Sofoni 2:7 - NQAARIIT NE ROOG

⁷ A ƥeeraamb akeene xan a ndefan we yoqna no mbind Yudaa. Meene a mbugko ngayaa, soo no yeng ole, da mbondook kam pind ke Askalon. O Yaal oxe Roog den xan a topatoox a den, a supit o roxanqol ole den.

Sofoni 2:7 Referans Kwoze

Sofoni 3:20

Na jamaane faaga, xam fokat a nuun, nomtiid a nuun, fi nu njeg gon, simateel a ndeer qeet ke no lanq ke fop, yaa um supitkaa o roxanqol ole nuun na kid nuun. Mi o Yaal oxe layun.»

Heseki’el 39:25

Ten taxu keeke layum, mi o Yaal oxe na refkaa boo faw: Ndiiki xam supit muj fee Yakoob, yirim mbind Isra’el fop soo naalaa gon tedu es.

A sutax ale 4:31

Maaga, a ngima. Ye Ii-isra’el we a andna yee o Yaal oxe a ɗeetiida a den, a ga coono den, a ngooknooxa soo a ngung a lanq.

YEGIL MBAAX NE YEESU ne Lik a bindtuuna 1:68

«O Yaal oxe Roog fee Isra’el a hela o simatel, no ke ta fudooxiidna, a watiid xeet um.

Mise 4:7

No we na laƴaa, xam sutit na den yoqatin laa ñufkeerna, no we pasareena, um sutit na den xeet fa njegu doole, too xam maadooxan a den took o joong ole Siyoŋ, mi o Yaal oxe, no kaa xotitna a koom boo kili.

Mise 2:12

O Yaal oxe kaa tee: «Nuun xa taan axe Yakoob, a woora yee xam fokat a nuun, nuun we yoqna na Isra’el, um koltirand a nuun, korolit a nuun nen paal kam ged, too xan saax nuun a may fo combol no wiin sawaru nen o suufand olaa mayna gañ fo paal fo pambe.»

Abjaas 1:19

Yuuyudaa we no ɓemb-roog o ñamaak xan a njang xa coong axe Esawu, we no saax le na yulanq ake no mudand ne a njang saax le no Fiifilista we. Xan a njang o fiisel ole Efrayim fo ole Samari, Beebensame we mat a njang a Galaad.

Yeremi 33:7

Xam nomtiid we ƥiseena gilaa saax took o hup doole na Yudaa fo we na Isra’el, dalnatin a den nen yaaga.

Yeremi 29:14

Xam ga’noox a nuun. Mi o Yaal oxe layun. Xam nomtiid we ƥiseena na nuun gilaa saax took o hup doole, fokatit a nuun ndeer qeet ke fop fo no fo mbiñ ne fop pasar’uuma a nuun. Cinj kaaga, xam nomtiid a nuun no mbiñ onqe ɓisit’uuma a nuun gilaa saax took o hup doole. Mi o Yaal oxe layun.›

O leetar ole Pool a bindna GIMU WE NGENNA ROM 11:5

Neene itam, boo xaye a jega yoqatin we Roog a jilna na yirmande um.

A pi ake 8:40

Filip koy oxaa reeƭa Asdod, a inoor maaga, a waare’aa Yegil mbaax ne kam teeru ke fop boo neen a fadiidu Kesare.

A pi ake 8:26

Malaaka no Yaal oxe a laya a Filip ee: «Inooxi ret farna fo o ɓemb-roog o ñamaak. Reti na ƭat a bootu laa inoorna Yeerusaleem na teeru faa Gaasa.»

YEGIL MBAAX NE YEESU ne Lik a bindtuuna 7:16

Wiin waa fop kaa ndiid’u no kaaga xew’ina, a simataa a Roog. Wene kaa layoogu yee: «O tuleer o maak a feeña a ndeer in», lakas we a ndamtin na «Roog a fudooxiida, ndax ta wat xeet um.»

Mise 4:10

Wo Siyoŋ, o ndoog onqe, coono’i too iin nen o tew oxaa na gaajooxaa, yaam ndiiki kañ xan o sutoox teeru fee, dalaa na koƥ ale. Xan o ret boo Babilon, ndaa koy, maaga o muclitkeel. Maaga mat o Yaal oxe a watitkang na xa ƥay no fañ of.

Yeremi 32:44

Xan xa qol a njikteel xaaliis, a kayit a cikir a mbindel, a mbegtel o ñaasir, seede a mbaaƭel kam saax le Bensame, me widna a Yeerusaleem, kam teeru ke Yudaa, kam teeru ke no jegel ole na xa coong axe, kam teeru ke no jegel ole na yulanq ake fo kam teeru ke no jegel ole no ɓemb-roog o ñamaak. Yaam xam nomtiid we ƥiseena gilaa saax took o hup doole.» O Yaal oxe layun.

Yeremi 31:7

Yaam keeke o Yaal oxe a layu: «Soroxole’anyo a Yakoob, ƈeelan oxe adooxanna qeet ke. Njibinyo xa ñuxur nuun, simat too lay ee: ‹O Yaal oxe a mucla xeet um, we yoqna na Isra’el!›

Yeremi 30:3

Ñaal key a ngaraa, kaa um nomtiidkaa we na xeet es, Isra’el fa Yudaa, ƥiseena gilaa saax took o hup doole, nomtiid a den no saax le ci’uuma daan den, too xan a njegkin. Mi o Yaal oxe layun.› »

Yeremi 23:3

Mi fa xoox es xam fokatit onqe yoqna no paal ke mi na saax ake fop rax’uuma a den, nomtiid a den na xa suufand den, maa da ndimatiritkaa soo a may gañ.

Yeremi 3:18

A koom, we Yudaa xan a soƥik we Isra’el, soo den fop da yoonandoortiid no saax le no ɓemb-roog o janoon, a njagin no saax le ci’uuma daan nuun nen lamatir.»

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

A kim a tedu ke 85:1

O yaal a ƭat ale no jeejeek we a xoolne yee a kim a tedu lene kaa fog na ke no Kookoora we.

Mberaand 50:24

Yoseef a laya fog faap we ten ee: «Andaam ee ndiiki um dab daan es. Kaa koy, a woora yee xan Roog a ƴufgiid a nuun, soo a sut a nuun no saax lene, a ɓis a nuun no saax le ta daaɓooxna yee xan a ci’in a Abraham fa Isaak fa Yakoob.»

Safe le no tuleer AGE 2:2

«Layi a Serubabel fee o ƥiy Se’alti’el too a ref gofornoor Yudaa, fa Yosuwe fee o ƥiy Yosadak refna o saasadax o maak oxe fo we yoqna na xeet fee yee:

Safe le no tuleer AGE 1:12

Serubabel fee o ƥiy Se’alti’el fa Yosuwe fee o ƥiy Yosadak too a ref o saasadax o maak oxe fo we yoqna na xeet fee fop a nanana fa lay fee no Yaal oxe Roog den, o tuleer Age a daawin’ina a den, ne o Yaal oxe Roog den a heblit’uuna o ten. Maaga, xeet fee a ndalfooxa o njeg caƭar no Yaal oxe.

Sofoni 2:9

Ten taxu mi o Yaal oxe Hupna fop, ref Roog fee Isra’el kaam ee: Ne ta wooritna yee mexe ñoowaa, neene a woortu yee xan Mowaab a nand fa Sodoom, soo saax le no Aa-amon we a nand fa Gomoor, a ndefat o mbiñ onqaa saxna o ndoxom, o tan fo jem, o mbiñ o mbootu boo kili. We na muckaa na xeet es xan a njangal a den, yoqatin we na xeet es a njegat saax den.»

Esayi 14:1

O Yaal oxe xan a yirim a Yakoob. Ii, xan a jilahin a Isra’el soo a dalnatinin no lanq um. Xa kataakoon axe xan a mbokatooriid fa den, too xan a mbogat no mbind Yakoob.

Ruut 1:6

Nowemi a yegta na xa saawit axaa Mowaab ee o Yaal oxe a ƴufgiida xeet um ye ta ci’na a den ndiig mbaax. Maaga, a bufooxa ndax ta nomtoox no saax laa Yudaa, ten fo seemir we ten.

A kim a tedu ke 80:14

Ruul-a-koƥ le a siraan, puufuɗag ke a ñaaman.

Esayi 11:16

Neene, xan yoqatin we na xeet um na maadkaa o ñoowaa Asuur a njeg a qal, ne Isra’el a jegit’uuna, ye ta sutooxaa Misira.

Esayi 32:14

Mbind no maad ne xan a fes a pec, teeru fa yo’nooxu fee a waasel. Me o yetooxand ole fo saŋe ne no ñaang le Ofeel a ndefna xan a refat boo faw o ndaatan na xa paam-a-koƥ axe fo o suufand na xa siir axe.

Yeremi 29:10

Kaa koy, keeke o Yaal oxe a layu: ‹Yaa xa kiid qarɓeen ɓetuu ƭik axe a mbadnooxkaa na Babilon, xam topatooxahin a nuun, fadnan a nuun a tegit es, nomtiid a nuun no mbiñ onqene.

Yeremi 33:12

Keeke o Yaal oxe Hupna fop a layu: «Xan a jegahin no saax lene fesna a pec boo jegatee wiin mbaat muumeen sax fo kam teeru ke ten fop xa suufand axaa gaynaak we a koornaa xa siir den.

Yeremi 47:5

We Gaasa a nduusooxa a ƥula, a ndef no ñaawax, Askalon a naag yereŋ. Nuun yoqatin we na yulanq ale den, kaa nu mbugko ñaasooxaa boo a mban, ndax nu lalit naqad nuun?

Hoose 6:11

Wo Yudaa itam, waajanee a saxad. Yaa um supitkaa o roxanqol ole na xeet es,

Sofoni 3:13

We na yoqkaa na Isra’el mbi’katee njofaƭar leng, maaɓkatee, too naanaxir hatkatee na xa ton den. Xan a suufaa, a kooraa, too o leng jom’andkee a den.»

Esayi 11:14

Xan a mbokatoor, a yaadin Fiifilista we farna fo mudand, a njaɓ kalal ke no we ngenna no batand, a ndoon o ɓay na Edoom fa Mowaab soo a ngame Aa-amon we.