Sofoni 3:14 - NQAARIIT NE ROOG

¹⁴ Wo Siyoŋ o ndoog onqe, jibni xa soroxole, wo Isra’el, ƴeeli, wo Yeerusaleem o ndoog onqe, felakinooxi no xeeñ of fop!

Sofoni 3:14 Referans Kwoze

Esayi 12:6

Nuun we ngenna Siyoŋ, njibinyo xa ƈeel too mbelakinoox, yaam o Tedu xe Isra’el refna a ndeer nuun kaa magin.

Mise 4:8

Wo ñaang le Siyoŋ na yetooxaa xeet fee nen taax-took yetooxand, xan o jegatin sañ-sañ fee wo yaaga. Yeerusaleem xan a refatin teeru fa maak fee no maat ne.»

Esayi 54:1

Wo fee o timar, felakinooxi. Wo fee moseerna o jeg o ƥiy too ñimiro xa ƭomel gaaj, ƴeeli a maak too ref no ɗaay, yaam o Yaal oxe xe layang ee: «Wo o tew oxe waaseena, ndiiki wo hupɗatu o tew oxe na dolooxaa xa ƥiy.»

Esayi 51:11

Neene, we o Yaal oxe a watna, xan a nomtooxiid. Xan a mbadtiid a kim baneex kam Siyoŋ. O ɗaay o fagkeer xan a meleƈin mukit den, baneex fo o ɗaay a ndokiid, soo naqad fo xa iin a ndiƈatoox.

Esayi 40:9

Ŋaayi took o joong o jiig, wo Siyoŋ fee na yegnitiidaa yegil mbaax ne. Kaam ee fat o ñuxur of a jib took, wo Yeerusaleem fee na ɓisiidaa o nan o felu le. Jibneen, too ba o saɗar dara. Layi teeru ke Yudaa yee: «Roog nuun oxey!»

Esayi 35:2

Xan a may fo piɗ mosu, a mbecoox fo o ɗaay, a mbelakinoox soo a soroxole. Xan a cooxel o ndam onqe Libaŋ fo o mosel ole no joong ole Karmel fa Saron. Xan a nga o ndam onqe no Yaal oxe, o mosel Roog in.

Mace 21:9

Wiin mayu we adoox’ina a Yeesu fo we ndeefan’uuna kaa mbalalooxoogu yee: «Hoosiyana, o Ndaan Dawid! Oxe na garaa no gon le no Yaal oxe a hela simatel. Hoosiyana took-ee-took asamaan!»

A kim a tedu ke 14:7

Ey, bug’aam o ga wala a muc ale Isra’el na inoortiidkaa Siyoŋ? Yaa o Yaal oxe a supitkaa o roxanqol ole na xeet um, xan Yakoob a ref no ɗaay, Isra’el a felakinooxaa.

Nehemi 12:43

No ñaal naaga, wiin we a ƥoxota sadax mayu soo a ndef no mbelakinooxaa, yaam Roog kaa ci’’u a den o ɗaay o maak. Rew we fo xa caaƈ axe a mbelakinooxa itam, too xa ƈeel axe kam Yeerusaleem a nannooxa koƭu.

Yeremi 31:13

Maaga, roog we xan a mbecoox fo o ɗaay, mbes ke fo a koorgi ke a mbelakinooxandoor. «Xam supit naqad den o ɗaay, yaal a den, felakin a den a cinj ɗom den.

Yeremi 30:19

Xan a simat a yoɗoor a ndeer den, xa ƈeel no we na mbelakinooxaa. Xam mayƭand xeet es, too mbañooxkatee. Xam ɓoxot a den o ndam, too nqeefkataand.

A kim a tedu ke 97:8

Siyoŋ xan a nanin soo a felakinoox, teeru ke Yudaa a ndef no ɗaay yaam kate ke wo, wo o Yaal oxe.

Esayi 37:22

Nan-gilooxi xa ƭelem axe layuuma no kaa jofna no ten: Siyoŋ, o njaaƈ o ndoog onqe kaa xeefong, a xaadnooxang, Yeerusaleem fa mosaan fee a jalang, a wulaa xoox.

Esayi 40:1

Roog nuun kaa lay ee: «Yaalyo xeet es, kaam ee nu yaal xeet es!

A kim a tedu ke 149:2

Fat Isra’el a felakinoox no saasak um! Kaam ee fat xeet fee Siyoŋ a njeg o ɗaay no maad den!

Esayi 29:19

O Yaal oxe xan a ref no we neewandooxna a cur o ɗaay o maak, we moƴna o ndool no wiin we a mbiltoox fa baneex no Tedu xe Isra’el,

Esayi 52:9

Nuun yaqatin ke Yeerusaleem, ƈeelyo a maak nuun fop, yaam o Yaal oxe xe yaalaa xeet um, a wataa a Yeerusaleem.

Yowel 2:23

Nuun we ngenna Siyoŋ, ndefyo no ɗaay too mbelakinoox no Yaal oxe Roog nuun, yaam a ci’a a nuun a teƥ a paax. A fudnaniida a nuun puyaam ke, a teƥ a sarandam ake fo a seeseek ake nen yaaga.