Tiit 3:2 - NQAARIIT NE ROOG

² Baa da mben o leng. Fat a ndef wiin jam, a mbod, a ƥuuɓ no fop.

Tiit 3:2 Referans Kwoze

Efees 4:31

Ba nu saqan o leng o njaaku kam mbaat nu mat xeeñ, too ba nu mbuux. Ƈufyo coow fo a ben! Baa coxod leng a ref fa nuun!

Efees 4:2

Neewandooxyo, ƥuuɓ, njeg o muñ, kaam ee ngatliryo fo o mbeq.

1 Timote 3:3

Waree koy o ref o yeeyer o say mbaat ta may balu-balu, ndaa kaa war o lewet, a bug jam fa jam, a fañ o buge.

1 Piyeer 3:10

«A soƥangaa boog ee o kiin kaa bug o fex o ñoow ole, soo a jeg ñaal baneex, fat a gay ɗelem um boo laykee paaxeer, a gay muuceek um itam na ƭelem a naanax.

1 Piyeer 3:8

Ndiiki koy, njegyo nuun fop xalaat fa leng kut, too mbog o liir. Njegyo a ndeer nuun o mbeq fa yirmande fo a neewandax.

Saak 4:11

Fog es, ba nu layanraa paaxeer a ndeer nuun. Oxe na yaqaa ƭool no kend um mbaat ta hate’an, a layana kebil ke Roog paaxeer, a hate’an a den. O hate’angaa kebil ke Roog koy, nananatiro a den, ndaa kaa o fi’ooxanaa a den o kaahate.

Galati 5:22

Kaa koy, ke Yiif le Roog a rimaa no kiin refu: O mbeq fo o ɗaay fa jam fo o muñ fo o laabiir fo o paaxel. Kaa taxaa itam i ngore,

Mace 11:29

Ngadooxyo kadoor ke cooxuuma a nuun, too njangit na mi, yaam kaam ɓuuɓ, too xeeñ es magnandooxee. Nu mbi’angaan, xan xa laaw nuun a ñootnoox.

1 Piyeer 2:1

Ngoƭatiryo boog fo paaxeer kene: Coxod kuu ndefna fo nqooƭ-nof fo yememaar fo ciis fo ñu.

Saak 3:17

Kaa koy, o jeg-yiif ole hatna na Roog, a guutatira fo oleene. O jeg-yiif olaaga kaa xool, a gartaa jam a ndeer no wiin we, a fod o mbid, a gartaa nanoor, a may yirmande fo a pi a paax. Naagee o samtaa itam too jegee yememaar leng.

Galati 6:10

Yaaga boog, ye i maadna o njegaa o daaw, fat i mbi’anaa oxuu refna paax. We i mbarna o moƴ o mbi’anaa paax sax ndefu fog in no ngim onqe.

2 Sami’el 22:36

O Yaal oxe, wo na cooxaxam pegoor ne na muclaxam, o paaxel of a yoɗaxam.

Galati 6:1

Fog we, nuun we andoona yee kaa Yiif le Roog a ref na nuun, a soƥangaa yee nu mbeta o kiin ta fi’aa kaa jageerna, fat nu lalin a ƭat yoonandtin o ɓuuɓ. Kaa koy, fat nu mbootoox a paax, yaam nuun oo nu mbaaga yenkaa na bakaad.

1 Timote 3:11

Neene a waru o refit itam no rew diidimle we. Mbaree o ƥanjaa lakas we. Fat a ngore, a ƥuuɓ, a mbaagel o ngooloox no kuu ta refna ref.

Filip 4:5

Fat wiin we fop a and o lewet nuun. O Yaal oxe a matiida!

1 Korint 9:19

Mbaambir no fop, mi jegu a xoox es, ndaa koy kaa felaam um refan fop o paɗ, ndax moƴ-o-jaak we a ngim.

A kim a tedu ke 140:11

Fat a kaagaañ a sumu jip a yen took den, da njoorel kam fiɗel, no gamb laa da inooxkateerna boo muk.

2 Korint 12:20

Mi de, kaam diidaa rek o ñak o soƥ a nuun ne bugtuuma, nuun oo, nu nqetoortaam ne nu mbugteerna, yaam ke um soƥiidaa: Qasir fo ciisir fo puuxir fo ngendandoor fo layir paaxeer fo ñu’ir fo o nga’atinax fo o samar ole fi’na yook.

2 Korint 10:1

Mi Pool fa xoox es na xeɗooxaa a nuun na pexey o ɓuuɓel fo o paaxel ole Kiristaa, mi fee na layeel ee kaam neewaandoox na kid nuun, too ɗom tig bo na nuun yaa laqooxuuma.

A pi ake 23:5

Maaga, Pool a doona a den ee: «Fog we, mi kat and’iim ee o saasadax o maak oxe yoo. Mee ndax a Pind a Tedu ke sax a laya yee: Laykiro a kelfa fee na xeet of kaa faaxeerna.»

Xa peƭit axe 25:24

Gen na paƭam-ndap moƴu gen fo o tew o ƭaaɗangtax.

Xa peƭit axe 6:19

o seede maamaaɓ oxe na xayandaa tefee ndigil fo xe na oraa qasir ndeer o fog ole.

Yudaa 1:10

Den o mat, kaa mbenaa ke da andeerna, o raƥ-yiif den nen a muumeen a ref ke na doxaa a den.

Yudaa 1:8

Neene boog, wiin weene itam kaa ndeefaa xa koɓong den, a yaqaa ƭool den, a sibaa sañ-sañ fee Roog, soo a mbenaa we njegna o ndam na asamaan.

2 Piyeer 2:10

We na ndeefaa paaxeer ke cer den a yaawaa, Roog a moƴkaa o xaw, den we saɗareerna katil um. Jaajangin maamaaɓ weene mbitee dara. Kaa nduqwaƭar, too saɗaree o mben we njegna o ndam na asamaan sax.

1 Piyeer 4:4

Ndiiki koy, genar nu ndefatu na den, yaam ne nu yoonateerna fa den no late leene, too kaa mbenaa a nuun.

1 Korint 6:10

guuɗ we, we mbuge’na, yeeyer say we, we na mbenaa lakas we fo cublang ke, kaam ee o leng na den lamkee Maat ne Roog.

Esayi 40:11

Xan a gay ged le ten ne o kaynaak a gaytaa ged um. Xan a korolit paal ke o ɓay um, a deegoox fo mbaal ne, soo a ɗox paal ƥasil ke.»

Xa peƭit axe 19:19

Oxe fuux a adnaa kaa maaleel, a xeɗooxanange yoo, xan a nomtoox teen.