi, ndax ta lalit ee nu mbesa pakaad nuun a cinj, ndaa oxe na reefaniidaxam moƴaxam o jeg doole, too o wolanin xa ñaaƭ um sax a jombaxam. Ten o mat, xan a batiise’it a nuun Yiif Tedu le fa fiɗel.

O leetar ole Pool a bindna GIMU WE NGENNA ROM 11:14

ndax ciis a ɓood na qeeñ no we fogtuuma xeet fa leng, boo leng-leng na den a mbaag o muc.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.