Tiit 3:1 - NQAARIIT NE ROOG

¹ Wetandi gimu we, da nanan maat ne fo ke da ngebleel, a njaɓan a den, a njofnoox na pi a paax.

Tiit 3:1 Referans Kwoze

O baawaare xe 10:4

Boo o maad oxe a fuuxanoonga, fodi o mbid, yaam o teylax a waaga tax ta waasanong sax o njuumte maak.

Xa peƭit axe 24:21

O ƥees, saɗari o Yaal oxe fo o maad oxe. Ba o reer tig fo we na siiknooreel,

Mace 22:21

A ndoonaan ee: «Kesaar fee.» Maaga, a laya a den ee: «Ƥoxotyo boog a Kesaar fee ke Kesaar fee a jegna, soo ƥoxot a Roog ke Roog a jegna.»

2 Timote 2:21

Yaaga koy, boo o kiin a riƈatuna nqoolaƭar nuu refna, xan a nand fo ƥaxañ ke na suteel na bes fa maak, a kesel, a jeg o njiriiñ no yaal um, a waagel o fi’it kuu faaxna.

2 Timote 1:6

Ten taxu koy, um bug o goorgoorloox, umb ke Roog a ci’oonga a koom alaa doonuuma xa ƥay es took xoox of, xeɗanang.

1 Timote 5:10

Fat a andtel a pi a paax, a mos o yaraa xa teɓandoong, a genaroogu we ngaroogna no mbind den, a ɓoganaa tedu we a caf den, a ƴufgaa we ndefna no torox, a fi’aa paax kuu ndefna.

Tiit 2:14

Ten feene o mat wuusu o ñis um, ndax ta wat a in no ndoƭ kuu ndefna, a fi a in xeet um, xeet faa ta kesna, ten fa xoox um, da mbosoox o mbi’aa paax.

1 Timote 4:6

Boo layoona fog we keene fop, xan o ref o caajal o paax na Kiristaa Yeesu, o caajal oxaa na ñoowtaa fa lay fee no ngim onqe, refna a cangin a paax ale o reefaa.

1 Timote 2:2

Fat a mbi’anan maad we fo fop we ndefna wiin maak waa mbarna o niwel, ndax i mbaag o ñoowaa o ñoow o lewu na jam fa jam, ndeefaa a Roog, too ñak ƥanjel.

1 Korint 15:58

Ten taxu, fog es we fexuuma! Ndamlooxyo, saƭik, moƴ o njalanaa o Yaal oxe, yaam and ee calel keene mbe’kee a koƥ.

Yeremi 27:17

Ba nu nan-giloox a den. Ndagooxyo o maad oxe Babilon, too xan nu ñoow. Xar taxu teeru fene a nar o refik juum kefatin?

A cangatin ale 17:12

A jegangaa koy oxaa magnandooxna boo a fañ o nan-giloox fa lay fee no kaahate xe mbaat o saasadax oxe na jalanaa o Yaal oxe Roog nuun, oxeene kiin fat a warel. Neene, xan nu mbatin paaxeer ke a ndeer Isra’el.

2 Piyeer 1:12

Ten taxu, xam wetandaa a nuun keene kili, ke nu anduuna and fop oo, too saƭik kam ndigil ne nu ndaawna.

Tiit 3:8

Fa lay feene fa lay fa mbooru yoo. Bugaam o jangin keene, ndax we ngimna na Roog a njofnoox na pi a paax. Keene o mat refu ke faaxna, too a jeg o njiriiñ no wiin we.

Kolos 1:10

Yaaga, xan nu mbaag o ñaaƴit ne o Yaal oxe a bugtuuna, xeeñ um a let na nuun, nu saqik a pi a paax a pagatar, maakit o and a Roog.

Filip 1:11

Xan nu may fo xa tim xa cofu xaa ngatna na Yeesu Kiristaa, ndax Roog a ɓoxotel o ndam, a simatel.

Efees 2:10

Yaam Roog saku a in, a fokat a in na Kiristaa Yeesu, ndax i ngen na pi a paax akaa Roog a jagandanna a in yaaga.

Esayi 43:26

Wetandooxaam ke o jambaxam, gari i layoor. Layi wo fa xoox of ke waagoonga o ci ɓur.

Yudaa 1:5

Kaam bug o wetand a nuun, nuun we andna kene a paax ee: O Yaal oxe, cinj ye ta mucilna xeet fee Isra’el boo a sutin Misira, a saŋik’a wiin gimaƭaru we.

Tiit 3:14

Wiin in itam a mbara o aqatoox a pi a paax, a njalaa, ndax da ƭaxaa soxla fuu refna. Keene refu a pi a qatkeer.

2 Timote 2:14

Wetandi keeke we o jangnaa, maƭoox a den mbaambir Roog, da mbaas xa ƭelem axe da ndapatinaa no ñimatir ke den. Keene ɗaxee dara, a refangee a mo’andaa we na nan-gilooxaa.

Tiit 1:16

Kaa ne’ooxaa andu a Roog, too yaaga fop oo a pi den a ñufaa gon Roog. Wiin faaxaƭaru a ndefu, a nanaƭar, a pi a paax a xox a den sup.