11 Xan o Yaal oxe a saɗarnoox na den, yaam xan a moocand roog ke no lanq ke fop, too a pimb ake moƴna o liitoox sax xan a ngung mbaambir um me da ndefkaa ndef.
O Yaal oxe Hupna fop kaa tee: «A koom xam suud no saax le pangool ke, sañ a den na yiif no wiin we boo xoo, in meen duleer maamaaɓ we fo a yiif ake nqoxna no nqoolaƭar.
Ke xotitna no batand boo no mudand gon es kaa siw kam qeet ke fop, too o mbiñ onquu refna cuuraay kaa doxeel no gon es, soo um ɓoxoteel sadax qoolu, yaam gon es kaa siw kam qeet ke fop. Keene o Yaal oxe Hupna fop a layu.
Maaga um ɓoxotitkan a ƭing taxar biiñ um soo supit a yulanq Taamaala le o don-maax yaakaar. Maaga a jaaɓitkaa nen ye ta roogaa, nen a koom alaa ta sutoorna Misira.»
Weene ndefu we mayƭandna a pimb ake no qeet ke no saax den, a ngen’u na xa kos axe fo paam o maag ole, wuu ndefna na lak den a reefandel na qaw den kam xeet den.
Cinj kaaga, malaaka ɓetuu fa ƭikandeer faa a luuƥa, too a jega na asamaan xa ñuxur xa maak axaa layoogna yee: «Maat ne na adna fee a ɓoxote o Yaal in fo o Muumucil oxe ta regitna, too xan a maadoox bo na moos boo moos.»
No ñaal kaaga, wiin xarɓaxay waa mbogeerna lak xan a saaƭoox no noflax ndoki no Yaawuur oxuu refna, a layan ee: ‹Kaa i mbug o yoon fa nuun, yaam i nana yee Roog oxey fa nuun.› Mi o Yaal oxe Hupna fop layun.»
Xan o ɓay es a dal took Yudaa, ten fo we ngenna Yeerusaleem fop. Xam moocand no mbiñ onqeene ke yoqna na paɗax ale Baal, ñuf a kon ake no saasadax we ten fo ake no lakas we na mbaɗooxan.
O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?
O Yaal oxe Roog fee Isra’el Hupna fop kaa tee: «Mexey garaa, ndax um dal took Amon, roog fee Teeb, took Misira, took roog ke fo maad we ten, took Firawon fee fo we ngoolooxuuna fop.
Maaga, xan a geleerooxan a saax a maamaag ake, a jaɓ mayu na den. Kaa koy, xan o aa-adax no xiixire a xuuf o ñak o sed tig ole ten, a rabdinooxin took um.
Sabab took no naanax oxe jegna kam o siir um njegel ngiñu naa ta regaxama, mi o Yaal oxe, soo a guut, a sadaxaam njegel siku, yaam a woora yee o maad o maak refum, too gon es kaa saɗarnoox kam qeet ke fop. Keene o Yaal oxe Hupna fop a layu.