Sofoni 2:13 - NQAARIIT NE ROOG

¹³ Xan o ɓay no Yaal oxe a dal took we no ɓemb-roog o janoon, a yaq a Asuur, a fi a Niniif o mbiñ o mbootu, lanq beeru koroŋ nen a koƥ-a-ƥor.

Sofoni 2:13 Referans Kwoze

Nahum 3:7

Fop we na nga’kang xan a ngoƭong, a ndamtin ee: ‹Niniif a yaqe pic! Ndi an na moofkaa, a ɗomatooxan?› Mi itam, mam um waaƭanitkang yaayaal?»

Nahum 1:1

Ke na dalkaa teeru fee Niniif. Safe lene kaa fof ke feeñleena a Nahum fee gen’ina Elkos.

Esayi 10:16

Ten taxu, o Yaal oxe na refkaa boo faw Hupna fop xan a ɓisiid jir laa na ŋeeskaa wiin magnu suquƈ we no saax le Asuur. Keƥandand na ilaa yoora o ndam um ne fiɗel a iltaa.

Esayi 10:12

Kaa koy, mi o Yaal oxe, yaa um ƴutkaa calel es took o joong ole Siyoŋ fo na Yeerusaleem, xam xaw o maad oxe Asuur magnandooxna no xeeñ um, a doon teen a ga’atinoox,

Nahum 3:15

Yaqanee koy, xan fiɗel a raaɓong, laƥ a moocandong, a ñaamong nen tooroog kaa na nduudnaa. We ngenna me wo kaa mayit’u nen muƈ tooroog.

Mise 5:6

We yoqna na xa taan axe Yakoob ndeer qeet mayu, xan a ndef nen liim laa inoorna no Yaal oxe, nen mbuyaam took daaƭ. Ndoonkee yaakaar den no kiin, ngaɗooxkee no mbindeef.

Esayi 11:11

A koom, xan o Yaal oxe a letnahin o ɓay um, ndax ta wat yoqatin we na xeet um na muckaa Asuur fa Misira fa Patros fa Kuus fa Elam fa Sine’aar fa Hamat fo na pimb ake no maag ole.

Esayi 10:5

Sabab took Asuur refna o cap ole no fuux le mi. O guul ole ta pokooxna refu fuux ɗomu le mi.

Esayi 14:26

Keene refu ke hebooxanuuma lanq ke fop, too o ɓay es oley yoɗuuma took a saax ake fop.»

Esayi 37:37

Maaga, Sanxerib fee o maad no Aa-asuur we a simta saŋe ne a ɗisel, soo ta xotatin a ƭat, a nomtoox no saax um, a moof Niniif.

Yeremi 49:33

Hasoor xan a refat ngenand xa ƥox-a-koƥ, a fes a pec boo cay. O leng genkatee teen, o mbindeef o leng dalkatee teen.»

Yoona 1:2

«Inooxi, ret Niniif, na teeru fa maak faa, too maƭooxin, yaam kañaan um a fadiida boo me mi.»

Yoona 3:2

«Inooxi, ret Niniif, na teeru fa maak faa, too lambin ke hebloonga.»

Sofoni 1:4

Xan o ɓay es a dal took Yudaa, ten fo we ngenna Yeerusaleem fop. Xam moocand no mbiñ onqeene ke yoqna na paɗax ale Baal, ñuf a kon ake no saasadax we ten fo ake no lakas we na mbaɗooxan.