Sofoni 3:19 - NQAARIIT NE ROOG

¹⁹ Na jamaane faaga, xam xaw ñaañagadil we wo fop. Xam mucil we na laƴaa, fokat we ndax’eena, fi da simateel, a njeg gon kam a saax ake da njeg’ina gaci fop.

Sofoni 3:19 Referans Kwoze

Esayi 60:14

Xa ƥiy axe no we ñagadiloogoonga xan a matiidong, a lupandoox. Fop we nqaadnooxoogoonga xan a ngooknoox na caf of, a nqoyang teeru fee no Yaal oxe, Siyoŋ fee no Tedu xe Isra’el.

Yeremi 30:16

Kaa koy, fop we na listang xan a listel, too fop we na noonooraa fa wo xan a ƥisel den fop took o hup doole. We na yaqang, xan a yaqel, too we na njaɓaa o jeg of, xam xaƴ o jeg den a jaɓel

Sofoni 3:15

O Yaal oxe a watna a qaw ale war’ina o dal a nuun, o pañ nuun, ta goƭandin. O maad oxe Isra’el refna o Yaal oxe xey a ndeer nuun. Nu njegatee taamaala faa nu ngelna o saɗar.

Mise 7:10

Xan fañ in a nga’in soo a may fa gaci, den we layoogna a in ee: «Taa o Yaal oxe Roog nuun?» Maaga, xan i mbuudaa a den, da nduuteel nen lopopooƈ le no ped ke.

Heseki’el 34:16

Xam waaƭik njegel ne mo’na, xuriid ne jaqooxna, ne ɓolooxna um jongin, ne jirna um waadnin, ndaa ne giñna o mat, a jeg doole, xam saŋkin. Xam gayit a den o cofel.»

Esayi 61:7

Me gaci nuun a reeƭna, xan nu mbelakinoox maaga a caf a ƭak, xa ƈeel a ndef a las nuun ee a neewandax, nu ndaaw a las a ƭak no saax nuun nen su’nit, too xan nu ñoowataa no ɗaay o fagkeer.

Yeremi 33:9

Gon siwu le Yeerusaleem xan a ref na mi o ɗaay, a ci’aam a simat fo o niwel a ndeer qeet ke no lanq ke fop na yegkaa paax ke um fi’ankan. Qeet ke xan a ndiid soo a send, yaa da nga’kaa baneex fee fa jam fee fop um ci’kaa a Yeerusaleem.»

Hebre 12:13

Naangyo o ñaaƴaa na ƭat a cofu ke, ndax a caf ale no xe na laƴaa ɓolooxkee ndaa ndax ta wod.

Esayi 60:18

Yo’in leng nankataand no saax of, too yaq fa taamaala njibkatee kam o jegel of fop. A muc ale xan a ref saŋe of, soo a simat a ref begax of.

Heseki’el 39:26

Maaga, xan a mbeecit o ñiwaƭarel den fo ngore’aƭar ne da mbi’na na mi ye da ngenaa no woor kam o fiisel den, too o leng jom’andkatee a den.

Mbeeñil 20:9

Den oo weene a inooriidaa no saax oo saax, ndax da mbid o kurul-keƥ saŋe ne no we mbogna na Roog refna teeru fee ta fexna. Kaa koy, fiɗel a inoora na asamaan, a saŋik a den.

Yeremi 46:28

Wo Yakoob fee o tag es, ba o saɗar, yaam mexey fa wo. Xam moocand qeet ke pasar’oonga fop, ndaa wo o mat, moocandkiroong. Xam xawtong o cofel, waagiroong o ɗeet nen a jaambuur. Mi o Yaal oxe layun.»

Esayi 62:7

Ba nu nqaƴin fo njaambuur um boo yaa ta dalnatinkaa a Yeerusaleem, a fi’in o ndam onqe no lanq ke fop.»

Esayi 26:11

O Yaal oxe, o ɓay of ole yoɗooxa took, ndaa nga’iran. Xan a mos o nga o jaflax of na xeet of soo a sed yaam keene. Xan fiɗel le jagandaneena fañ we wo a raaɓ a den!

Yeremi 31:8

Nga’yo, xam nomtitiid a den no saax laa no ɓemb-roog o janoon, fokatit a den no cat ke no lanq ke. A ndeer den xan a jeg fuul fo ɓoof, rew waa mbudna fo waa na ngaajooxaa. Den fop, xan a nomtooxiid mene, a mbi faan maak.

Heseki’el 16:27

Maaga, inooxanaaxoong, wañ o jeg of, ɓoxotong fañ of, da njeg ne da mbugna na wo, mboƥ ndoog ne no Fiifilista we sed’ina yaam a pesoorooƭ a sednooxu of.

Heseki’el 16:57

yaaga kañaan of huytafulaand. Ndiiki koy, wo yoqte no niwaƭarel ole roog we Edoom fo fop we mbiduuna a ndoonkang, den fo roog we no Fiifilista we siboonga me widoonga fop.

Heseki’el 39:13

Xeet fee no saax le fop xan a ngas a den, too xan gon den a joot teen na bes fee um ɓoxotkeel o ndam. Mi o Yaal oxe na refkaa boo faw layun.

Sakari 8:23

No ñaal kaaga, wiin xarɓaxay waa mbogeerna lak xan a saaƭoox no noflax ndoki no Yaawuur oxuu refna, a layan ee: ‹Kaa i mbug o yoon fa nuun, yaam i nana yee Roog oxey fa nuun.› Mi o Yaal oxe Hupna fop layun.»

A cangatin ale 26:19

Neene, xan o Yaal oxe Roog nuun a ci a nuun nu ngup qeet ke ta sakna fop, ndax nu simatin, ci’in o jeg gon, ndef qaaƴoor um soo ndef xeet faa ta kesaneena, ne ta laytuuna a nuun.»

Haahate we 1:7

Maaga, Adoni-Beseq a laya yee: «Maad qarɓeen ɓetuu ɗik waa qol maak ke na xa ƥay axe fo ke na caf ake den a ƭegeena kaa ngisoogu ke samtoogna no roon es. Roog kaa rabdaxam deŋ ke fi’uuma!» A ƥisaan Yeerusaleem, too maaga a xontu.

Esayi 33:1

Sabab took of, wo xe na yaqaa, too yaq’aandee, hodaa, too mosaandee o hod. O yaqangaa boo ƴut, xan o yaqel, o hodangaa boo ƴut, xan o hodel.

Yeremi 30:19

Xan a simat a yoɗoor a ndeer den, xa ƈeel no we na mbelakinooxaa. Xam mayƭand xeet es, too mbañooxkatee. Xam ɓoxot a den o ndam, too nqeefkataand.