Sofoni 2:2 - NQAARIIT NE ROOG

² boo a posax ale no Yaal oxe a helko fo fadnooxaa, soo nu maƥel nen ñaax laa nqeñ a adinna, boo fuux ɗomu le no Yaal oxe a helko fo yenaa took nuun, boo bes fee no fuux le no Yaal oxe a helko fo dalaa took nuun.

Sofoni 2:2 Referans Kwoze

Nahum 1:6

Ndi an waagu geenoox, yaa ta fuuxna? An waagu waag o foñ fuux ɗomu le ten? Ngañak ne ten kaa biltooxaa nen fiɗel, soo a ƥil ake a qaacooxaa mbaambir um.

Hoose 13:3

Ten taxu yoo xan a sooƴ nen eel nqes, nen a liim ale na yenaa no njeeƈ-tanqin, nen ñaax yelefu le na yetaa maa goƭna cukand ne, nen fo suun ole na sutooraa no bomb le.

A ƭomatax ake 4:11

O Yaal oxe a ɗaxda fuux um, a bilit fuux ɗomu le ten. A heƥanda fiɗel kam Siyoŋ, ta raaɓ boo na per ake ten.

Esayi 17:13

Qeet ke owe ŋurŋurnaa nen poofi cegu doole kaa na nqawraa, ndaa yaa Roog a ŋalkaa a den, xan a ƈuf koƭu, a ndaxeel nen ñaax laa nqeñ ne na xa coong axe a yetnaa, nen mbuyaambuy laa a und a maak a maƥna.

A kim a tedu ke 1:4

Ndaa ey, soxodu we! Kaa nand nen ñaax laa nqeñ ne a yetnaa.

Sofoni 3:8

Ten taxu cungaamoo, cungyo bes fee um inooxkaa, ndax um jamb a nuun, yaam hebooxaam o fokat qeet, fosoox o korol maat ke, ndax fuux es a biltooxan a den, fuux ɗomu le mi fop. Saax le fop xan a raaɓtel fiɗel le no naal ne mi. Mi o Yaal oxe layun.»

Sofoni 1:18

Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Ke bindeena no xe ne’eena YOB 21:18

A mban nu mosu nga da nand nen boob laa nqeñ a maƥna, nen ñaax laa a saaqul a adinna?

Mace 24:35

Xan asamaan fo lanq a mbaaf, ndaa fa lay es faafkee boo muk.»

Heseki’el 12:25

Mi refu o Yaal oxe. Kuu layuuma xan a fadnoox too gulooxkee. Na pe ake nuun, nuun xeet fa mbaafañ fee, xam lay soo fadnin. Mi o Yaal oxe na refkaa boo faw layun.»

Yeremi 23:20

Fuux le no Yaal oxe ɓooskee, boo yaa ta fi’kaa, a fadin yuuƥ ke no xeeñ um. Xan nu andin taa mbaambir.

A kim a tedu ke 50:22

Nuun we na njuumaarooxaxam, mi fee Roog nuun, andyo a paax ke layuuma. Nu mbi’angiran, xam lisit a nuun, too o leng waagkee o mucil a nuun.

A kim a tedu ke 2:12

Siminyo o ƥeenqe, mboonin, ndik ta fuux, soo nu saŋkoor na ƭat nuun, yaam fuux um kaa yooɓ o biltoox. Kaa koy, we na njaɓnooxaa no ten a ƭaaya.

Yeremi 4:4

Nqucooxanyo o Yaal oxe, nqucoox na qeeñ nuun, nuun wiin we Yudaa fo nuun we ngenna Yeerusaleem, ndik fuux es a biltoox nen fiɗel, a doxaa too waagkaand o ñuf yaam a pi a paaxeer ake nuun.»