Sofoni 3:4 - NQAARIIT NE ROOG

⁴ Duleer we ten andee ke warna a den, a ndef goor hoohod, saasadax we ten a nqoolaƭarand ke kesaneena a Roog soo a ƭap kebil um.

Sofoni 3:4 Referans Kwoze

Heseki’el 22:26

Saasadax we ten a ƭapa kebil es, a maasand ke tedlanduuma. Mbaagee o njektirand ke tedna fo ke tedaƭarna, andnooree njektir ne no ke xoolna fo ke xoolaƭarna. Kaa muur a kid den, ndax nga’kee pes a ñootnax ke mi, too niwaƭareem a ndeer den.

Malaki 2:8

Nuun o mat, kaa nu ƭap a ƭat ale, a cangin nuun a ruuxnoor wiin mayu a koƥ. Kaa nu ƭeg ngiɓoor ne hiɓ’uuma fa Lewi, mi o Yaal oxe Hupna fop.

Hoose 9:7

Ñaal ke na qaw ale a mbaambnooxa, kaam ee ñaal ke no ndabid ne owe ngaraa. Fat Isra’el a andin! Kaa nu layaa yee: ‹O tuleer Roog oxe kaa ɗofat, o kiin oxe feeñooxeena a gulmaa.› O magnel ole no tooñ nuun fo ne nu sibaxama taxu nu layan.

A ƭomatax ake 2:14

Duleer we wo peeñil naanaxir fo tefee ndigil a njegu na wo. Ngultee njofaƭar of, ndax da mbinqanong muj fa mbaaxeer of. Ke da yegnoonga xa maaƥ fo naanaxir ƥor oo.

Yeremi 5:31

Duleer we kaa yegnitaa xa maaƥ xa ƥor, saasadax we a ƈufanaa ke faaxna na den soom, soo xeet es a yoon no keene. Ndi xar nu mbi’kaa, yaa keene a faafkaa?»

Esayi 9:15

Ɗooɗox we na xeet fene kaa mo’and’un, soo a nduuxnoor a den a koƥ.

Mbeeñil 19:20

Naaga, Ɓaanoor a naage nuus a damnoorel, ten fo o tuleer o maamaaɓ oxe fi’’ina xa anddiloor mbaambir um. Xa anddiloor axeene a naxtoogu we ndaaw’ina o ñaas ole Ɓaanoor, soo a mbaɗooxaa nitaal um. Maaga, den ɗik fop a ndeɓe na mbeel fiɗel alaa no nqeen ke moƴna o saas.

1Saŋ 4:1

Fog es we fexuuma, baa yiif luu garna gar nu ngimin! Kaa koy, ngorooxyo a yiif ake boo nga, ndax na Roog a inooru ndax nam, yaam kaa duleer maamaaɓ mayu a ndokiid na adna fee.

2 Korint 11:13

Wiin weene apootar maamaaɓ a ndefu fo jaajal laalaal waa mbi’ooxna apootar Kiristaa.

Mace 7:15

«Mbootooxyo we na ngaraa me nuun, soo a maaɓaa yee duleer oo. Kaa mbi’ooxaa nen paal, too yaaga fop a teeteem a baawar a ndefu.

Mise 2:11

A jeg’angaa oxaa na yegnitaa xa koɓong, a maaɓaa a nuun ee: «Biiñ fo a yer a qaaɗu xan a naang gañ», oxeene waagkoogu refan xeet fene o tuleer.

Yeremi 23:32

Yooniim fo we na yegnitaa xa ƭaaɗ-a-qaamiit, a mbetandooxaa a den soo a mo’andtaa xeet es xa maaƥ den fo a magnandax den. Mi koy, luliim a den, hebliim a den dara, too njeganee xeet fene o njiriiñ o leng. Mi o Yaal oxe layun.»

Yeremi 8:10

«Ten taxu, o Yaal oxe a laya yee: Xam coox rew den wiin jan, xa qol den, um coox a den we na njaɓkaa a den. Yaam no ke xotitna no xe moƴna o neew boo no xe moƴna o maak, fop o njiriiñ a qoox den a mbaaƭaa. No ke xotitna no tuleer oxe boo no saasadax oxe, fop maamaaɓ a ndefu.

1 Sami’el 2:22

Eeli, o saasadax oxe kaa nogoy’u lool. Ye ta yegna ke xa ƥeem axe a mbi’oogna fa xeet fee Isra’el, a nan itam ee kaa mbondooxoogu fo rew we mbadnoogna o far den no ndokand ne no Ƭiif ne o Yaal oxe a xetteel,

Haahate we 9:4

A cooxa a Abimelek xa monjong qarɓeen ɓetuu ƭik xaaliis fa nqoolu axaa da nqotitna no juurand ole Baal-Berit. Abimelek a rabdita xaaliis faaga wiin jaree tus we fo we na njoqooyooxaa, ndax da ndeefin.

Heseki’el 44:23

Xan a njangin xeet es da njektirand ke tedna fo ke tedeerna, a andnoor a den njektir ne ndeer ke xoolna fo ke xoolaƭarna.

Malaki 1:6

O ƥiy kaa ci’aa a faap um cer, soo o tag a niwaa o yaal mbind um. Yaaga boog, mi fee faap nuun, xar taxu nu ci’iraam cer? Ndi mi fee o Yaal nuun, xar taxu nu niwiraam? Mi o Yaal oxe Hupna fop na laamtaa a nuun keene, nuun saasadax we na ñawle’aa gon es soo ndamtin ee: «Na xar i ñawle’taa gon of?»

Malaki 2:7

Ke o saasadax oxe a cungteel refu ta andnoor wiin we a Roog, too no don um a cangin ale a waru o sutooraa, yaam kaa ref o tuleer no Yaal oxe Hupna fop.

Heseki’el 22:6

Gelwaar we Isra’el owey: Oxuu refna kaa laltaa doole um me wo, ndax ta ɓax fo’oy.

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»