Tiit 2:11 - NQAARIIT NE ROOG

¹¹ Yirmande fee Roog a feeñle, ndax ta ref a cur a muc no wiin we fop.

Tiit 2:11 Referans Kwoze

1 Timote 2:4

Ten fa xoox um a buga wiin we fop a muc, too a andat ndigil ne.

Efees 2:8

Neene boog, na yirmande Roog nu muctu na pexey o ngim onqe. A muc aleene koy hatee na nuun, ci’it Roog oo.

Esayi 45:22

Nuun we ngenna no cat adna, ngeleerooxyo me mi too njaɓ o muclel, yaam mi refu Roog, too jegee fa lakas.

Hebre 2:9

I ngorooxa kene de: Yeesu a neewand’e, malaaka ke a ngupin boo o ngap, ndax ta xonan wiin we fop yaam yirmande Roog. Kaa koy, i nga’aan ndiiki ta sagoox o ndam fa tedaanga nen o ndip no maad yaam fa nqon fa ƭomu fee ta xonna.

Efees 2:5

A taxa boo i ñoowatin fa Kiristaa, in we ndeeƭna waa nqonna mbaambir um yaam tooñ in. Neene boog, na yirmande Roog nu muctu.

2 Tesalonik 2:16

O Yaal in Yeesu Kiristaa fa Roog Faap in fee fexna fex a in, a ci’a a in na pexey yirmande um yaaloor boo faw fo yaakaar mbaax.

O leetar ole Pool a bindna GIMU WE NGENNA ROM 5:15

Den ɗik koy mbodree, yaam yirmande fee Roog a ci’na a in nandee fo tooñ ne Aadama. A woora yee mayu a nqona yaam tooñ no kiin o leng kut oxeene refna Aadama. Kaa koy, yirmande fee Roog fo ke ta ci’na wiin mayu na pexey o kiin o leng kut oxe refna Yeesu Kiristaa ngupu bakaad fee fo ke ta ɓisiidna.

YEGIL MBAAX NE YEESU ne Saŋ a bindtuuna 1:14

Fa Lay feene koy a xawooxa, a jegat cer no kiin, soo a gar a gen fa in, a may muut fa yirmande fo ndigil. In o mat, i nga’a o ndam um, refna o ndam onqe ta daawitna na Faap fee nen o Ƥeem o leng kut.

Esayi 52:10

O Yaal oxe kaa lalaa qeet ke fop o ɓay o tedu le ten, too a muc ale Roog in xan a feeñ boo no cat adna.

A kim a tedu ke 84:11

Ñaal leng no maax ole no Mbind of rek moƴanaxam ñaal juni kaa ndefeena o mbiñ o lakas. Um moof no ndokand ne no Mbind ne Roog es moƴanaxam o gen no ƭiif ke no soxodu we,

A pi ake 11:23

Yaa ta fadiidna, boo a ga ne Roog a barke’itna gimu we, a felakinooxa. Maaga, a maƭooxa a den den fop, ndax da ndamoox no Yaal oxe fo xeeñ tigi.

A pi ake 20:24

Safiraam sax ee o ñoow es a jeganaxam o njiriiñ, a refangee um fadin calel ke fo o sep ole daawtuuma no Yaal oxe Yeesu: Ten refu um yegnitaa Yegil mbaax ne na yirmande fee Roog.

YEGIL MBAAX NE YEESU ne Lik a bindtuuna 3:6

too o kiin oo kiin xan a ga a muc ale Roog.› »

1 Timote 1:14

Yirmande fee no Yaal oxe a moƴa o siw koy, too daawaam o ngim onqe fo o mbeq onqe ndefna na Kiristaa Yeesu.

O leetar ole Pool a bindna GIMU WE NGENNA ROM 5:2

No ten, i mbaagata o matiid na yirmande fee Roog na pexey o ngim onqe. Yirmande feene refu ngenand in ndiiki, too kaa i mbelakinooxaa, yaam i yaakaaraa yee xan i ndaaw o ndam onqe Roog.

Sakari 12:10

Maaga, xam fudin took mbind Dawid fo took lakas we ngenna Yeerusaleem fop yiif yirmande fo a qeƭax. Xan a ndaxaaƴooxaam, mi fee da ndibna. Xan a mboygooxin ne o kiin a foygoortaa fa ñak no ƥiy o leng kut onqe ta jegna. Kaam ee xan a mboygooxin tigi ne taaw fa nqonu a foygoorteel.

A kim a tedu ke 96:10

Yegnityo a ndeer qeet ke yee: «O Yaal oxe refu o maad, lanq ke kaa saƭik koŋ boog, too sendkee muk. Kaa hate’taa qeet ke o cofel.»

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

Galati 2:21

Fañkiim yirmande fee Roog, yaam a reeƭangaa yee o kiin a waaga ɗeetel nen o cofu mbaambir Roog yaam ne ta fi’aa ke kebil ke a layna, Kiristaa dey’ee o xon.

2 Korint 6:1

In we ndefna jaajal Roog, kaa i maƭooxaa a nuun nu mbañ o yapatil yirmande fee Roog nu ndaawna.

A pi ake 13:47

Yaam keeke o Yaal oxe a heblu a in: ‹Kaam dodong a qoolaand no qeet ke, ndax o ref o muumucil boo no cat adna.› »

A pi ake 13:43

Ye mbokatax naa a tasna, Yaawuur mayu fo waa tuub’ina na ƭat ale no Yaawuur we a ndeefana a Pool fa Barnabaas. Neene koy, Pool fa Barnabaas a njeetaayooga fa den, soo a saƭakinaa a den, ndax da ndamoox na yirmande fee Roog.

YEGIL MBAAX NE YEESU ne Saŋ a bindtuuna 1:9

A qoolaand aleene koy reeƭu a tiindigil ale andoona yee kaa gar a xooland o kiin oo kiin ye ta rokiidna na adna.

YEGIL MBAAX NE YEESU ne Lik a bindtuuna 24:47

soo qeet ke fop a mbaare’el, a eetit Yeerusaleem, ndax da mbes pakaad den a cinj, a ndaaw a baasan ale no pakaad ke no gon um.

Mark 16:15

Yeesu a laya a den ee: «Ndetyo kam adna fee fop, mbaare’ik we mbindeena fop Yegil mbaax ne.

Mace 28:19

Ndetyo mbi’ik qeet ke fop daalbe. Mbatiise’yo a den no gon le na Faap fee fo Ƥeenqe fo Yiif Tedu le,

Sakari 4:7

Wo o joong o maak ole, an refo? Xan o fodrandel mbaambir Serubabel. Xan a doon ɓil faraaj le na seek um ndeer xa soroxole xe yee: ‹Ndaw ne ta mositna! Ndaw ne ta mositna!› »

Esayi 49:6

kaa tee: «O ref o tag es, ndax o inatin a carind ake Yakoob soo nomtiid yoqatin we Isra’el, deyee na wo. Kaam dodong a qoolaand no qeet ke, ndax a muc es a xay boo no cat adna.»

Hebre 12:15

Mbootooxyo boo ba o leng a fes yirmande fee Roog a cinj. Kaam ee ba o leng a ndeer nuun a ref nen ndaxar ndali naa saxna, soo xa tim um a toroxandaa wiin mayu.

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

O leetar ole Pool a bindna GIMU WE NGENNA ROM 10:18

Kaam laamtaa boog: Ndax kaa nan’ee yegnit neene? Aha kañ! A nanaan tigi! Yaam a Pind a Tedu ke sax a laya kaa jofna teen ee: «Xa ñuxur den a njoota boo me lanq ke a ndayna, fa lay den a nannoox boo no cat adna.»

A kim a tedu ke 67:2

Yaasam Roog a yirim a in too a barke a in. Yaasam ta lal a in tagid um, A maaf

A pi ake 17:30

Roog ɗeetatee camaane ke wiin we a ndeeƭna no ñak-o-and. Ndiiki koy, oxe xoyaa wiin we na adna fee fop, da mbes pakaad den a cinj,

2 Timote 1:10

Ndiiki, ye Kiristaa Yeesu o Muumucil in a garna na adna, yirmande feene a fadiida. Yeesu kaa ñuf fa nqon, soo a geennit o ñoow fo nqonaƭar Yegil mbaax ne.