Tiit 2:2 - NQAARIIT NE ROOG

² Jangni a koorgi ke da ƥuuɓ, a njar o niwel, a mbod na pi den, a saq o ngim o nqoolu, a njeg o mbeq, a ndef wiin muñu.

Tiit 2:2 Referans Kwoze

Galati 5:23

ƥuuɓ, too ndamoox. Keene koy, kebil leng xañtiran.

1 Piyeer 4:7

Muukandoong ne no kuu refna a matiida. Saqyo boog yiif jagandooxu, soo yetoox, ndax nu mbaag o nqeɗaa.

1 Timote 3:11

Neene a waru o refit itam no rew diidimle we. Mbaree o ƥanjaa lakas we. Fat a ngore, a ƥuuɓ, a mbaagel o ngooloox no kuu ta refna ref.

1 Piyeer 5:8

Njagandooxyo, kaam ee yetooxyo! O ƈiƴ oxe refna o pañ nuun, kaa widaa nen njogoy nqeexe, a waaƭaa oxaa ta saŋikna.

Tiit 1:13

A ƭelem akeene ndigil kak oo. Ten taxu xasani a den fa doole, da mbaag o njegik o ngim o nqoolu.

1 Timote 3:2

Yaaga boog, o aa-adax waree o jeg ŋañel. Kaa war o dam no teem o leng soom, a ɓuuɓ, a fod no ke ta fi’aa, a fañ o hupal, o ñoowooƭ um itam ta jagandan, a dalnaa we na ngaraa no mbind um. A wara o ref o baagu a cangin itam.

Xa peƭit axe 16:31

Xa puum kaa ndef o ndip o niwel, a njegteel na ƭat ale no cofel ole.

1 Tesalonik 5:8

Fat i mbod no ke i mbi’aa, in we ndefna na qoolaand ale. Fat ndoki njelem in a ref o ngim fo o mbeq, soo o maxanda njelem in a ref i yaakaaraa a muc ale.

O leetar ole Pool a bindna GIMU WE NGENNA ROM 12:3

Ne Roog a ci’axama yirmande um, mexey layaa a nuun fop ee: Ba nu yeg a qoox nuun boo muk, ndaa fat nu maandoox na qalaat nuun, oxuu refna a liiƥoor fo a las ale Roog a ci’uuna no ngim onqe.

Ke bindeena no xe ne’eena YOB 12:12

Ndax refee yee nogoy we saqu o and, o jeg-yiif a ref no xuuɗ-o-ñis?»

A paɗax ale 19:32

Naangyo o ngeenooxaa fo o yarax mbaambir nogoy we, niw a den too lalit na pesoorooƭ nuun ee nu niwaxam. Mi refu o Yaal oxe Roog nuun.

1 Piyeer 1:13

Ten taxu, njagandooxyo na qalaat nuun, yokoox a paax, too ndoon yaakaar nuun fop na yirmande fee nu ƥisiidkeel, yaa Yeesu Kiristaa a feeñkaa.

1 Korint 15:34

Nomtiidyo a yiif nuun too mbaas bakaad. A jega waa andeerna a Roog, too gaci yoo na nuun.

A kim a tedu ke 92:14

Kaa njimbel no Mbind ne no Yaal oxe, a neepaa no maax ole no mbind ne Roog in.

2 Piyeer 1:6

Ƥaatyo itam no and ole nuun o ɓuuɓ, no ɓuuɓ ole nuun o muñ, no muñ ole nuun o damoox na Roog,

Tiit 2:7

soo wo fa xoox of, o refan a den o ɗeendoor na pi a paax no kuu ta refna ref, jangnaa ta xool, a jeg wargal.

Tiit 1:8

Kaa war o ref oxaa na genaraa we na ngaraa no mbind um, a fex ke faaxna, a fod, a jof na pi um, a ted, a ɓuuɓ.

1 Timote 3:4

A wara waag o ɗoxaa ƥasil um a paax, xa ƥeem, ta yar a den boo da nananan no kuu refna, too a niwin.

1 Timote 1:5

Ke taxna koy um regdinooxaa keene refu ta rim o mbeq o ngatu no xeeñ xoolu qac fo yiif jeejooxeer dara fo o ngim o njegee yememaar.

1 Tesalonik 5:6

Ba i ƭaan boog nen lakas we, ndaa fat i yetoox, too mbod no ke i mbi’aa.

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

2 Korint 5:13

Yaaga koy, i njambange o ñak-xoox, Roog taxun, ndaa i ndefangaa waa njegna a qoox, nuun taxun.

1 Korint 9:25

Oxe bugna o ref mbir tigi a naaga o fesaa mayu a cinj, too keene fop kaa waagna o sooƴ soom a nqirooxanaa. In koy, fat i moƴ o ngumnoox yaam a laay a sooƴkeer muk refu mbaambir in.

A pi ake 24:25

Kaa koy, ye Pool a laytaa kaa farna no ñoowooƭ o jofu fo no dam xoox of fo na hate fee Roog na garaa, Feliksi a dalfooxa o diid, too a layin ee: «Ndiiki koy, waagaa o ret. Um jegangaa o daaw, xam xoyniidong.»

YEGIL MBAAX NE YEESU ne Lik a bindtuuna 8:35

Wiin waa a ndalfooxa o ndet a ƭeetik ke xew’ina. A mbadiida me Yeesu, a soƥ o koor oxe cini a ndam’ina a moof na caf Yeesu, a rokoox tikoorik um, too a dakoox’a na sagu um. Maaga, wiin we a ndiid’a lool.

Mark 5:15

A mbadiida me Yeesu, too a nga’a o koor oxe cini a ndam’ina, ta moof, a rokoox tikoorik, too a dakoox’a na sagu um. Maaga, wiin we a ndiida lool.

Esayi 65:20

Bax leng xonkatee teen mbaat o maak o nogoyeer, yaam oxe na moƴkaa o xuuɗaƭar xan a xon na xa kiid teemeed. Oxuu xonna koy too fadɗee xa kiid teemeed xan a ɗeetel nen o quuɗaƭaru.

1 Timote 3:8

Diidimle we no mbokatax ne no gimu we itam, wiin gore’u a mbaru o ndef, too a mbañ o saq yememaar mbaat da yeraa a yer a maamu mbaat da mbaaƭaa xaaliis, boo a ndok no calel kaa o leng a andeerna.

1 Timote 1:2

Timote, mexe bindang, wo fee o ƥees ŋaƈit no ngim onqe. Yaasam Roog Faap fee fo o Yaal in Kiristaa Yeesu a ci’ong yirmande fa jam, too a njeg o liir na wo.

1 Timote 1:10

Weeke itam a mboga teen: We na seeqaa, goor we na mbesanraa a ndeer den, we na ngignaa xa teɓandoong, maamaaɓ we fo we na seede’aa na xa maaƥ. Fop ke guutatirna fo a cangin a ñoow ale a foga teen.

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

1 Timote 5:1

Ba o xasan a koorgi nqasan ƭomu, ndaa fat o umbaa fiɗel o ngim um boo wee ndax kaa ref nen a faap of sax, xa pes axe o fesooraa fa den nen fog of,

Filemon 1:9

ndaa ke moƴanaxama koy, um xeɗong no mbeq. Mi Pool, ke refuuma ref o nogoy fop oo, soo doon teen ref oxaa jengeena yaam Kiristaa Yeesu,