Sofoni 3:16 - NQAARIIT NE ROOG

¹⁶ A koom, xan Yeerusaleem a layel ee: «Wo Siyoŋ, ba o saɗar dara! Ba xa ƥay of a leeƈoox!

Sofoni 3:16 Referans Kwoze

Hebre 12:12

Yaaga boog, fat nu yoɗatin xa ƥay axe nuun yaarna too saƭkand kuɓay ke nuun neewna doole.

Galati 6:9

Baa o fi paax a fas a in. I yapatilangee a pi a paax, i ñakkee o saxad muk, yaa hap fee a fadiidna.

Mbeeñil 2:3

Andaam itam ee saƭkaa. Xijaa yaam gon es, too dakooxiro a cinj.

Efees 3:13

Neene boog, mexe xeɗaa a nuun nu mbañ o ndeɓ njambaar ne nu njegna, yaam coono ke um gomanaa a nuun. Coono keene na ndimaa o ndam nuun.

Esayi 44:2

Keeke o Yaal oxe sakoonga, a moolong no fud ya of too a dimle’ang, a layu: Ba o saɗar dara Yakoob, wo fee o tag es, wo Yesurun fee jiluuma,

Esayi 41:10

ba o saɗar, yaam mexey fa wo. Ba o firiɓ, yaam mi refu Roog of. Kaam saƭkandang, ƴufgang soo damtang o ɓay o ñamaak es ole ɓonooxna o cofel.

Esayi 40:9

Ŋaayi took o joong o jiig, wo Siyoŋ fee na yegnitiidaa yegil mbaax ne. Kaam ee fat o ñuxur of a jib took, wo Yeerusaleem fee na ɓisiidaa o nan o felu le. Jibneen, too ba o saɗar dara. Layi teeru ke Yudaa yee: «Roog nuun oxey!»

YEGIL MBAAX NE YEESU ne Saŋ a bindtuuna 12:12

No feet olaa, yaa mayu no waa ngar’ina na xew faa a nanna yee Yeesu oxe garaa Yeerusaleem,

Sakari 8:15

Ndiiki koy, yuuɓaam o fi’an a Yeerusaleem fo mbind Yudaa paax. Ba nu saɗar dara boog!

Esayi 54:4

Ba o saɗar boog, yaam neewandkataandee. Ba o yogorloox, yaam niwaƭarkataandee. Xan o weecit gaci fee no ndeƥandoong of too wetandooxkatiro o niwaƭarel ole yegoogoona ye o refaa o ñaaw.

Ke bindeena no xe ne’eena YOB 4:3

Yooɓ’aa o asaa lakas we, dimle’aa we neewna doole.

2 Korint 4:1

I ndeɓkee muk njambaar in, yaam ne Roog a lasna a in calel keene na pexey o paaxel um.

Esayi 25:9

A koom oxuu refna a lay ee: «Roog in oxey, no ten i ndoon’u yaakaar in, too ten o mat muclu a in. O Yaal oxe xey, no ten i ndoon’u yaakaar in. Fat i ndef no ɗaay too mbelakinoox na muc ale i ndaawitna no ten.»

Yowel 2:21

Lanq ke, ba nu saɗar dara. Ndefyo no ɗaay too mbelakinoox, yaam o Yaal oxe a fi’a tig magnu.

Sakari 8:13

Nuun mbind Yudaa fo nuun mbind Isra’el, ne nu ndefit’ina saloor a ndeer qeet ke, neene nu ndefitkaa we na mbarke’tateel, a cinj yaa um mucilkaa a nuun. Ba nu saɗar dara ndaa saqyo njambaar!