Sofoni 2:14 - NQAARIIT NE ROOG

¹⁴ Xan xa siir axe a kooraa teen, o xos muumeen oluu refna, a paɓaan fo a sambaaƭ a mbe’aa took a toodook ake ten. Xan xa ñuxur den a nannoor na xa palangteer axe, a tooq ale a dong no peg ne, yaam fañ den xan a mbatin ke fi’teena a teex ndaxar seedar fop.

Sofoni 2:14 Referans Kwoze

Amos 9:1

Cinj kaaga, ga’aam o Yaal oxe a geenoox took o sadaxand ole, soo a layaam ee: «Xawi a tayil ale, a toodook ake a yen, o ɓaƈit a qoox den, den fop. Oxuu xoneerna no njom neene, xam pattin laƥ. O leng ƴufkee, a daɗ.

Yeremi 22:14

Kaa layaa yee: ‹Xam maxan a xoox es mbind yaaju fo taax-took kaa yaadooxna.› Kaa sexaa teen xa palangteer, a singit tabax ne a patax ndaxar seedar soo a ɗuumin yaxgu.

Mbeeñil 18:2

A falalooxa a maak ee: «Koo a jiƭtooxa, a jiƭtooxa yoo! Babilon fa maak fee! A refata ngenand cini fo o jaɓnoorand o xos a yiif a paaxeer akuu ndefna fo o xos tiiƭ tiimbel kuu ndefna too a sibdel.

Esayi 14:23

Xam fi’in ngenand a caang, suptin loofatin soo leeltin o leelir o yaayaq ole. Keene o Yaal oxe Hupna fop a layu.»

Sofoni 2:6

A ƥeeraamb ale no maag ole xan a refat o suufand, o gayand no gaynaak we fo ngetand a ked ake.»

A kim a tedu ke 102:6

Xa kiiƈ xa ƥor yoqatum yaam xa iin.