Sofoni 3:8 - NQAARIIT NE ROOG

⁸ Ten taxu cungaamoo, cungyo bes fee um inooxkaa, ndax um jamb a nuun, yaam hebooxaam o fokat qeet, fosoox o korol maat ke, ndax fuux es a biltooxan a den, fuux ɗomu le mi fop. Saax le fop xan a raaɓtel fiɗel le no naal ne mi. Mi o Yaal oxe layun.»

Sofoni 3:8 Referans Kwoze

Yowel 3:2

No ñaal kaaga, xam fudniid Yiif es took no faɗ we sax, goor fo rew.

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Mise 7:7

Mi o mat, no Yaal oxe ɗagum yaakaar es, cungaa a Roog fee na muclaxam. Roog es xan a jaaɓaam.

A kim a tedu ke 27:14

Ɗagi yaakaar of no Yaal oxe! Refi o koor too saƭakinoox! Kaam ee ɗagi yaakaar of no Yaal oxe!

2 Piyeer 3:10

Bes fee no Yaal oxe xan a gar nen o kuuɗ oxaa na ɓeedaa. Na bes feene, xan asamaan fee a ñuf, a yoon fo fangax maak. Ke Roog a fokatna fop, xan a sooynel na fiɗel fa saasu, too lanq ke fo ke refna teen fop, xan a yaqel.

Mbeeñil 16:14

Cini keene koy na mbi’aa xa anddiloor, kaa ndet farna fo maad we na adna fee fop, ndax da mbokat a den, da ñoxorkel no ñaal maak ne Roog fee jegna katil.

Mace 25:32

Xan qeet ke fop a mbokatel mbaambir um, too xan a xaaj a den ne o kaynaak a xaajtaa pambe fo paal.

Habakuk 2:3

Waxtu fee mbeeñil neene a fadnooxkaa fadafulee. Waxtu fee oxey mbaambir too ñakkee o gar. A ñaalange sax oo, fat nu cungin, yaam a woora kañ ee xan a gar too gulooxkee muk.

Hoose 12:6

O Yaal oxe refu Roog fee Hupna fop, gon um a ref o Yaal oxe.

Esayi 30:18

Yaag oo toox de, o Yaal oxe kaa cungaa, ndax ta yirim a nuun. Neene, xan a inoox, a jeg o liir na nuun, yaam o Yaal oxe Roog fa njofu a refu. Fop we yaakaaruuna a ƭaaya.

A kim ale na kim ake 8:6

Faƭaam no xeeñ of nen mandarga, nen o anddiloor olaa refna no ɓay of, yaam mbug kaa jeg doole lool nen fa nqon, a ɗom boo nen a jaaniif, a doxaa riw nen ƈulfaan sumu jip, nen fiɗel laa moƴna o saas.

Xa peƭit axe 20:22

Ba o lay ee: «Xam rabdinoox paaxeer ke fi’eema.» Dooni yaakaar of no Yaal oxe, too xan a dimle’ong.

A kim a tedu ke 123:2

Ga’angi, ne a kid ake no dag we a ngaantaa no ɓay no yaal den, ne a kid ake no ceefeer oxe a ngeleerooxtaa no ɓay no yaal um o tew, neene a kid in a ngeleerooxtu farna fo o Yaal oxe Roog in, boo yaa ta yirimkaa a in.

A kim a tedu ke 62:5

Nga’ir den fop o mbudnaam doŋ a mbugu, o maaɓ soom felu a den. Kaa da mbarke’taa o don den, soo a salooxaa taa kam den. A maaf

A kim a tedu ke 62:1

O yaal a ƭat ale no jeejeek we a xoolne yee a kim alene kaa saq o jangooƭ ole Yedutun. A kim a tedu laa fogna na ke Dawid oo.

A kim a tedu ke 37:34

Ɗagi yaakaar of no Yaal oxe, reef a ƭat um, too yaaga xan a yoɗong, o jeg lanq ke, soxodu we a saŋkeel na kid of.

A kim a tedu ke 37:7

Naagi cel mbaambir no Yaal oxe, cungin fo o muñ. Baa oxe mayna muud a fuuxnoorong, ten oxe na fadnaa yuuƥ paaxeer um.

A kim a tedu ke 12:5

Wiin weene kaa layaa yee: «Ɗelem in refu doole in. I mbaaga fa lay tigi, an na refkaa o yaal in?»

Mbeeñil 16:1

Cinj kaaga, nanaam o ñuxur o maak olaa inoorna no Mbind Roog ne, a lay malaaka ɓetuu ƭik ke yee: «Ndetyo ƥax took lanq ke fo mbeeƭ ɓetuu ƭik ne yipna fuux le Roog!»

A kim a tedu ke 79:5

O Yaal oxe, kaa o fuuxankaa a in neeke boo a mban? Ndax naal ne wo kaa bugko kaƥaa cay nen fiɗel?

A kim a tedu ke 79:6

Naagi fuux le wo wumbang took qeet ke andeeroonga, took maat ke ƈufginooritkeerna gon of,

Esayi 14:26

Keene refu ke hebooxanuuma lanq ke fop, too o ɓay es oley yoɗuuma took a saax ake fop.»

Yeremi 10:25

Bilti fuux of took a saax ake andeeroonga fo took qeet ke ƈufginoorkeerna gon of, yaam a lista xeet fee Isra’el, a lista soo a saŋik a den, a mbayit kenand den.

Safe le no tuleer AGE 2:22

Xam jiƭit a uum ake no maad we, yaq doole fee no maat ke na adna fee. Xam jiƭit a sareet-xire ke fo ŋaaŋaay den, pis ke xan a yen, ŋaaŋaay den a mbarrit laƥ.

Esayi 34:2

O Yaal oxe a fuuxana a saax ake fop, too fuux um oxey took na yaj no xiixire den fop. Kaa kesan a den a saŋkax ale soo a ɓoxot a den xiixiris we.

Esayi 63:6

Kam fuux es, duutaam qeet ke, mokand a den kam ngañak es soo ɓax fo’oy den a lanq.»