Tiit 1:9 - NQAARIIT NE ROOG

⁹ A wara o ref oxaa na reeftaa fa lay fa mbooru fee Roog ne ta jangniteena, ndax ta waag o umbit o ngim no lakas we a cangin a ñoow ale, a maafaa fa lay no we na ƥanjaa a cangin aleene.

Tiit 1:9 Referans Kwoze

2 Tesalonik 2:15

Yaaga boog, fog we, ndamyo a paax, too ngeek fa doole ke i njanginna a nuun, ta ref no ɗelem mbaat no leetar.

2 Timote 1:13

Gingli no yiif of a ƭelem a ñoow ake daawtoona na mi, geekit a den fo o ngim fo o mbeq onqe refna na Kiristaa Yeesu.

1 Timote 6:3

A soƥangaa yee kaa jeg oxaa na jangnaa kaa refeerna ndigil, soo a fañ o dam na ƭelem a ñoow ake no Yaal in Yeesu Kiristaa, a fañ itam ke na jangneel no reef a Roog,

1 Timote 1:10

Weeke itam a mboga teen: We na seeqaa, goor we na mbesanraa a ndeer den, we na ngignaa xa teɓandoong, maamaaɓ we fo we na seede’aa na xa maaƥ. Fop ke guutatirna fo a cangin a ñoow ale a foga teen.

Mbeeñil 3:3

Wetandooxi boog ne daawtoona fo ne nantoona fa lay fee Roog. Gayeen, too fes pakaad of a cinj. O yokooxangee, xam gar nen o kuuɗ. Xam yen took of na waxtu faa foogooxkeeraxamoona.

1 Timote 1:15

Keeke fa lay fa mbooru faa deyeena o jaɓ oo: Kiristaa Yeesu kaa gar na adna fee, ndax ta mucil baabakaad we, mi fa xoox es, um ref oxe moƴna faaxaƭar na den.

Tiit 2:1

Wo o mat, fat ke o jangnaa a dak na cangin a ñoow jok ale.

Tiit 1:11

Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

2 Timote 4:3

Xan a jeg jamaane faa a ƭat no wiin we a yongkateerna na cangin a ñoow ale. Yaam ne a yuxum den a adinkaa a den, da saakaa pel, a mbaaƭaa jaajangin fagkatar waa na mbugko layanaa a den ke nof den a ndiiraa.

1 Tesalonik 5:21

ndaa naangyo o ngorooxaa tig oo tig, ngeek paax ke,

Xa peƭit axe 23:23

Jiki ndigil ne, too ba o jikooxin, ten fo o jeg-yiif fo a cangin fo o ƴiƴ.

Ke bindeena no xe ne’eena YOB 2:3

O Yaal oxe a layaan ee: «Ndax ga’aa a Yob fee o tag es? Jegee oxaa nandna fo ten no lanq ke. Kaa ref o kiin o booru too a jof, a saɗar a Roog soo a wootooxaa paaxeer. Boo fa ndiik jegee soqel leng, ke taxaxamoona o ñaknoorin na xa koɓong fop oo.»

Mbeeñil 3:11

Mexe garaa no miñeer! Pokooxi ke jegoona, ndax o leng jangkee o ndip onqe daawtoona no njom ne.

Mbeeñil 2:25

Kaa koy, ke nu njegna, ngeekeenoo boo yaa um garkaa.

Yudaa 1:3

Nuun we fexuuma! Kaam jeemoogu o bind a nuun no kaa farna na muc ale i njegna, ye ga’uuma yee wareef es oo. Ten taxu, mexe bindaa a nuun o leetar olene, ndax um saƭakin a nuun, nu maafrel yaam o ngim onqe Roog a ci’na jaf leng kut tedu we ndefna wiin um.

2 Timote 2:25

We ta fiŋqooraa, kaa war o lalaa a den a ƭat fo o muñ o maak, too a yaakaar ee xan Roog a fi da ƥek a yiif den na adna, a andnoor a den ndigil ne.

2 Timote 2:2

Ke nantoona na mi mbaambir seede mayu, doxneen wiin gore’u waa na mbaagkan o njangin lakas.

1 Timote 4:9

Keene koy, fa lay fa mbooru faa deyeena o jaɓ oo.

1 Timote 1:19

geek o ngim onqe fo yiif jeejooxeer dara. Yiif leene koy, a jega waa naanguuna buc, too kaa ngido kalte o ngim onqe.

A pi ake 18:28

Kaa maafoogu Yaawuur we mbaambir no fop, yaam kaa laloogu a den na pexey a Pind a Tedu ke yee Yeesu refu o Muumucil oxe regteena.

Ke bindeena no xe ne’eena YOB 27:6

Kaam geenoox no fañan a xoox es too sutooxkiim teen. Yiif es jambiraam naa moofum.

1 Korint 14:24

Kaa koy, boo fop a njo’tanaa a Roog, o kimeer a fadiid, a soƥ a den teen, xan a ga’ood ne ta nandna, ta fi nen hate no ten,

2 Timote 3:14

Wo o mat, dami no ke jangnee’oona, too and ee saƭku yoo, yaam andaa no we jangtanoona: