Sofoni 2:9 - NQAARIIT NE ROOG

⁹ Ten taxu mi o Yaal oxe Hupna fop, ref Roog fee Isra’el kaam ee: Ne ta wooritna yee mexe ñoowaa, neene a woortu yee xan Mowaab a nand fa Sodoom, soo saax le no Aa-amon we a nand fa Gomoor, a ndefat o mbiñ onqaa saxna o ndoxom, o tan fo jem, o mbiñ o mbootu boo kili. We na muckaa na xeet es xan a njangal a den, yoqatin we na xeet es a njegat saax den.»

Sofoni 2:9 Referans Kwoze

Esayi 11:14

Xan a mbokatoor, a yaadin Fiifilista we farna fo mudand, a njaɓ kalal ke no we ngenna no batand, a ndoon o ɓay na Edoom fa Mowaab soo a ngame Aa-amon we.

A cangatin ale 29:23

Maaga, xan qeet ke fop a lay ee: ‹Xar taxu o Yaal oxe a fi neeke saax lene? Xar gartu fuux maak ɗomu lene?›

Esayi 25:10

No ndigil, xan o ɓay no Yaal oxe a ref took o joong olene. Mowaab xan a duutel me ta refna nen daaƭ kam a tos,

Yeremi 50:40

Ne ta refit’ina na Sodoom fa Gomoor fo teeru ke mbid’ina a den, Roog a gef’ina tuƈ, o leng genkatee kam Babilon. O mbindeef o leng dalkatee teen. O Yaal oxe layun.

Yeremi 48:1

Ke yegniteena na Mowaab. Keeke o Yaal oxe Roog fee Isra’el Hupna fop a layu: «Sabab took Nebo, yaam a gefe! Kiryatayim a seda ɓot, a jaɓel. Teeru fa njegu saŋe ne took o joong ole a seda, a diid ƭomu.

Esayi 49:18

Deɓi a kid of me widoonga too horoox a paax. Fop owe mbokatoora, a ngaraa me wo. Ne ta wooritna yee mexe ñoowaa, mi o Yaal oxe, neene a woortu yee xan a ndef na wo nen kumooxel kaa na mosandooreel. Xan o hiɓoor fa den ne o kulook a rokoortaa ceq um.

O leetar ole Pool a bindna GIMU WE NGENNA ROM 14:11

A laye na Pind a Tedu ke yee: «Mi o Yaal oxe, ne ta wooritna yee mexe ñoowaa, neene a woortu itam ee xan wiin we fop a ngooknoox mbaambir es, too oxuu refna xan a xaanaa o ndam es, mi Roog.»

Sofoni 3:13

We na yoqkaa na Isra’el mbi’katee njofaƭar leng, maaɓkatee, too naanaxir hatkatee na xa ton den. Xan a suufaa, a kooraa, too o leng jom’andkee a den.»

Sofoni 2:14

Xan xa siir axe a kooraa teen, o xos muumeen oluu refna, a paɓaan fo a sambaaƭ a mbe’aa took a toodook ake ten. Xan xa ñuxur den a nannoor na xa palangteer axe, a tooq ale a dong no peg ne, yaam fañ den xan a mbatin ke fi’teena a teex ndaxar seedar fop.

Sofoni 2:7

A ƥeeraamb akeene xan a ndefan we yoqna no mbind Yudaa. Meene a mbugko ngayaa, soo no yeng ole, da mbondook kam pind ke Askalon. O Yaal oxe Roog den xan a topatoox a den, a supit o roxanqol ole den.

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal:

Yeremi 49:18

Nen a Sodoom fa Gomoor fo teeru ke mbidna a den ngef’eena tuƈ, o leng genkatee teen, o mbindeef o leng dalkatee teen. Mi o Yaal oxe layun.

Yeremi 46:18

Ne ta wooritna yee mexe ñoowaa, mi o Maad oxe, gon es a refna o Yaal oxe Hupna fop, kaam ee: o pañ oxe xan a gar, ne ta wooritna yee Taboor o joong oo, ne o joong ole Karmel a gartitna o maag ole took.

A lim ale 14:21

Kaa koy, ne ta wooritna yee mexey ñoowaa, mi o Yaal oxe fo ne ta wooritna yee o ndam es xan a mayƭand lanq ke,

Yeremi 49:1

Ke yegniteena no Aa-amon we. Keeke o Yaal oxe a layu: «Ndax kaa Isra’el jegee xa ƥiy xa koor, ndax jegee jeg o lam? Xar taxu Milkom a lam o fiisel ole Gaad soo xeet um a ngen teeru ke ten?»

Yeremi 49:33

Hasoor xan a refat ngenand xa ƥox-a-koƥ, a fes a pec boo cay. O leng genkatee teen, o mbindeef o leng dalkatee teen.»

Amos 2:1

Keeke o Yaal oxe a layu: «Felaam o jaf no Moomowaab we a caf a tadak boo na nahak sax, ta dak no paaxeer. Kaa ut xa kiiƈ axe no maad oxe Edoom, a ndox a den bo dee riw. Ten taxu o ɓay es ole yoɗooxna waagee ñak o dal:

A cangatin ale 29:22

a nga suufur fo fo jem ole fo fiɗel le raaɓna saax le fop. Dara waagaand o duuf teen, o saxin teen tig ne’aand, daaƭ leng sax waagaand o ga teen. Xan a muukoor nen a Sodoom fa Gomoor fa Adma fa Seboyiim ndefna teeru ke o Yaal oxe a gef’ina tuƈ kam fuux um fo ngañak um.

Sakari 2:13

Xam ɗaayan qeet keene o kurpeeñ, faɗ we den a njangal a den. Maaga xan nu and ee o Yaal oxe Hupna fop lulaxam.