Sofoni 3:18 - NQAARIIT NE ROOG

¹⁸ O Yaal oxe kaa tee: «Xam fokatiid we ndefna na naqad, too a ngoƭ toofeen ke, a sutoor na wo, wo Yeerusaleem, too gaci a dam a den.

Sofoni 3:18 Referans Kwoze

Heseki’el 36:24

Xam suudit a nuun a ndeer qeet ke, fokatit a nuun na saax ake fop soo nomtiid a nuun no lanq nuun.

A ƭomatax ake 1:4

A ƭat ake Siyoŋ owey no ñaawax, yaam toofeen ke ngarataand. Tokand ke ten fop kaa mbootat, saasadax we ten a iinaa. Mboƥ ndoog ne ten kaa naqadiloox, soo kam um a fag tak.

Sofoni 3:20

Na jamaane faaga, xam fokat a nuun, nomtiid a nuun, fi nu njeg gon, simateel a ndeer qeet ke no lanq ke fop, yaa um supitkaa o roxanqol ole nuun na kid nuun. Mi o Yaal oxe layun.»

Hoose 9:5

Xar nu mbi’kaa na bes fee no ndoofeen ne, na bes fee na xew fee no Yaal oxe?

Heseki’el 34:13

Xam sutit a den a ndeer qeet ke, fokatit a den na saax a pogreer ake. Xam gay a den took xa coong axe Isra’el fo kam a nap ake na xa quluɓ axe fo no fo mbiñ ne na ngeneel no saax le fop.

A ƭomatax ake 1:7

No ñaal ke na naqad um fo no ñaat um, Yeerusaleem oxe wetandooxaa o neq ole ten sax’ina. Ye xeet fee ten a yenna na xa ƥay no pañ oxe too jegee o leng oxaa ƴufguuna, fañ we ten a nga’aan soo a njalaa njom ne ten.

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

A kim a tedu ke 43:3

Lultiidaam a qoolaand of fo ndigil of. Fat da ƭoxaam boo no joong o tedu le wo, a ƥisaam no mbind of!

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

A kim a tedu ke 79:4

Gentand we in owey mbenaa a in, we mbidna a in a nqaadnooxaa soo a njalaa a in.