Sofoni 3:6 - NQAARIIT NE ROOG

⁶ O Yaal oxe kaa tee: «Moocandaam qeet, taax-took den a yaqel. Wootnaam ped ke den, boo njegatee oxaa reefna a den. Teeru ke den kaa ndaadnel, njegatee o kiin o leng, ngenataand.

Sofoni 3:6 Referans Kwoze

1 Korint 10:6

O nanangaa keene a xew, in o mat taxun, ndax i njegkee a yuxum a paaxeer nen a den.

1 Korint 10:11

Refee nu nga’aan! Keene fop xewna kaa ref o ɗeendoor, a bindel ndax ta ref maƭax na in, in weeke ndefna no cat o ñoow adna.

Sofoni 2:5

Sabab took no we ngenna paam o maag ole, took xeet fee no Keekeret we! Keeke o Yaal oxe a layu took nuun: «Wo Kanaan, saax le no Fiifilista we, xam yaqong pic boo genkataandee.

Sakari 7:14

Pasaraam a den a ndeer qeet ke da and’eerna fop, da nqaƴ a cinj den saax laa wootatna, too o leng retoogatee a garaa teen. A mbi’a saax felu leene a koƥ-a-ƥor.»

Esayi 37:36

Malaaka no Yaal oxe a roka no saŋe ne no Aa-asuur we soo a war na den goor cuni teemeed fo goor cuni qarɓeen ɓetuu tadik fo goor cuni ƥetik. No feet nqes olaa, yaa waa nqon’eerna a yokooxna, a nga’a xa tal axeene fop.

A paɗax ale 26:31

Xam tas teeru ke nuun, luƈit xa paɗoorand axe nuun. Haaƭkatiim a qeeñaan ale no sadax ke nuun.

Mace 23:38

Ten taxu xan Mbind Roog nuun a xaƴel, a yoq o ƥor!

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

Esayi 14:26

Keene refu ke hebooxanuuma lanq ke fop, too o ɓay es oley yoɗuuma took a saax ake fop.»

Yeremi 9:12

O Yaal oxe a layahina yee: «Ke garna fo keene refu yee kaa mbaas ke jangnuuma a den, a mbañ o nan-giloox soo a mbañ o ndeef ke layooguuma a den.

Yosuwe 23:4

Nu nga’a ne banjangantuuma a carind ake nuun xa piisel axe no qeet ke moocanduuma boo ƴut no ke xotitna Yordaan boo no maag olaa Mediterane no mudand fo axe no qeet ke maadna o yoqaa teen.