Tiit 1:11 - NQAARIIT NE ROOG

¹¹ Weene koy, waraa o lal a den a ƭat, da naang cuxus. Kaa ndef taatas ƥasil, halal a tax da ndok na gaci boo a njangnataa kaa waraandeena o jangin.

Tiit 1:11 Referans Kwoze

2 Timote 3:6

A jega na den waa na ndokaa kam pind ke, a ƭooqlooxaa rew we yooɓna naxel, pakaad den a mbiiqilna, a yuxum a pagkatar a maƥ a den.

1 Timote 6:5

Meene ñimatir ke no wiin we ñakatna a yiif a ndefu, ndigil a daɗ a den, da mboog ee o reef a Roog baaƭir xaaliis oo.

O leetar ole Pool a bindna GIMU WE NGENNA ROM 3:19

I anda koy ee ke kebil ke a layaa fop, kaa layanin we njaɓna o ndeef kebil ke, ndax o don oluu refna a naag meek, soo adna fop a njaɓ ee baabakaad a ndefu mbaambir Roog.

Tiit 3:10

A jegangaa oxaa na xaajaa gimu we, maƭooxeen boo ngap a caf a ƭak, a waasangee ke ta fi’aa, fat o riƈatooxin,

A kim a tedu ke 63:11

Xan a mbartel laƥ, a ndefik muud xa ƥox-a-koƥ axe.

Tiit 1:9

A wara o ref oxaa na reeftaa fa lay fa mbooru fee Roog ne ta jangniteena, ndax ta waag o umbit o ngim no lakas we a cangin a ñoow ale, a maafaa fa lay no we na ƥanjaa a cangin aleene.

Tiit 1:7

Kaa o aa-adax a war o ñak ƥanjel, nen oxe Roog a hoolooxna boo a doxnan. Baa ref oxaa ndigil um soom a giñna mbaat ta mat xeeñ. Waree o ref itam oxaa a yer a adinna mbaat ta may balu-balu, xaaliis a waagin o ɓek no andand.

Mise 3:5

Keeke o Yaal oxe a layu no duleer we na mo’andaa xeet es: «Kaa yegnitaa jam, yaa a ñiiñ den a njegna kaa da ƈaxna, we loginkeerna a den tig, da yegin a den xire.

A kim a tedu ke 107:42

Wiin jofu we a nga’aan soo a mbelakinoox, njofaƭar nuu refna a naag cuxus.

2 Korint 11:10

Ne ndigil ne Kiristaa a saxna na mi, mexe yegnaa a nuun ee mbakax nene xañitkaandeem o ten muk kam caate ke mbidna Akayi fop.

YEGIL MBAAX NE YEESU ne Lik a bindtuuna 20:40

No kaa xotitna na waxtu faaga o leng saɗ’atiran o laamit tig.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Heseki’el 16:63

ndax o wetandoox ke faafna, soo sed ɓot, ndax yaƥatkatiro o don of yaam gaci of yaa um waasankang fop ke fi’oona. Mi o Yaal oxe na refkaa boo faw layun.»

Heseki’el 13:19

Kaa nu niwaƭaraxam paam xeet es yaam tanq lorso fo xa ƭeg puuru yaa nu mbaraa xa laaw axaa mbareerna o nqon, soo ñoownooraa xa laaw axaa mbarna o nqon, yaa nu maaɓaa xeet es fee na nan-gilooxaa xa maaƥ.

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

YEGIL MBAAX NE YEESU ne Saŋ a bindtuuna 10:12

O gaylooƥe le andoona yee jegoodee paal ke koy, oxaa ga’aa o moon a garaa, ta ƴuf a xaƴ paal ke, too maaga xan o moon ole a war leng ke, ke yoqna a pasaroox.

Mace 23:13

«Ndaw sabab took nuun, nuun jaajangin we no kebil ke fo Farisiya we, nuun we ndefna yememaar! Kaa nu yaqanaa wiin we da ndok no Maat ne na asamaan. Nuun fa qoox nuun, nu ndokkee, too nu nqaƴkee we mbugna ndok, da ndokiid. [

1 Timote 5:4

A soƥangaa koy ee o ñaaw oxe kaa jeg xa ƥiy mbaat xa taan axaa ngeenooxuuna, wiin we no ƥasil neene a mbara o lalit ee kaa ndeefaa a Roog. A mbara o ngeenoox a paax we ngeenoox’ina a den yaaga mbaagoodee dara. Kaaga kaa felna a Roog tigi yoo.

1 Timote 5:13

Neene koy, a njegatangee maa da ndamna, xan a ndalfoox o ndef no ndokaa, a sutooxaa. Ndamkee soom no ñak maa da ndamlooxna, ndaa xan a mayat fa lay, a yuuɓanaa lakas we kaa o leng a andeerna, a layaa kaa a ƭat den a yongeerna.

2 Timote 2:18

Kaa mbes ndigil ne a cinj, a layaa yee a qontax ale a jega boo a ƴut, a maafaa o ngim onqe no leng we.