Sofoni 3:1 - NQAARIIT NE ROOG

¹ Sabab took teeru fa mbaafañ fa nqoolaƭaru fee, teeru fee naagna gañ fo ñaañagadil!

Sofoni 3:1 Referans Kwoze

Yeremi 6:6

Keeke o Yaal oxe Hupna fop a layu: «Mbuuɓyo taxar ke, maxit a den a uum lanq a songir no saŋe ne Yeerusaleem. Teeru fee wareena o xaw oo, yaam ñagadil ƥor ndefu kam fee.

Esayi 59:13

O Yaal oxe, kaa i nanaƭaranong, nqañong soo mbañong o ndeef, wo Roog in. Ñagadil rek i laytaa mbaat naa i siiknooritna. Ke refna na qeeñ in fo ke i njegna na yiif in xa maaƥ xa ƥor oo.

Esayi 30:12

Ten taxu keeke o Tedu xe Isra’el a layu: «Feek kaa nu nqeef fa lay feene, ndoon a koolax nuun no naanaxir ƥor fo na xa maaƥ, mbi a den ndamlooxand nuun,

Malaki 3:5

O Yaal oxe Hupna fop kaa tee: Mexey garaa, ndax um hate a nuun, too xam ñof o jamb we saɗareeraxama, a ñango’aa mbaat da seeqaa mbaat da ngaañtaa cegeer mbaat da naxaa jaajal we no ndabid den mbaat da toroxandaa ñaaw we fo xa baan axe mbaat da tooñaa xa kataakoon axe.

Sakari 7:10

Ba nu toroxand o ñaaw oxe mbaat o waan ole, o gataakoon ole mbaat o ndool onqe, too ba nu yuuɓanir paaxeer. Mi o Yaal oxe Hupna fop layun.

Heseki’el 22:7

Faap fa yaay kaa nqeefel me wo, o gataakoon ole a ñagadileel a ndeer of, o waan ole fo o ñaaw oxe a mbalteel.

Mise 2:2

Kaa yaawaa xa qol soo a njaɓ a den, a yaaw pind soo a ndoon teen o ɓay. Kaa toroxandaa o kiin fo mbind um, o kiin fo lanq ke ta lamna.

Yeremi 22:17

Kaa koy, a kid of fo xeeñ of o njiriiñ of rek a ƭeetaa fo fo’oy jaambuur, ndax o ɓaxin, ñagadil fo a ƭom-yedar, ndax o fadin a den.

Esayi 5:7

Isra’el refu a ƭing taxar biiñ ale no Yaal oxe Hupna fop, soo wiin we Yudaa a ndef ndaxar biiñ ne ta jimbna fo o ɗaay. O Yaal oxe kaa yaakaaroogu yee xan a ndeefaa a ƭat, ndaa koy, njofaƭar soom a ga’u na den. Kaa cungoogu na den o cofel, ndaa a coytax soom a nanaa.

A paɗax ale 1:16

Fat a watin gagar le fo ke refna teen, soo a deɓin paam o sadaxand ole farna fo batand, me ndaw ke a yipeel.

Amos 4:1

Moxolaare ke Samari, naangna suquƈ nen xa pi naak axe Basan, nuun we na ñagadilaa we toroxna, jegeer we nu ngefaa den, soo ngeleeroox, lay gor nuun ee: «Langinyo xa moon axe i yer!»

Amos 3:9

Mbalalooxyo kam pind no maad ke Asdod fo ke Misira, lay fop ee: «Ndetyo mbokatoor na xa coong axaa Samari, nga ritiɓ faa ta fi’na, ñagadil ke yee gañ a ndeer um.

Heseki’el 23:30

na ngarkaa fo keene yaam kaa o jaga fo qeet keene, soo xoolaƭarandoorit nitaal pangool ke den.

Heseki’el 22:29

Wiin we no saax le kaa mbi’aa a ƭom-yedar, a nguuɗaa, a toroxandaa o ndool onqe fo o toroxu xe, a ñagadilaa o gataakoon ole, a njiriiñooraa haq um.

Yeremi 5:23

Kaa koy, xeet fene kaa naɗoox too a ƥoow. Kaa mbesaam a cinj soo a nduux a koƥ.

Esayi 59:6

Ke da ndiwaa jaɓee rokooxel, o hulooxel ne’aand, yaam o njakad rek a oraa. Xa ƥay den njalkee jam muk.

Yeremi 6:7

Ne a cur a balnitaa foofi um, neene a balnitaa kañaan um. Combol fo yaq rek na naneel teen, um gen no ga’aa teen cay xa ƭomel fo kaañax.