Tiit 1:2 - NQAARIIT NE ROOG

² a njeg yaakaar ne no ñoow o fagkeer ole regteena yaaga jamaane jegafulee. Roog fee naageerna o maaɓaa regtun.

Tiit 1:2 Referans Kwoze

A lim ale 23:19

Roog refee o kiin boo a maaɓaa, refee o ƥiy Aadama boo a jegaa o ndicax. Ndax fi’kee ke ta layna? Ke ta regitna, xan a fadnin.

1Saŋ 2:25

Ke ta regna a in refu ndegit ne no ñoow o fagkeer ole.

2 Timote 1:9

Roog feene muclu a in, a xoy a in ndax i ted, refee koy ee a pi in a njarin. Kaa yuuɓ’un yaaga jamaane jegafulee. Keene koy, kaa inoor na yirmande fee i ndaawitna na Kiristaa Yeesu.

Yudaa 1:21

Ndamooxyo kam o mbeq onqe Roog, ngen no cungaa yaa o Yaal in Yeesu Kiristaa kam o paaxel um a cooxkaa a nuun o ñoow o fagkeer ole.

2 Timote 1:1

Mi Pool, kaam ref apootar Kiristaa Yeesu, ne Roog a bugtuuna, ndax um yegnit o ñoow ole regteena, too ta ref na Kiristaa Yeesu.

Tiit 3:7

ndax ne i njofandteena yirmande um, i mbaag o lam o ñoow o fagkeer ole i yaakaaraa.

Tiit 2:13

yaa i cungaa ke i yaakaaraa, ta ref yaa o ndam onqe na Roog fa maak fee fo o Muumucil in Yeesu Kiristaa a feeñkaa.

2 Timote 2:15

Ɗofti boo baa a pi of a ndef gaci mbaambir Roog. Fat o ref mbaambir um o caajal oxaa na jootandaa fa lay fa ndiindigil fee kam o cofel.

2 Timote 2:13

I ngayangee ngor in, xan a gayan, yaam waagee o xañ a xoox um.

1 Sami’el 15:29

O Yaal oxe refna o ndam onqe Isra’el naangee o maaɓaa too kaa damaa fa lay um, yaam refee o kiin boo fa lay um a fe’aa a koƥ.»

1Saŋ 5:20

I anda itam ee o Ƥeenqe Roog a gara, too a ci’a a in o and, ndax i and o Tiindigil oxe refna Roog. In wey no Tiindigil oxe na pexey o Ƥeem Yeesu Kiristaa. Yeesu feene koy refu Roog fa ndiindigil fee fo o ñoow o fagkeer ole.

Tiit 2:7

soo wo fa xoox of, o refan a den o ɗeendoor na pi a paax no kuu ta refna ref, jangnaa ta xool, a jeg wargal.

1 Tesalonik 5:8

Fat i mbod no ke i mbi’aa, in we ndefna na qoolaand ale. Fat ndoki njelem in a ref o ngim fo o mbeq, soo o maxanda njelem in a ref i yaakaaraa a muc ale.

O leetar ole Pool a bindna GIMU WE NGENNA ROM 6:23

Ke bakaad a rabdaa refu fa nqon, ndaa ci’it mbadu ne Roog refu o ñoow o fagkeer ole na Kiristaa Yeesu o Yaal in.

Mace 25:46

Waaga xan a ndet na qaw alaa fagkeerna boo faw, soo jofu we a ndet no ñoow o fagkeer olaa.»

Mace 25:34

Maaga, xan o Maad oxe a lay we ndefna na ñamaak um ee: ‹Ngaryo, nuun we Faap es a barke’na. Njangyo Maat ne nu njagandan’eena yaaga adna a sogaa feroox,

Mbeeñil 17:8

Ɓaanoor fee ga’oona a ñoowooga yaaga ndaa maadatee. Kaa nar o sutoor na ngas fiɗel ale, a ɓisel a saŋkook. We ngenna kam adna fee, a kon den a mbind’aandeena kam safe le no ñoow ole, no kaa xotitna no mberaandoong adna, xan a nga a Ɓaanoor. Ɓaanoor feene a ñoowooga yaaga too maadatee, ndaa xan a nomtooxiid. Keene koy, xan a bet a den.

Mbeeñil 13:8

We ngenna na adna fee fop xan a mbaɗooxin. Weene ndefu we a kon den a mbind’aandeena no safe le no ñoow ole, no kaa xotitna no mberaandoong adna. Safe leene koy, o Mbaal onqe war’eena jegun.

2 Timote 2:10

Jaɓaam o gadoox fop yaam we njileena, ndax den oo, da mbaag o ndaaw a muc ale refna na Kiristaa Yeesu, a tapit o ndam onqe na refkaa boo faw.

1 Timote 6:19

Neene, xan a mbokatanaa a qoox den halal fa mbaax fa ndoone no saƭku yaam o feet, ndax da ndam no ñoow o ndiindigil ole.

O leetar ole Pool a bindna GIMU WE NGENNA ROM 5:21

Yaaga boog, ne bakaad a jegit’ina sañ-sañ boo a garit fa nqon, neene itam yirmande fee Roog a jegtu sañ-sañ na pexey o cofel ole, ndax ta ɓis a in no ñoow o fagkeer olaa na pexey Yeesu Kiristaa o Yaal in.

A pi ake 15:18

Keene mat o Yaal oxe a layu, too ten andnoorun no mberaand naa.› »

YEGIL MBAAX NE YEESU ne Saŋ a bindtuuna 17:2

Ci’aano sañ-sañ took pindel ke fop, ndax ta waag o coox we doxnanoona o ñoow o fagkeer ole.

YEGIL MBAAX NE YEESU ne Saŋ a bindtuuna 10:28

Kaam ci’aa a den o ñoow o fagkeer ole, too saŋkooxkee muk. O leng suqitkee a den no ɓay es.

YEGIL MBAAX NE YEESU ne Saŋ a bindtuuna 6:68

Simoŋ Piyeer a layaan ee: «O Yaal oxe, na an i njofkaa? Mee ndax wo saqu fa lay fee na ci’taa o ñoow o fagkeer ole!

YEGIL MBAAX NE YEESU ne Saŋ a bindtuuna 6:54

Oxuu ñaamna cer es, a yer fo’oy es, a jega o ñoow o fagkeer ole, too na bes fa mbalakaand faa xam xontooxnoorin.

YEGIL MBAAX NE YEESU ne Saŋ a bindtuuna 5:39

Kaa nu ƥaalaa a Pind a Tedu ke, yaam mboog ee na den nu mbaagu o njegit o ñoow o fagkeer. Den na seede’anaxam toox de!

1 Timote 6:12

Fat o gomrel ngomir mbaax ne o ngim a laamitna. Dami no ñoow o fagkeer ole taxna o xoyel, too o weejlitin o ngim of, wiin mayu a seede’in.

1 Tesalonik 2:15

Yaawuur weene o mat mbarnooru o Yaal oxe Yeesu, a mbarnoor duleer we itam, soo a ñagadil a in. Den weene koy, mbelee a Roog, a ndef fañ no wiin we fop.

O leetar ole Pool a bindna GIMU WE NGENNA ROM 16:25

Fat i simat a Roog boog! O ten jegu sañ-sañ faa ta saƭkinitna a nuun kam o ngim onqe na pexey Yegil mbaax ne um yegnitaa. Yegil mbaax neene um waare’aa koy, kaa jagin na Yeesu Kiristaa. Roog a feeñla a in yuuƥ kunpa’u ne ten ɗasin’eena yaaga.

O leetar ole Pool a bindna GIMU WE NGENNA ROM 5:4

o saƭkel a rimaa o xox ƭeetlax, o xox ƭeetlax a rimaa yaakaar.

O leetar ole Pool a bindna GIMU WE NGENNA ROM 5:2

No ten, i mbaagata o matiid na yirmande fee Roog na pexey o ngim onqe. Yirmande feene refu ngenand in ndiiki, too kaa i mbelakinooxaa, yaam i yaakaaraa yee xan i ndaaw o ndam onqe Roog.

O leetar ole Pool a bindna GIMU WE NGENNA ROM 2:7

We ngenna no mbi’aa paax, soo a mbaaƭaa o ndam fo o niwel fo o ñoow o jegee hap, xan Roog a ci a den o ñoow o fagkeer ole.

O leetar ole Pool a bindna GIMU WE NGENNA ROM 1:2

Yegil mbaax neene, Roog kaa regit’un yaaga kam a Pind a Tedu ke, a reefandin no duleer um.

YEGIL MBAAX NE YEESU ne Saŋ a bindtuuna 17:24

Faap, kaam bug muu refuuma we lasaxamoona a moof fa mi, ndax da nga o ndam es, refna onqe ci’axamoona, yaam kaa o fexaam yaaga adna ferooxafulee.

Kolos 1:27

Den weene Roog a andnooru ke refna o njiriiñ onqe na halal fa kunpa’u feene a ndeer qeet ke, ta ref leng kut kene: Kiristaa kaa ref na nuun yaakaar o ndam Roog.

Mark 10:17

Yaa Yeesu a refna na ƭat a retaa, o koor a ƴufiida me ten, a gooknoox mbaambir um, too a laamtin ee: «O Caajangin o paax oxe, xar helum o fi, ndax um lam o ñoow o fagkeer ole?»

Esayi 1:20

Kaa koy, boo nu mbañna, nqox sup, xan laƥ a ñaam a nuun.» Neene a refkaa, yaam no don no Yaal oxe a hatu.