Tiit 1:3 - NQAARIIT NE ROOG

³ Ye hap fee a fadna, Roog o Muumucil in a feeñla fa lay um no Yegil mbaax ne ta doxnaxama soo a heblaam ndax um waare’in.

Tiit 1:3 Referans Kwoze

1 Timote 1:11

A cangin aleene koy, kaa inoor no Yegil mbaax ne doxneema, too ta feeñlaa o ndam onqe Roog fee helna simatel.

1 Timote 1:1

Mi Pool, kaam ref apootar Kiristaa Yeesu ne Roog fee o Muumucil in fa Kiristaa Yeesu fee refna yaakaar in a ngeblituuna.

Tiit 2:10

mbaat da nguuɗaa a den. Kaa mbar o lalit ngor tigi, ndax no kuu refna, a cangin ale Roog o Muumucil in a niwel.

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

1 Timote 4:10

Andaa koy ee kaa i njalaa, ngomreel, yaam ne i ndoonna yaakaar in na Roog fa ñoow jok fee. O ten o mat refu o Muumucil no wiin we fop, a moƴin o ref koy sax no we ngimna.

1 Timote 2:3

Keene a faaxa, too a fela a Roog fee o Muumucil in.

1 Tesalonik 2:4

Kaa koy, Roog kaa ɗeet a in soom nen waa ngatilna Yegil mbaax ne, soo a doxnin a in. Refee yee kaa i layaa, ndax i mbel wiin we, ndaa Roog fee na horooxaa a qeeñ in.

Kolos 1:23

Waagee o ñak o refit neene muk koy, yaa andoona yee kaa nu sax no ngim onqe, saƭik teen, mbañ o mbes a cinj yaakaar ne hatna no Yegil mbaax ne nu nanna. Yegil mbaax neene kaa waare’el o mbindeef onquu refna ɗuga asamaan, too mi Pool, um fi’el oxaa na jalaa, ndax ta jof a paam.

Kolos 1:6

Fa lay feene oxe na nuun, a ref itam na adna fa muum. Kaa rimaa, a maakaa. Neene a reftu refit a ndeer nuun, a xotit no ñaal naa nu eeteena o yegin yirmande Roog, andin ndigil.

Efees 2:17

Neene, Kiristaa kaa gar, a yegnitiid Yegil mbaax ne na ɓisiidaa jam. Kaa yegnin a nuun, nuun we ndefeerna Yaawuur, too ngoƭ’u a Roog, a fi’anin Yaawuur we mat’uuna itam.

Galati 4:4

Ye hap fee a fadna, Roog a luliida o Ƥeem na adna fee, o tew a rimin, ta refat o Yaawuur oxaa warna o reef kebil ke Roog.

1 Korint 9:17

Um naagangaa o fi’an fo o fud o letu, xam jeg ndabid es, ndaa boo andoona yee a fel feƭar um fi’in, o sas a refkataa, nen suf naa Roog a gadnaxama.

Esayi 45:21

Nga’iryo a ndeer nuun, yegnitin soo lambnin. An yegnit’u yaaga ke na xewaa ndiiki? Mee ndax mi o Yaal oxe yoo! Jegee roog fa lakas faa jolna mi, roog fa njofu faa na muclaa jegee, a refangee mi.

Filip 1:13

Yaam xiixire we mbogna no xeloorand ole fo lakas we fop a anda yee Kiristaa taxu um jengel.

O leetar ole Pool a bindna GIMU WE NGENNA ROM 16:26

Ndiiki, kaa feeñlel kam a safe ke no duleer we, ne Roog fee na refkaa boo faw a heblituuna. Keene koy kaa andnoorel qeet ke fop, ndax da ngim, too a nanan.

O leetar ole Pool a bindna GIMU WE NGENNA ROM 15:19

na pexey katil xa anddiloor fo comlaand na doole fee no Yiif le Roog. Neene o mat yegnitum Yegil mbaax ne na laytaa kaa jofna na Kiristaa. Kaam ñaaƴoogu, retaa muu refna, no kaa xotitna Yeerusaleem boo no jegel olaa Iliri.

O leetar ole Pool a bindna GIMU WE NGENNA ROM 5:6

Kaa hupna keene sax, ye i maadaa fo o neew doole in, Kiristaa a xonana jofaƭaru we na waxtu fee Roog a liiƥ’ina.

A pi ake 17:26

No kiin o leng a saktu qeet ke fop, a dalin a den na adna fee fop. Xeet fuu refna, ta hapanin camaane, a ɗeganin me ta warna o gen.

A pi ake 10:36

Nu anda fa lay fee Roog a lultiidna xeet fee Isra’el, ta ref Yegil mbaax ne na ci’taa jam na pexey Yeesu Kiristaa, refna o Yaal no fop.

YEGIL MBAAX NE YEESU ne Lik a bindtuuna 1:47

yiif es a felakinooxaa na Roog fee o Muumucil es.

Mark 16:15

Yeesu a laya a den ee: «Ndetyo kam adna fee fop, mbaare’ik we mbindeena fop Yegil mbaax ne.

Mark 13:10

Yegil mbaax ne xan a eet o waare’el qeet ke fop.

Habakuk 2:3

Waxtu fee mbeeñil neene a fadnooxkaa fadafulee. Waxtu fee oxey mbaambir too ñakkee o gar. A ñaalange sax oo, fat nu cungin, yaam a woora kañ ee xan a gar too gulooxkee muk.

Dañel 11:27

Oxuu refna no maad ɗik weene xan a fofan o kend um paaxeer, too a mbogangaa o roon sax oo, xan a naxraa. Kaa koy, njegkee ne da mbugna, yaam waxtu fee Roog a hapuuna fadafulee.

Dañel 9:24

Xa kiid ɓetaa ƭaq boo a caf qarɓeen ɓetuu ƭik a ndalnane xeet of fa teeru fa tedu fee wo, ndax njofaƭar a xon, bakaad fee a naag faq, tooñ ne a waasantel, soo o cofel ole na refkaa boo faw a dalnel, ndax mbeeñil ne fo ke o tuleer oxe a layna a mbadnoox, soo Oxe moƴna ted a ɗuumel.

Dañel 8:23

Boo maat keene a mbagiidaa, a soƥ tootooñ we a naang muut fo pakaad, xan o maad oxaa wootooxeerna o leng too a yekoox ne o kiin a ƴiƴtiteel a feeñ.

Esayi 45:15

Wo Roog fee Isra’el na muclaa, no ndigil Roog fa kunpa’u refo.

Esayi 12:2

Roog fee muclaxama oxey. Hoolooxaanum, too diidkatiim dara. O Yaal oxe refu doole es, too ten soom um gimaa, ten fee o Muumucil es.»

Mbeeñil 14:16

Maaga, oxe moof’ina took eel le a daalandooxa lanq ke fo a ñand um, too lanq ke a saxadooxa.

Efees 1:10

Yuuƥ neene, Roog a fadandkaa yaa hap fee a fadna, refu ta fokat fop ke refna na asamaan fo took lanq ke, da mbog o aa-adax o leng kut, ta ref Kiristaa.

Mark 1:15

Kaa layoogu yee: «Waxtu fee a fada, too Maat ne Roog a matiida. Mbesyo pakaad nuun a cinj, too njaɓ Yegil mbaax ne.»

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

2 Timote 4:17

O Yaal oxe rek fartaxam, a dif’aam, a muclaam no njogoy ne, ndax waare fee a fadnoorit na mi, we ndefeerna Yaawuur fop a nanin.