Tiit 2:10 - NQAARIIT NE ROOG

¹⁰ mbaat da nguuɗaa a den. Kaa mbar o lalit ngor tigi, ndax no kuu refna, a cangin ale Roog o Muumucil in a niwel.

Tiit 2:10 Referans Kwoze

Mace 5:16

Neene a qoolaand ale nuun a waru o xoolit mbaambir no wiin we, ndax da mbaag o nga a pi a paax ake nuun, soo a ƥoxot a Faap nuun fee refna na asamaan o ndam.»

1 Piyeer 2:12

Ndeer gimaƭaru we, saqyo a pesoorooƭ a paax, ndax muu da njambitna a nuun nen waa na mbi’aa paaxeer, da nga a pi a paax ake nuun, too a simat a Roog na bes fee ta xalatooxiidkaa a den.

2Saŋ 1:9

Kuu o kiin a waagna o ŋaalooxaa, ta jof na Roog, too refee a cangin ale Kiristaa, oxeene jegee a Roog. Oxuu ŋereƥooxna na cangin aleene koy, a gayan, a jega a Faap fee, a jeg o Ƥeenqe itam.

Efees 4:1

Mi fee dameena kaso yaam Kiristaa, mexe maƭooxaa a nuun boog, ndax nu ñoowit ne Roog a bugtuuna no xoy o jegu njiriiñ ole ta xoyna a nuun.

1 Piyeer 3:16

Kaa koy, mbi’eenoo fo xeeñ letu, too niw oxuu refna. Njegyo yiif jeejooxeer dara, ndax boo andoona sax ee kaa nu mberanel paaxeer, maaga we na layaa paaxeer na pesoorooƭ a paax nuun na Kiristaa, a ngac’andel.

Tiit 1:3

Ye hap fee a fadna, Roog o Muumucil in a feeñla fa lay um no Yegil mbaax ne ta doxnaxama soo a heblaam ndax um waare’in.

1 Timote 6:3

A soƥangaa yee kaa jeg oxaa na jangnaa kaa refeerna ndigil, soo a fañ o dam na ƭelem a ñoow ake no Yaal in Yeesu Kiristaa, a fañ itam ke na jangneel no reef a Roog,

1 Timote 6:1

Fat fop we andoona yee kaa mbi’el faɗ, a niw yaal pind den. Neene, gon Roog fo a cangin ale na Pind a Tedu ke mbenkaand.

1 Korint 4:2

In weene ndoxneena koy, ngor tigi i laamte.

YEGIL MBAAX NE YEESU ne Lik a bindtuuna 16:10

Oxuu gore’na no ndik, xan a gore no tig maak itam, too oxuu jofeerna no ndik, jofkee no tig maak itam.

Mace 24:45

«O paɗ oxum gore’u too a ƴiƴ boog, ndax o yaal mbind um a xaƴin fo wiin mbind um, ta cooxaa a den ñaamel, yaa waxtu a fadna.

A kim a tedu ke 101:6

Kaam jilaa jofu we no saax le, ndax da ngen fa mi. Oxe ñakna ƥanjel na refkaa o caajal es.

1 Sami’el 26:23

O Yaal oxe na rabdaa oxuu refna o cofel um fo ngor um. Xaye o Yaal oxe a ɓoxot’aang na xa ƥay es, ndaa bug’iim muk o xuuf o ñoow of, yaam wo o mat refu o maad oxe ta ɗuumna.

1 Timote 5:17

Maak we no mbokatax ne no gimu we ndefna aa-adax faax mbaru o ngup ndabid, moƴtaa sax we na mbaare’aa, a njangnaa,

1 Timote 1:1

Mi Pool, kaam ref apootar Kiristaa Yeesu ne Roog fee o Muumucil in fa Kiristaa Yeesu fee refna yaakaar in a ngeblituuna.

Filip 4:8

Ndiiki koy, fog es, fat a qalaat nuun a njagin no fop ke refna ndigil fo kuu deyeena o niw fo kuu faaxna fo fop ke xoolna, a deyel o fex, a warel o jaɓ, a faax, a deyel o tagas.

Filip 1:27

Kaa koy, fat a pesoorooƭ nuun a waag o lingir fo Yegil mbaax ne Kiristaa. Keene koy, kaa warna yoo, ndax a soƥangaam fa nuun, mbaat o mbiñ o lakas, um ga mbaat um nan ee kaa nu saƭik, mbog yiif leng kut, mbog xeeñ leng itam, ngomreel, ndax o ngim no Yegil mbaax ne a geenoox.

Esayi 12:2

Roog fee muclaxama oxey. Hoolooxaanum, too diidkatiim dara. O Yaal oxe refu doole es, too ten soom um gimaa, ten fee o Muumucil es.»

1 Sami’el 22:14

Ahimelek a doonaan ee: «Daali maad, ndax a ndeer dag we wo fop a jega na den oxaa moƴna o gore a Dawid? O seemir of oo, a ref itam oxe adooxanna we na yetooxang, a niwel a paax kam mbind of.

YEGIL MBAAX NE YEESU ne Saŋ a bindtuuna 12:6

O nanangaa ta haptaa kaaga, reeƭee yee rool we ngaal’un. Ne ta reeƭna o kuuɗ, a xotaa na xaaliis o ndeerte nqe den ta geekoogna tax’u ta layan.

YEGIL MBAAX NE YEESU ne Lik a bindtuuna 1:47

yiif es a felakinooxaa na Roog fee o Muumucil es.

YEGIL MBAAX NE YEESU ne Lik a bindtuuna 1:80

Maaga, o ndeɓandoong onqe a maakooga, too a moƴ o jegaa yiif. Kam a koƥ-a-ƥor ale a gen’u, boo na bes faa ta geenooxna mbaambir Isra’el.

Tiit 3:4

Kaa koy, ye o paaxel ole Roog o Muumucil in fo o mbeq onqe ta fexna wiin we a mbeeñna,