Sofoni 2:10 - NQAARIIT NE ROOG

¹⁰ Keene xan a dal a den yaam a magnandax den, yaam kaa mben soo a ŋañ xeet fee no Yaal oxe Hupna fop.

Sofoni 2:10 Referans Kwoze

Esayi 16:6

I nana a magnandax ale Mowaab, a magnandax alaa o leng a andeerna ne ta fodna, o felnax um fo o nga’atinax um fo fakax kasaara um.

Yeremi 48:29

I nana a magnandax ale Mowaab, a magnandax alaa o leng a andeerna ne fodna, o felnax um, o nga’atinax um, a niwax um fo o yeg xoox um.

Sofoni 2:8

«Nanaam a kaañ ake Mowaab fo a ben ake no Aa-amon we, ye da mbenna xeet es soo a inooxanin, ndax da ƥaatoor o fiisel den.

1 Piyeer 5:5

Neene itam, nuun mbes ke, nananyo maak we. Saqyo nuun fop a neewandax, ta ref nen pay nguloor nuun, yaam «Roog kaa fañaa we na magnandooxaa, a yirmaa we neewandooxna».

Abjaas 1:3

A magnandax ale wo kaa mo’andang, wo fee genna kam luf ke na ƥil ake, fod no fo mbiñ fo ngoƭu took ne soo layooxaa yee: ‹An na waagkaxam o ɗangtit meeke?›

A sutax ale 10:3

Maaga, Moyiis fa Aaroon a ndalfooxa o ndet maa Firawon fee, a layin ee: «O Yaal oxe, refna Roog in, in Hebre we, kaa tee: ‹Kaa o fañkaa o neewandoox mbaambir es boo a mban? Xaƴi xeet es da ndet, a mbaɗookaam.

A sutax ale 9:17

Boo inooxanahinoona xeet fee mi, fañin o xaƴ,

A ƭomatax ake 1:9

Ndoƭ ke kaa ndeeƭu na xa noflax axe no ndoki ne ten, too yiif um galag’ee muj um. Njom ne ten kaa betin, too o leng yaaliran. Kaa layaa yee: «Ey, o Yaal oxe, ga’i o ñaat es, yaam o pañ oxe xe fakooxaa!»

Heseki’el 25:6

Keeke o Yaal oxe na refkaa boo faw a layu: «Feek kaa o fox, fecoox soo felakinoox, doon teen xeef a Isra’el tigi kam ee kam of,

1 Caloori ke 16:21

Ci’ee o leng ta ñagadil a den, too a xawa maad yaam den, a lay ee:

Yeremi 12:14

Keeke o Yaal oxe a layu no gentand faaxeer we na xeet es: «A nduqa ke jeg’uuma, o fiisel ole lasrand’uuma a Isra’el fee xeet es. Xam fuurit a den no lanq den, fuur a ndeer den itam wiin we Yudaa.

Yeremi 48:14

Nam nu mbaagu o layit ee: ‹A salma-koor i ndefu fo xir say tigi?›

Abjaas 1:11

Nu maad’a a koom alaa wiin jan a ndokna na xa ton-maax axe Yeerusaleem, a nqaajir we ngenna teen na pexey mbanjang ne, a ƥis a den gilaa saax took o hup doole, too nu mbog’a teen sax, nuun itam.