Sofoni 2:1 - NQAARIIT NE ROOG

¹ Nuun xeet fee naangeerna sedaa, ƭeetaqinyo a qoox nuun, ƥek a yiif nuun na adna,

Sofoni 2:1 Referans Kwoze

Yowel 1:14

Simityo koor, nqoyit o xet o tedu. Mbokatyo maak we fo we ngenna no saax le fop kam Mbind ne no Yaal oxe Roog nuun soo ƈufginooxin.

2 Caloori ke 20:4

Yuuyudaa we a inooriida no teeru ke kam saax le fop, a mbokatoor ndax da nqeɗ o ndimle no Yaal oxe.

Esteer 4:16

«Reti o fokat Yaawuur we ndefna kam Suusaan fop, nu ngoor yaam o sagu es. Ba nu ñaam too ba nu yer boo ñaal tadik fo xa yeng den. Mi fo jeefeer we mi xan i ngoor soo um sogkaa o ret maa no maad oxe, ke bargal ke a ci’teeruuna fop oo. Um naagangaa xonkaa rek, um xon.»

Nehemi 9:1

No ñaal qarɓeen ƭik fo ñaal nahkandeer ne no nqool o leng kut onqe, Ii-isra’el we a mbokatoora, a nderoox xa saaku, a yipoox lanq, ndax da ngoor.

Nehemi 8:1

Maaga, xeet fee fop a mbokatoora, a ndef o leng, kam Yeerusaleem, na baayo faa jasnoorna fo Ndokand ne no poofi ke. A laya a Esdaraas fee o caajangin oxaa andna a paax kebil ke, ta ɓisiid safe le no kebil ke Moyiis o Yaal oxe a dalnan’ina Ii-isra’el we.

Mace 18:20

Muu ɗik mbaat daduk a mbokatoorna no gon es, mexey a ndeer den.»

Sakari 11:8

Kaa koy, no nqool o leng kut sambraam fo gaynaak daduk we. Cinj kaaga, waag’atiim o muñan paal ke itam, too den oo mbug’atiraam o nga.

Yeremi 6:15

Ndax a njega o ndicax no cednooxu ke da mbi’na? Sedee teen dara! Njegee kaa da sedna. Too andee gaci. Ten taxu xan a mbog no we ñakna xa ñis den, a mbagiɗ tak, yaa um dalkaa took den.» O Yaal oxe layun.

Yeremi 3:3

Maaga, xañtaaxoong a teƥ ale, too jegatee puyaam seeseek, ndaa kaa o xox no jaga’aa too sediro teen dara.

Sofoni 3:5

Yaag oo toox de, o Yaal oxe xey kam teeru fee den, a jof bo too fi’kee njofaƭar leng. Nqes nuu refna kaa ɗegaa hate um, too mosiran o ñak o fi. Yaqanee koy o soxodu xe naagee sedaa.