Sofoni 2:3 - NQAARIIT NE ROOG

³ Mbaaƭyo o Yaal oxe, nuun neewandooxu we no saax le fop, nuun we na ndeefaa kebil ke ten. Mbaaƭyo o cofel, ngen na neewandax, yaaga xeƈa xan nu mbuusel, yaa fuux le no Yaal oxe a biltooxkaa.

Sofoni 2:3 Referans Kwoze

A kim a tedu ke 76:9

Took-ee-took asamaan yegnitito hate of. Lanq ke owe cel yaam diid,

A kim a tedu ke 22:26

O Yaal oxe, wo um bugko simataa kam mbokatax maak ne no gimu we. Xam fadin a tegit es fa wo mbaambir no we saɗaroonga.

Yoona 3:9

Neene, xeƈa xan Roog a supit pexey, a waas fuux maak le ten, soo a fañ o warnoor a in.»

A kim a tedu ke 105:4

Mbaaƭyo o Yaal oxe fa doole um, ngen no mbaaƭaa mukit um.

Hoose 10:12

Layaam a den ee: ‹Nduufyo o cofel, too xan nu saxad o mbeq. Mbigooxanyo a qoox nuun o qol o qas! O waaƭaam a fada, mi o Yaal oxe, too xam gar, pictan a nuun o cofel.›

Yeremi 39:18

A woora yee xam muclong, too laƥ ñaamkirang. Xan o mucil o ñis of tan-tan, yaam hoolooxaxamo. Mi o Yaal oxe layun.› »

Xa peƭit axe 18:10

Gon le no Yaal oxe kaa ref taax-took saƭku koŋ. O cofu xe kaa jaɓnooxaa teen soo a ref no woor.

A kim a tedu ke 57:1

O yaal a ƭat ale no jeejeek we a xoolne yee a kim alene kaa saq o jangooƭ na kim ale ne’eena «Ba o yaq». A cangtax alaa fogna na ke Dawid oo, a naxoorteel o joor ole Dawid, ye ta laqooxna a Sawul no luf naa.

2 Piyeer 3:18

Njofyo mbaambir boog kam yirmande fee fo kam o jeg o and no Yaal in fo o Muumucil in Yeesu Kiristaa. Yaasam ta ɓoxotel o ndam ndiiki, bo na moos boo moos. Amiini.

Yeremi 45:5

Soo wo o mat, o waaƭanaa a xoox of tig maak! Ba o waaƭ a den! Yaam mi o Yaal oxe, xam ɓisiid taamaala took mbindeef nuu refna. Kaa koy, xam ci’ong a muc o ñis of muu retoona.»

A kim a tedu ke 91:1

Oxe na yoogooxaa me no xe Took-ee-took, a jaɓnooxaa me no Cegu katil oxe,

1 Piyeer 3:4

ndaa fat a ref a qendandax alaa inoorna na qeeñ nuun, a ref yiif damooxu laa ɓuuɓna. O mosel o nandu neene waagee o yaqoox, too a jega o njiriiñ o maak mbaambir Roog.

1 Piyeer 1:22

Ne nu nananna ndigil ne, nu nqoolanda xa laaw nuun, ndax nu mbex tigi we nu mbogitna o ngim. Mbexiryo a paax boog a ndeer nuun fo xeeñ letu.

1 Tesalonik 4:1

No lakas ke koy, fog we, nu njangta na in ne nu mbarna o ñaaƴit boo mbaag o mbel a Roog, too meene sax a koorgoorlax nuun a refu. In we nqeɗan a nuun, too in we ndegdinooxan a nuun no gon le no Yaal oxe Yeesu: Moƴyo o ngoorgoorloox boog!

Mace 5:5

We ƥuuɓna a ƭaaya, yaam xan a lam adna fee!

A kim a tedu ke 31:20

Ey! Ndaw ne o paaxel of a magnitna! Kaa o geekanin we saɗaroonga, too fop a nga’a yee ci’aano we na njaɓnooxaa me wo.

Esayi 11:4

O cofel rek a bugko hate’taa fo mboƭomsogor ne, soo rool we, ta ɓoxot a den wargal den. Fa lay um a faditkaa nen o loq o kiin balu-balu xe, too haaƭ um soom a saŋkitkaa o soxodu xe.

Hoose 7:10

O nga’atinax onqe Isra’el na seede’anaa a den. Keene xewna fop koy taxee da nomtooxiid me mi, mi o Yaal oxe Roog den, too mbaaƭiraam.

Esayi 61:1

Yiif le no Yaal oxe na refkaa boo faw oxe took es, yaam kaa ɗuumaam, ndax um yegnik rool we yegil mbaax ne, yaal we a qeeñ den a naqadilooxna, yegin faɗ we a bat ale soo yegin we ndameena yee xan a njeg a qoox den.

A kim a tedu ke 149:4

O Yaal oxe a fexa xeet um. Kaa ci’aa ñaatu we a muc ale, ta ref mosandoor den.

A sutax ale 12:27

fat nu ndoon a den ee: ‹Kaa ref sadax fee na Colandax ale i ƥoxot’ina o Yaal oxe jolandoox’ina pind in, in Ii-isra’el we kam Misira, ye ta xawna Miimisira we soo a mucil a in.› » Maaga, Ii-isra’el we a ngooknooxa, a ngung.

1 Tesalonik 4:10

Keene sax refu o mbeq onqe nu njegna a ndeer no fog gimu we Makedoni fop, ndaa koy fog we, in we nqeɗaa a nuun a koorgoorlax nuun a moƴ o jof mbaambir.

Sakari 8:19

«Koor ne no nqool o nahkandeer onqe, ne no nqool o ƥetkandeer onqe, ne no nqool ɓetuu ƭikandeer onqe fo ne no nqool xarɓaxayandeer onqe xan a ndefat no mbind Yudaa ñaal o mbelakinax fo o ɗaay, a ndef toofeen pelu. Kaa koy, mbexyo ndigil fa jam! Mi o Yaal oxe Hupna fop layun.

2 Sami’el 12:22

Dawid a doona a den ee: «Ye o goor ole a maadna o ñoowaa, kaam hooroogu, loolaa, yaam kaam xalaatoogu yee: O leng andee. Xeƈa xan o Yaal oxe a yirmaam boo o goor ole a ñoow.

A kim a tedu ke 45:4

Wo fee o qir o say, humooxi laƥ of no saax, meleƈ of fo a qoolaand of.

Esayi 1:17

Aqatooxyo a pi a paax, naaɓ o cofel, ci a caf oxe na ñagadileel, ƥoxot o waan ole ke refna wargal um, soo o ñaaw oxe, nu mbartin.»

Heseki’el 13:5

Nu ndetee nqendandik xa kur axe no saŋe ne, ndax nu saytoox mbind Isra’el fo ɓit, saƭik koŋ na ñoq ale na bes fee no Yaal oxe.