Tiit 1:8 - NQAARIIT NE ROOG

⁸ Kaa war o ref oxaa na genaraa we na ngaraa no mbind um, a fex ke faaxna, a fod, a jof na pi um, a ted, a ɓuuɓ.

Tiit 1:8 Referans Kwoze

1 Timote 3:2

Yaaga boog, o aa-adax waree o jeg ŋañel. Kaa war o dam no teem o leng soom, a ɓuuɓ, a fod no ke ta fi’aa, a fañ o hupal, o ñoowooƭ um itam ta jagandan, a dalnaa we na ngaraa no mbind um. A wara o ref o baagu a cangin itam.

Tiit 2:7

soo wo fa xoox of, o refan a den o ɗeendoor na pi a paax no kuu ta refna ref, jangnaa ta xool, a jeg wargal.

1 Maad we 5:7

Gofornoor ke a cooxooga o maad Salomo o ñoow fo fop we mbog’ina no ngaak um. Oxuu refna no gofornoor ke a cooxoogaan ñaamel boo o nqool o muum, too a fi’ooga fop boo dara dangandkee.

1Saŋ 5:1

Oxuu gimna yee Yeesu refu Kiristaa fee, o Muumucil oxe regteena, o ƥiy o ndimte na Roog a refataa. Oxuu fexna a Roog fee rimuuna, a fexa itam we ndimteena no ten.

1Saŋ 3:14

I anda yee i njangoorta na fa nqon, ngat no ñoow ole, yaam kaa i mbex fog in. Oxuu jegeerna o mbeq, na fa nqon a genu.

1 Timote 6:11

Wo o mat, wo fee refna o kiin Roog, ƴufi keene. Waaƭki maa o cofel a farna, ten fo o reef a Roog fo o ngim fo o mbeq fo o muñ fo o ɓuuɓ.

1 Timote 4:12

Ba o leng a yaftong ndeƥandoong. Fat o ref o ɗeendoor no we ngimna, ta ref na fa lay of mbaat no ñoowooƭ of mbaat no mbeq of mbaat no ngim of mbaat no qoolel of.

1 Tesalonik 2:10

A woora a nuun, too a woora a Roog itam ee a pesoorooƭ in mbaambir nuun we ngimna a lewa, a jof too a ñak ŋañel.

A kim a tedu ke 16:3

No tedu we ndefna no saax le, a mbaax, um felakinoortaa.

1 Maad we 5:1

Salomo doon’u o ɓay no maat ke fop nqotitna no xuluɓ olaa Ofrat, a gar no saax le no Fiifilista we boo no ŋat olaa Misira. Maad we no maat keene fop a ƥisiidooga a Salomo ci’it, a ƥoxotoox no ten no ñoow o ñis um fop.

1 Sami’el 18:1

Ndak fo ndak, ye Dawid a layna fa Sawul boo a ƴut, Yoonatan fee o ƥiy Sawul a damooxa na Dawid, a fextin nen a xoox um.

2 Timote 3:3

a ñak o liir, a mbañ o mbaasantaa, a ƥanjaa lakas we. Mbaagkee o ngarin a qoox den, a yedin, a mbañ ke faaxna.

2 Timote 2:22

Yufi a yuxum ake ndeƥandoong a ɓekaa o kiin, waaƭ o cofel fo o ngim fo o mbeq fo jam, wo fo we na ne’aa gon no Yaal oxe fo xeeñ xoolu.

Amos 5:15

Kaam ee, nu sib paaxeer, mbex paax, ñaaƴin o cofel no xeloorand ole. Yaaga o Yaal oxe Roog fee Hupna fop a waaga yirimkaa a nuun, nuun yoqatin we no mbind Yoseef.»

YEGIL MBAAX NE YEESU ne Lik a bindtuuna 2:25

A jeg’a Yeerusaleem o koor o ne’e Simewon. O kiin oxaaga a jof’a, too a saɗar’a a Roog. A cungooga Isra’el a yaalel. Yiif Tedu le a reeƭa fo ten,

A pi ake 24:25

Kaa koy, ye Pool a laytaa kaa farna no ñoowooƭ o jofu fo no dam xoox of fo na hate fee Roog na garaa, Feliksi a dalfooxa o diid, too a layin ee: «Ndiiki koy, waagaa o ret. Um jegangaa o daaw, xam xoyniidong.»