Sofoni 2:5 - NQAARIIT NE ROOG

⁵ Sabab took no we ngenna paam o maag ole, took xeet fee no Keekeret we! Keeke o Yaal oxe a layu took nuun: «Wo Kanaan, saax le no Fiifilista we, xam yaqong pic boo genkataandee.

Sofoni 2:5 Referans Kwoze

Heseki’el 25:16

ten taxu keeke layum, mi o Yaal oxe na refkaa boo faw: Xan o ɓay es a dal took no Fiifilista we, um moocand Keekeret weene soo saŋik we yoqna na ƥeeraamb ale no maag ole.

Yeremi 47:7

Kaa koy, nam a ñootnoorkaa, too o Yaal oxe a heblin? Laƥ ne a wara o sag Askalon fo na ƥeeraamb ale no maag ole.»

Amos 3:1

Nuun we xa taan Isra’el, o Yaal oxe a laya yee nu nan-giloox ke ta layna took nuun, nuun we ta sutitna no saax laa Misira.

Yosuwe 13:3

a xotit na ƈufnand alaa Siihoor no ŋat olaa Misira boo no ŋat olaa Ekron no ɓemb-roog o janoon, ɗeeteena nen o jeg no Kaakanaan we, too gelwaar ɓetuk we no Fiifilista we a ngen teen. Weene ndefu oxe Gaasa, oxe Asdod, oxe Askalon, oxe Gaat fo xe Ekron. A jega itam o fiisel ole no Aa-awi we

Mark 12:12

Aa-adax we a mbaaƭooga naa da ndamtuuna, yaam a and’a xil ee den o mat taxu Yeesu a lay a naxax aleene. Kaa koy, kaa saɗar’u wiin mayu waa. Ten taxu a nqaƴaan, soo a ndet.

Sakari 1:6

Ndax fa lay fee fo bargal ke coox’uuma duleer we dag es mbadnooxee took daan we nuun? A nomtooxiida me mi too a lay ee: ‹O Yaal oxe Hupna fop a fesoorta fa in ne ta hebooxit’uuna o fi, ta jagir fo a pesoorooƭ in fo a pi in.› »

Sofoni 3:6

O Yaal oxe kaa tee: «Moocandaam qeet, taax-took den a yaqel. Wootnaam ped ke den, boo njegatee oxaa reefna a den. Teeru ke den kaa ndaadnel, njegatee o kiin o leng, ngenataand.

Amos 5:1

«Nuun mbind Isra’el, nan-gilooxyo a ƭomatax es took nuun.

Esayi 14:30

We moƴna o torox xan a njeg o suufand, rool we a ñootnooxaa fo o yaadax, ndaa wo o mat, xam warnoor a paƴ of fo nqeex, too onqe na yoqkaa na wo, xan a warel.

Haahate we 3:3

xa cegel axe no gelwaar ɓetuk we no Fiifilista we, Kaakanaan we fop, Siisidoŋ we fo Hiihiwi we ngenoogna no joong olaa Libaŋ, a xotit no joong olaa Baal-Hermon boo no ndokand naa Hamat.

1 Sami’el 30:14

Kaa i song’u no ɓemb-roog o ñamaak olaa no fiisel olaa no Keekereti we fo olaa no Yuuyudaa we fo olaa no Kaakaleb we, njaɓ kalal ke den soo ndaaɓ itam saate faa Siklag.»

Esayi 14:29

Nuun Fiifilista we fop, ba nu mbelakinoox, yaam ne o cap ole nu nqawtoogeena a yaqeena. Na fangool fa nqonu feene xan sax a sutoor teen, soo Niŋki-naŋka fee na yetaa a sutoor no ɓoof um.

Sofoni 1:11

Iinyo, nuun we ngenna na dik fee na xoyeel o faƥ ole, yaam jula we fop xan a saŋkel, jiijikax we a moocandel.

Yosuwe 13:2

Keeke ndefu xa cegel axe yoqna: o jegel ole no Fiifilista we fo ole no Geegesuur we,