Sofoni 3:2 - NQAARIIT NE ROOG

² Nan-gilooxee o ñuxur o leng, a ƭat um yongee no soqanqol, doonee a koolax um no Yaal oxe, matiidee a Roog um.

Sofoni 3:2 Referans Kwoze

Yeremi 22:21

Lay’aam fa wo yaaga dara jaaxɗandirang, ndaa o doonaam ee: ‹Nan-gilooxkiim.› Keene refu a pesoorooƭ of no kaa xotitna no ndeƥandoong of, yaam nan-gilooxiro o ñuxur es.

Yeremi 5:3

O Yaal oxe, ndax refee yee a kid of ngor rek a mbaaƭaa? Xawaa a den, ndaa ɗaxee a den dara. Saŋkaa a den, ndaa kaa mbañ a maƭax ale. Kaa njikooxaa o saƭik xoox, a mbañ o nomtooxiid me wo.

Yeremi 32:33

Kaa mbesaam ndiiñ, a mbañ o ƭeetaam. Ke aqatinuuma a den roog fuu feedna fop oo, nan-gilooxee, ndax da njaɓ a maƭax es.

Yeremi 2:30

Xawaam a nuun, ndaa ɗaxee dara, nu njaɓee a maƭax aleene. Ndaa kañ, laƥ nuun a ñaama duleer we nuun, nu mband a den nen njogoy.

Esayi 43:22

O Yaal oxe kaa tee: «Wo Yakoob, ƴufginooxiraamo, nuun xeet fee Isra’el, nu nqijaniraam.

Esayi 29:13

O Yaal oxe a laya yee: «Xeet fene o don fo muuceek soom a niwtaxam, yaa da matiidaxam, ndaa a qeeñ den kaa ngoƭaam, too caƭar ne da njegna na mi kaa ref o reef soom kaa o kiin a dalinna.

Xa peƭit axe 5:12

«Xar taxu um sib fa yar fee, fañ xa soqanqol axe?

A kim a tedu ke 78:22

yaam ngim’ee na Roog too ngooloox’ee ƈufig um.

A kim a tedu ke 73:28

Mi o mat, o ɗaay es refu um mat a Roog. No Yaal oxe na refkaa boo faw um jaɓnooxaa, lambnaa a pi um fop.

A kim a tedu ke 50:17

too a soƥa jaɓiro um yarong, soo o deɓ ke um layaa?

A kim a tedu ke 10:4

O soxodu xe xalamee fuux le no Yaal oxe too kaa layaa fo o cok um took ee: «Roog jegee.» Keene refu a qalaat um fop.

Nehemi 9:26

Yaqanee koy, da inooxanong, a siiknoor fa wo, a mbes kebil of a cinj, a mbar duleer we wo maƭooxoogna a den, ndax da nomtooxiid me wo. A tooñaang tooñ maak.

Hebre 10:22

Yaaga boog, fat i matiid a Roog fo xeeñ letu fo o ngim o mayu muut fo a koolax, yaam xeeñ in a xoola qac no fop ke na ɓisiidaa yiif jeejooxu, too cer in a ƥogte foofi fo jegee sik.

Heseki’el 24:13

Xoolaƭarandtaa a xoox of o njombe of. Kaam bug’ong o xooland, ndaa taxee o xool. Xoolandkataandee muk no nqoolaƭar ne wo, boo yaa fuux es a jegkaa ne ta bugna took of.

Yeremi 35:17

Ten taxu, keeke layum, mi o Yaal oxe Roog fee Hupna fop, Roog fee Isra’el: Xam hebliid took xeet fee Yudaa fo took we ngenna Yeerusaleem fop taamaala fee regdinooxuuma a den fop, yaam kaam lay fa den, too nan-gilooxiraam, um xoy a den, da mbañaam o njaaɓ.»

Yeremi 35:13

«Keeke o Yaal oxe Roog fee Isra’el Hupna fop a layu: Reti o lay wiin we Yudaa fo we ngenna Yeerusaleem ee: Ndax kaa nu nan-gilooxkee fa lay es, njaɓ o maƭooxel? O Yaal oxe layun.

Esayi 31:1

Sabab took no we na ƈufanaa Misira, ndax da ƈufginook maaga, a ngaɗ mbir den no pis soo a ngooloox a sareet-xire ke yaam o mayel den fo ŋaaŋaay say we, yaam ne da njegna doole, a mbañ o mbiƈaqiloox o Tedu xe Isra’el, mbaaƭee o Yaal oxe.

Esayi 1:5

Ndi mam a xawkataa xaw a nuun, nuun we nqoxna na pañ rek. Xoox le kaañax ƥor a saqu, soo xeeñ le fop a jir.

Xa peƭit axe 1:7

O and no saɗar o Yaal oxe a eettaa. Fanxoy soom na xeefaa o jeg-yiif fo a cang.

2 Timote 3:16

Roog bindnooru a Pind a Tedu ke fop, too bind luu refna teen a jega o njiriiñ no ke ta jangnaa. Kaa soqaa, a yaraa, a jangnaa o cofel itam,

Yeremi 13:25

Keeke refu muj of, wo Yeerusaleem, a las ale naqanoonga, mi o Yaal oxe, yaam kaa o weecaam soo hooloox xa maaƥ.

Heseki’el 22:24

«Wo fee o ƥiy no kiin, layi a Yeerusaleem ee kaa ref lanq kaa nqoolandaandeena, nquƥandtaand a teƥ a koom alaa fo fuux le.

Esayi 9:12

Xeet fee nomtooxiidee me no xe na yaran, waaƭee o Yaal oxe Hupna fop.

Sofoni 1:6

we mbesaxama a cinj fo we mbaaƭeeraxama, laamtiraam, mi o Yaal oxe.»