Sofoni 3:5 - NQAARIIT NE ROOG

⁵ Yaag oo toox de, o Yaal oxe xey kam teeru fee den, a jof bo too fi’kee njofaƭar leng. Nqes nuu refna kaa ɗegaa hate um, too mosiran o ñak o fi. Yaqanee koy o soxodu xe naagee sedaa.

Sofoni 3:5 Referans Kwoze

A cangatin ale 32:4

Ten refu ɓil le. A pi ake ten njegee sik. A ƭat ake ten fop kaa njof. Kaa ref Roog fa ngore’u faa fi’keerna njofaƭar. Kaa jof soo a woor.

A ƭomatax ake 3:23

Kaa da ndakooxaa qas nqes nuu refna too ngor um kaa magin.

A kim a tedu ke 145:17

O Yaal oxe kaa jof na ƭat um fop, soo a jeg o mbeq na pi um fop.

Sofoni 3:15

O Yaal oxe a watna a qaw ale war’ina o dal a nuun, o pañ nuun, ta goƭandin. O maad oxe Isra’el refna o Yaal oxe xey a ndeer nuun. Nu njegatee taamaala faa nu ngelna o saɗar.

Esayi 28:19

A mbanuu ta garna rek, xan a maƥ a nuun, yaam xan a garaa nqes nuu refna, ñaal fo o yeng. Yaa a cangin aleene a xoolkaa a nuun, xan nu ndiid.

Sofoni 3:17

O Yaal oxe Roog of oxey fa wo, a ref nen a salma-koor alaa na muclaa. Xan o ref o ɗaay um ole moƴna magin. No mbeq um xan a fi’ong qas, o ɗaay um na wo a hitatir.»

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

A cangatin ale 23:14

Fat o qiixire xuu refna a ɓonoox kasir, ndax a retangaa tafil mbind, ta gas a lanq soo cinj kaaga ta uup ñaaƈlax ke.

1 Piyeer 1:17

Oxe na hate’kaa wiin we fop, oxuu refna no ke ta fi’na, too jegee camit, kaa nu nqoyan «Faap» kam a qeƭ nuun. Ten taxu koy, ñoowyo no saɗar a Roog, no ngap onqe nu maadkaa o ndefaa na adna fee.

O leetar ole Pool a bindna GIMU WE NGENNA ROM 3:26

Neene a laltitu o cofel um na jamaane fee ndiiki, yaam ten fa xoox um kaa jof, too kaa ɗeetaa oxe jegna o ngim na Yeesu nen o cofu.

Sakari 2:5

Yoɗaam a kid es too ga’aam kam mbeeñil o koor oxaa pokooxna o ƥaak o liiƥir.

A kim a tedu ke 37:6

Xan a feeñil o cofel of nen mbeet, wargal of nen njoloor o mbuc.

Ke bindeena no xe ne’eena YOB 34:10

Nuun yaal-o-and we, nan-gilooxaamoo boog! Saɗaand o lay muk ee Roog kaa fi’aa paaxeer, njofaƭar leng refee no Cegu katil oxe!

1 Korint 4:5

Hate fee a refangaa no ɓay Roog koy, nqaƴyo boo hap fee a fad, too a koom o Yaal oxe a gar, a huyit ke dasna, a feeñil ke a yiif ake a mbofna, a kañ wiin we fop, oxuu refna ne ta waritna.

O leetar ole Pool a bindna GIMU WE NGENNA ROM 2:5

Kaa koy, ne bugeeroona o fes pakaad of a cinj yaam o saƭik xeeñ of, kaa o waajanaa a xoox of a qaw ale na moƴkaa o ɗom, yaa bes fee na hate fa njofu fee Roog fo fuux le ten a mbadiidkaa.

YEGIL MBAAX NE YEESU ne Lik a bindtuuna 12:2

Ke singeena fop xan a singtel soo ke ɗasneena fop a ñuqtel.

Sofoni 2:1

Nuun xeet fee naangeerna sedaa, ƭeetaqinyo a qoox nuun, ƥek a yiif nuun na adna,

Habakuk 1:3

Xar taxu o ga’nooraxam paaxeer ke soo fuudaa njofaƭar ne? Toroxand fo a ƭom-yedar soom um ga’aa, qasir ƥor fo ñimatir a ndef me widaxama.

Mise 7:9

Feek kaa i mbakaad no Yaal oxe, xan i ngadoox fuux le ten, boo yaa ta layoorankaa a in soo a ɓoxot a in ɓur. Xan a ɓek a in na qoolaand ale, too xan i nga ee xan a mucil a in.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Heseki’el 48:35

Saŋe ne widna teeru fee xan a ref xa noonoong cuni xarɓaxay fo xa noonoong cuni ɓetuu tadik. No kaa xotitna a koom, teeru fee xan a xoyateel ee: ‹O Yaal oxe xey mene.› »

Yeremi 21:12

nuun mbind Dawid! «Nqes nuu nu ngate’aa, ngate’ityo o cofel, suqit oxe na toroxandeel na xa ƥay no ñaañagadil oxe, ndik fuux es a biltoox nen fiɗel, a doxaa too waagkaand o ñuf, yaam a pi a paaxeer ake nuun! Mi o Yaal oxe layun.

Yeremi 8:12

Ndax a njega o ndicax no cednooxu ke da mbi’na? Sedee teen dara too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 6:15

Ndax a njega o ndicax no cednooxu ke da mbi’na? Sedee teen dara! Njegee kaa da sedna. Too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 3:3

Maaga, xañtaaxoong a teƥ ale, too jegatee puyaam seeseek, ndaa kaa o xox no jaga’aa too sediro teen dara.

Esayi 50:4

O Yaal oxe na refkaa boo faw a ci’axam a layoorooƭ ale no daalbe we, ndax um and nam warum o saƭakinit o neewu doole xe. Nqes nuu refna kaa wetaa nof es, ndax um nan-giloox nen daalbe we.

Esayi 45:21

Nga’iryo a ndeer nuun, yegnitin soo lambnin. An yegnit’u yaaga ke na xewaa ndiiki? Mee ndax mi o Yaal oxe yoo! Jegee roog fa lakas faa jolna mi, roog fa njofu faa na muclaa jegee, a refangee mi.

Esayi 33:2

O Yaal oxe, yirmi a in! Na wo i yaakaaru. Refi doole in nqes nuu refna fo a muc in itam yaa fa naqad fee.

Ke bindeena no xe ne’eena YOB 8:3

Foogaa moos ee xan Roog a hate’it njofaƭar, ndi o Cegu katil oxe xan a sufaal o cofel ole?

Mberaand 18:25

Fi’kiro kaaga koy! Doonkiro o cofu xe leng kut ke doonoona o soxodu xe, soo warnoor o cofu xe fo o soxodu xe jaf leng. Wo fee na hate’aa we no lanq ke, ndax fesoorkiro fo o cofel?»

Sakari 9:9

Wo Siyoŋ, o ndoog onqe, ngela felakinooxi, wo Yeerusaleem, o ndoog onqe, jibni xa soroxole! O maad of oxey a garaa me wo, a jof, a ref mbir mbadar a lanq. Kaa koy, magnandooxee too took o faam a ŋaayu, took o mol, o ƥiy no faam o rew.

Ke bindeena no xe ne’eena YOB 7:18

Kaa o horooxan nqes nuu refna, ɗeetlooxan na waxtu fuu refna.

A kim a tedu ke 92:15

Kaa maad o ndimaa no nogoy den, a may fo goon bo, a nquƥaa sap,

Heseki’el 18:25

Kaa nu layaa yee: ‹A ƭat ale no Yaal oxe jofee.› Nuun mbind Isra’el, nan-gilooxyo boog: Ndax a ƭat es jofeeru, ndi ake nuun njofeeru?

Hoose 14:9

Efrayim reeratee dara fo pangool ke. Kaam jaɓaa a qeƭ um soo gayan. Xam ref no ten nen filaawo nequ, na mi xa tim um a ngataa.»

Sofoni 3:13

We na yoqkaa na Isra’el mbi’katee njofaƭar leng, maaɓkatee, too naanaxir hatkatee na xa ton den. Xan a suufaa, a kooraa, too o leng jom’andkee a den.»

Hoose 6:5

Ten taxu um xawit a den duleer es, warit a den fa lay fee na hataa no don es. Hate es a naaga dañ nen a qoolaand,