Tiit 1:4 - NQAARIIT NE ROOG

⁴ Wo Tiit, wo um bindaa o leetar oleeke, wo fee o ƥees ŋaƈit no ngim onqe. Yaasam Roog Faap fee fa Kiristaa Yeesu o Muumucil in a ci’ong yirmande fa jam!

Tiit 1:4 Referans Kwoze

2 Timote 1:2

Mi na bindang, wo Timote fee o ƥees onqe fexuuma bo: Yaasam Roog Faap fee fo o Yaal in Kiristaa Yeesu a ci’ong yirmande fa jam, a njeg o liir na wo!

Yudaa 1:3

Nuun we fexuuma! Kaam jeemoogu o bind a nuun no kaa farna na muc ale i njegna, ye ga’uuma yee wareef es oo. Ten taxu, mexe bindaa a nuun o leetar olene, ndax um saƭakin a nuun, nu maafrel yaam o ngim onqe Roog a ci’na jaf leng kut tedu we ndefna wiin um.

2 Piyeer 1:11

Boo nu mbi’taa neene, xan nu ci’el maa nu ndokitna kam Maat mbagkeer ne no Yaal in fo o Muumucil in Yeesu Kiristaa.

2 Piyeer 1:1

Mi Simoŋ Piyeer, refna o paɗ fo apootar Yeesu Kiristaa na simnaa a nuun. Kaa nu ndaaw o ngim o mbooru nqe fodna fo onqe in njigand na pexey o cofel ole Roog in fo o Muumucil in Yeesu Kiristaa:

2 Korint 2:13

no laaw o xaƭa reeƭum, yaam ne ga’eeruuma a Tiit fee o pog es. Ten taxu layaam a den ee: «Yoqyo fa jam, mexe suuraa Makedoni.»

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

2 Korint 8:23

Tiit o mat, kaa ref o yoon es oxaa na jalaa fa mi yaam o njiriiñ nuun. Fog in weene koy, kaa ndef we pokatax ke no gimu we a lulna, too kaa njalaa ndax Kiristaa a ɓoxoteel o ndam.

O leetar ole Pool a bindna GIMU WE NGENNA ROM 1:12

Ten refu yee i mbokatoorangaa, i mbaag o saƭakinoorit o ngim onqe fokatna a in, nuun na pexey o ngim es, mi yoo no nqe na nuun.

YEGIL MBAAX NE YEESU ne Saŋ a bindtuuna 4:42

boo a layataa o tew oxe yee: «Refatee yee ke layoona taxu i ngim no ten, yaam i nanana a qoox in, too i anda xil ee ten refu o Muumucil adna.»

1Saŋ 5:14

I njega paam um njambaar nene: Boo i nqeɗna tig, ta yoon fo o bug ole Roog, xan a jaɓ a qeƭ in.

2 Piyeer 3:2

boo nu mbaag o mbetandoox yegnit padafuleer ke no duleer tedu we yaaga, mbetandoox itam kebil ne no Yaal oxe fo o Muumucil oxe, apootar we nuun a njanginna.

2 Piyeer 2:20

A sutooxa no ke waagna o yaq cer na adna fee, yaam a and o Yaal in fo o Muumucil in Yeesu Kiristaa. A nomtooxangaa teen boo keene a hupat a den doole, xan a moƴat o mbaaxaƭar ne da nand’ina peraand.

Tiit 1:3

Ye hap fee a fadna, Roog o Muumucil in a feeñla fa lay um no Yegil mbaax ne ta doxnaxama soo a heblaam ndax um waare’in.

Kolos 1:2

In we simnaa a nuun, nuun tedu we ngimna, ndef fog in na Kiristaa, too ngen na teeru fee Kolos. Yaasam Roog Faap in a ci a nuun yirmande fa jam!

Efees 1:2

Yaasam Roog Faap in fo o Yaal oxe Yeesu Kiristaa a ci a nuun yirmande fa jam!

Galati 2:3

Tiit fee reeƭna fa mi, too a ref o Keegeres sax ser’aand nquc.

2 Korint 12:18

Mi o mat heblu a Tiit me nuun fo o pog oxe yoonna fo ten. Ii, Tiit o mat kaa mos o nax a nuun? Xeƈa boog kaa Yiif leng le ɗoxee a in na ƭat a leng kut ale?

2 Korint 8:16

O ngidim a hela a Roog, ten oxe ɓekna kam xeeñ le Tiit o jaflax o leng kut ole i njegna na nuun.

2 Korint 8:6

Ten taxu i nqeɗa a Tiit ta gar me nuun, a muuk ke ta fer’ina, ndax ta dimle a nuun, nu mbadand calel paaxu keene.

2 Korint 7:6

Kaa koy, Roog fee refna o yaayaal no we neewna doole, a yaaltiida a in a Tiit, ye ta fadiidna me in.

2 Korint 4:13

A Pind a Tedu ke kaa lay ee: «Kaam gim, ten taxu um layaa!» In itam, ne i mbogna yiif leng kut no ngim onqe, kaa i ngim, ten taxu i layaa.

O leetar ole Pool a bindna GIMU WE NGENNA ROM 1:7

Nuun fop we ngenna na teeru faa Rom, too Roog a fex a nuun, nuun we tedna na pexey o xoy ole ten, mexe simnaa a nuun: Yaasam Roog Faap in fo o Yaal oxe Yeesu Kiristaa a ci a nuun yirmande fa jam.

YEGIL MBAAX NE YEESU ne Lik a bindtuuna 2:11

Kam o yeng olene, na teeru faa Dawid, nu ndimane o Muumucil. Ten refu Kiristaa, o Yaal oxe.

Galati 3:26

Nuun fop, xa ƥiy Roog nu ndefu yaam ne nu ngimna na Kiristaa Yeesu.

Galati 3:28

Jegatee njektir ndeer o Yaawuur fo o tefee o Yaawuur, ndeer o paɗ fa jaambuur, ndeer o koor fo o tew, yaam nuun fop, o leng nu ndefu na Kiristaa Yeesu.

1 Timote 1:12

Kaam gidmaa oxe dif’axama, ta ref Kiristaa Yeesu fee o Yaal in, yaam ne ta ɗeetaxama nen o kore’u, soo a ɓekaam no calel um,

2 Timote 1:1

Mi Pool, kaam ref apootar Kiristaa Yeesu, ne Roog a bugtuuna, ndax um yegnit o ñoow ole regteena, too ta ref na Kiristaa Yeesu.

2 Timote 4:10

Demas kaa xaƴaam, a ret Tesalonik, yaam tig adna a moƴanin. Keresaas a ret Galati, Tiit a ret Dalmati.

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.