Sofoni 3:10 - NQAARIIT NE ROOG

¹⁰ We na mbaɗooxaxam, a pasaroox muu refna, xan a ƥoxotiidaam sadax, a inoortiid kaltaa xa quluɓ axe Kuus sax.»

Sofoni 3:10 Referans Kwoze

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

A kim a tedu ke 68:31

Xasani a Misira, muumeen fee no xeet le, xasan qeet ke, o siir ole no qoox ke yoonna fo xa qeel, ndax da ngung mbaambir of fo xa monjong xaaliis. Pasari qeet ke mbexna xire.

Esayi 18:1

Ey! Wo saax le forfor le na nafir ake a fangooxaa, woxe refna kaltaa xa quluɓ axe Kuus,

1 Piyeer 1:1

Mi Piyeer fee apootar Yeesu Kiristaa na simnaa a nuun. Roog jilu a nuun, nuun we ndefna xa kataakoon xa pictooxu kam xa cegel axeeke: Pont fa Galati fa Kapados fa Asi fa Bitini.

O leetar ole Pool a bindna GIMU WE NGENNA ROM 15:16

boo um ref o caajal Kiristaa Yeesu me no we ndefeerna Yaawuur. Kaam fadnaa calel tedu, yaa um waare’aa Yegil mbaax ne Roog, ndax qeet ke ndefeerna Yaawuur a ndef sadax faa felna a Roog, sadax fa ñaku sik na pexey Yiif Tedu le.

A pi ake 24:17

Ne rok’uuma a koƥ boo xa kiid xa mayu, too gariim kam Yeerusaleem, ten taxu um nomtooxiid, ɓislooxiid xaaliis ndax um dimle xeet es, soo ɓoxotiid a Roog sadax.

A pi ake 8:27

Filip a inooxa, a ret, too a jopra maaga fo o koor o ken’u no saax laa Ecopi. O koor oxaaga koy kaa yoomnoor’el, a ref jawdiin Kandaak fee tekitna o maad o tew oxe Ecopi, too a geekoogu a kamba le ten. Kaa faɗook’u a Roog Yeerusaleem,

Malaki 1:11

Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.

Esayi 18:7

Na jamaane faaga, xan sadax a ƥisiidel o Yaal oxe Hupna fop, a ngat no cool keene, cer den a telelaa, na xeet feene saɗareena mene fo me goƭna, no saax leene jegna doole, a duutaa fañ um fop, too xa quluɓ axe a qicran. Xan a ƥisiid ci’it den took o joong ole Siyoŋ, me gon le no Yaal oxe Hupna fop a genna.

YEGIL MBAAX NE YEESU ne Saŋ a bindtuuna 7:35

Naaga, Yaawuur we a layra yee: «Ndi mam a rokkaa boo i mbaagkiran o nga? Ndax kaa retaa kam teeru ke no Geegeres we, maa ta waagna o soƥ xeet fee in pictoorna, soo a jangin itam we ndefeerna Yaawuur?

Esayi 11:12

Xan a sipan a saax ake o anddiloor, a fokat kam Isra’el we sutoox’ina saax le soo a korol we pasaroox’ina na Yudaa na xa saax xa nahaq axe na adna fee.