Sofoni 3:11 - NQAARIIT NE ROOG

¹¹ «Wo Yeerusaleem, a koom jegkatiro gaci na pi of ake tooñtaxamoona fop. Xam watin na wo we a magnandax a ɗaaynooraa, too ga’atinooxkatiro muk took o joong o tedu le mi.

Sofoni 3:11 Referans Kwoze

Esayi 54:4

Ba o saɗar boog, yaam neewandkataandee. Ba o yogorloox, yaam niwaƭarkataandee. Xan o weecit gaci fee no ndeƥandoong of too wetandooxkatiro o niwaƭarel ole yegoogoona ye o refaa o ñaaw.

Esayi 11:9

Paaxeer mbaat yaq fa leng fi’kataand took o joong o tedu le no Yaal oxe, yaam xan o and o Yaal oxe a mayƭand lanq ke ne poofi ke a mayƭanditna o maag ole.

Esayi 61:7

Me gaci nuun a reeƭna, xan nu mbelakinoox maaga a caf a ƭak, xa ƈeel a ndef a las nuun ee a neewandax, nu ndaaw a las a ƭak no saax nuun nen su’nit, too xan nu ñoowataa no ɗaay o fagkeer.

1 Piyeer 2:6

Yaam a laye kam a Pind a Tedu ke yee: «Mexe doonaa kam Siyoŋ ɓil maxir le jiluuma, ta ref oxe moƴna o jeg o njiriiñ. Oxuu gimna no ten, sedkee muk.»

O leetar ole Pool a bindna GIMU WE NGENNA ROM 9:33

A Pind a Tedu ke sax a lay’a kaa jofna no ten ee: «Xam doon kam Siyoŋ ɓil laa na tolofnooraa, a ref gac laa na maafnooraa. Kaa koy, oxuu gimna no ten, sedkee muk.»

Mace 3:9

Ba nu mboog ee nu mbaaga o lay na yiif nuun ee: ‹Abraham refu o taan in.› Mexe layaa a nuun ee Roog a waaga o fi a kac akeeke xa taan Abraham.

Dañel 9:16

O Yaal oxe, naa moofo a pi of kaa njof. Ngela ɓoosdandi fuux of fo ngañak of, mandaxin xeeñ of na Yeerusaleem fee teeru of, o joong o tedu le wo, yaam pakaad in fo tooñ ke no daan in taxu boo we mbidna a in fop a nqeef a Yeerusaleem fa xeet fee wo.

Yeremi 7:4

Ba nu ngooloox fa lay fa maamaaɓ fene: Mene Mbind ne no Yaal oxe a refu, Mbind ne no Yaal oxe, Mbind ne no Yaal oxe o mat oo.

Esayi 45:17

Kaa koy, o Yaal oxe xan a mucil xeet fee Isra’el. Xan a muclel boo faw. Nu sedkee muk mbaat nu niwaƭarel.

O leetar ole Pool a bindna GIMU WE NGENNA ROM 2:17

Kaa o ne’ooxaa o Yaawuur, wo fee saaƭooxna no kebil ke Roog, soo fakoortaa a Roog of,

Mise 3:11

Haahate we den kaa ngate’aa took nger, saasadax we den a njangnaa took ndabid, duleer we den a yegnitaa padafuleer, ndax da njeg xaaliis too a saɗa o ngeƈnoox no Yaal oxe, a lay ee: «O Yaal oxe xey a ndeer in! Paaxeer leng dalkee a in!»

Dañel 9:20

«Maad’aam o xeɗaa, weejlaa pakaad es fo ke na Isra’el fee xeet es soo diisaa o Yaal oxe Roog es kaa farna no joong o tedu le ten.

Heseki’el 24:21

Layi mbind Isra’el ee: Keeke o Yaal oxe na refkaa boo faw a layu: ‹Nga’angyo, xam maasand Mbind tedu ne mi, qaaƴoor ke na doole fee nuun, ke yulna a kid nuun fo yaakaar o ñoow nuun. Xa ƥiy xa koor axe fo xa tew axe nuun nu nqaƴna Yeerusaleem, xan laƥ a ñaam a den.

A kim a tedu ke 49:5

Kaam nan-gilooxaa a paax xa peƭit axe, tektiidaa a nax-o-gut es, yoonandtin o nqilimb.

A lim ale 16:3

A mbokatoorana a Moyiis fa Aaroon, a lay a den ee: «A ŋaay ale nuun oxe jolaa a naaq! Mbokatax ne Isra’el fop kaa ted, too o Yaal oxe xey a ndeer in. Xar taxu boog nu nqalaataa yee nuun ngupu na xeet fee no Yaal oxe?»

A kim a tedu ke 59:12

Ba o war a den ndak fo ndak, yaam ndik xeet es a mbeectong. Raaynoorti a den katil of, maaf a den, wo o Yaal oxe refna pegoor in.

A kim a tedu ke 131:1

A kim no ñaañaaƴ we yoo, a fog na ke Dawid. O Yaal oxe, jegiim xeeñ magnandooxu, naagiim o ɗeettaa nga’yaamoo. Rokkiim no tig magnoodu ke gartaxama took lool.

Esayi 2:12

Bes fee no Yaal oxe Hupna fop xan a dal took fop ke magnandooxna fo ke ga’atinooxna, a fudin fop ke yoɗooxna.

Esayi 5:15

Wiin we fop xan a neewandoox, a yer fo ut ole, soo oxe na ɗeettaa nga’yaamoo a lupandoox.

Esayi 56:7

xam ɓisiid a den took o joong o tedu le mi. Xam mayƭand a den fo o ɗaay kam Mbind a qeƭ ne mi, jaɓ sadax toxel ke fo sadax lakas ke da ƥoxotkaxam fop took o sadaxand ole mi, yaam Mbind es xan a xoyeel Mbind a qeƭ no qeet ke fop.»

Yeremi 13:9

«Keeke o Yaal oxe a layu: Neene deŋ um yaqitkaa ka’atinoor ke Yudaa fo ka’atinoor maak ke Yeerusaleem.

Heseki’el 20:40

Fat nu yeg fo and ee took o joong o tedu le mi, took o joong o jiig ole Isra’el, teen mbind Isra’el fop, fop we na ndefkaa no saax le a mbaɗooritkaxam. Maaga um dalnitkaa a den a paax. Xam waaƭaa ke nu mbatnanaxama, taawlax ke no ci’it ke nuun fo fop ke nu kesankaxam. Mi o Yaal oxe na refkaa boo faw layun.