Sofoni 2:8 - NQAARIIT NE ROOG

⁸ «Nanaam a kaañ ake Mowaab fo a ben ake no Aa-amon we, ye da mbenna xeet es soo a inooxanin, ndax da ƥaatoor o fiisel den.

Sofoni 2:8 Referans Kwoze

Amos 1:13

Keeke o Yaal oxe a layu: «Felaam o jaf no Aa-amon we a caf a tadak boo na nahak sax, ta dak no paaxeer. Kaa nqiir rew wodeer we no saax laa Galaad yaam a mbaaƭaa xa saawit xa yaaju. Ten taxu o ɓay es ole yoɗooxna waagee ñak o dal:

Yeremi 49:1

Ke yegniteena no Aa-amon we. Keeke o Yaal oxe a layu: «Ndax kaa Isra’el jegee xa ƥiy xa koor, ndax jegee jeg o lam? Xar taxu Milkom a lam o fiisel ole Gaad soo xeet um a ngen teeru ke ten?»

Heseki’el 36:2

Keeke o Yaal oxe na refkaa boo faw a layu: O pañ oxe kaa layaa a nuun ee: ‹Coo! Coo! Xa coong xa miñu xeene in njegatu a den.›

Yosuwe 5:9

Cinj kaaga, o Yaal oxe a laya a Yosuwe yee: «Xaye, watnanaam a nuun gaci fee nu ƥistiid’ina Misira.» Ten taxu o mbiñ onqaaga a xoyeel Gilgal, too gon leene a maadtu boo fa ndiik.

Esayi 15:1

Ke na dalkaa a Mowaab: Aar kam Mowaab oxe yereŋ, yaam no yeng o leng kut a gefe. Kiir kam Mowaab oxe yereŋ, yaam no yeng o leng kut a gefe.

Esayi 16:6

I nana a magnandax ale Mowaab, a magnandax alaa o leng a andeerna ne ta fodna, o felnax um fo o nga’atinax um fo fakax kasaara um.

Yeremi 12:14

Keeke o Yaal oxe a layu no gentand faaxeer we na xeet es: «A nduqa ke jeg’uuma, o fiisel ole lasrand’uuma a Isra’el fee xeet es. Xam fuurit a den no lanq den, fuur a ndeer den itam wiin we Yudaa.

A ƭomatax ake 3:61

O Yaal oxe, nanaa a ben ake den, and fo ngir ne da ngiɓanaxama fop.

Heseki’el 21:28

We ngenna Yeerusaleem kaa nga’itkan doŋ nen ƭeet maamaaɓ, yaam ne da mboorniteena a taaƥ. Kaa koy, o maad oxe Babilon xan a wetand a den boom den, ndax da naangel nuus.

Amos 2:1

Keeke o Yaal oxe a layu: «Felaam o jaf no Moomowaab we a caf a tadak boo na nahak sax, ta dak no paaxeer. Kaa ut xa kiiƈ axe no maad oxe Edoom, a ndox a den bo dee riw. Ten taxu o ɓay es ole yoɗooxna waagee ñak o dal:

Sofoni 2:10

Keene xan a dal a den yaam a magnandax den, yaam kaa mben soo a ŋañ xeet fee no Yaal oxe Hupna fop.

Mberaand 19:37

Taaw fee a ñoota o ƥiy o ngoor, soo a ne’in Mowaab. Mowaab faaga refu o taan no Moomowaab we na maadaa boo xaye.

Mberaand 19:38

O ndeɓ onqe yoo a ñoota o ƥiy o ngoor, soo a ne’in Ben-Ami. Ben-Ami faaga refu o taan no Aa-amon we na maadaa boo xaye.

Yeremi 48:1

Ke yegniteena na Mowaab. Keeke o Yaal oxe Roog fee Isra’el Hupna fop a layu: «Sabab took Nebo, yaam a gefe! Kiryatayim a seda ɓot, a jaɓel. Teeru fa njegu saŋe ne took o joong ole a seda, a diid ƭomu.

Heseki’el 25:1

O Yaal oxe a daawnaxam fa lay um na xa ƭelem axene:

Heseki’el 35:12

Xan o and ee mi o Yaal oxe nanaam a ben ake fop wenoona xa coong axe Isra’el ee: ‹A ndefata fo mbiñ fo mbootu, um ɓoxotel a den nen mbuufuɗag listel.›