Sofoni 1:9 - NQAARIIT NE ROOG

⁹ A koom, xam xaw fop we na ƈakandooxaa peg ne, we na mayƭandtaa pind no yaal den kalal caɓe fo kaa njegteena na ƭat a qeleer.

Sofoni 1:9 Referans Kwoze

1 Sami’el 5:5

Ten taxu a koom boo fa ndiik, saasadax we Dagon fo fop we na ngaraa no juurand olaaga kam Asdod kaa ƈakandooxaa peg naaga.

Amos 3:10

We na njuumaa no pind mosu ke den kalal ke no we da mbarna fo kuuɗe, andee a pi o cofel. Mi o Yaal oxe layun.»

A pi ake 16:19

Yaa we kelfa’’ina o mbindaand onqe a nga’na yee yaakaaratee o njegit no ten xaaliis, a ndama a Pool fa Silaas, a ndeƈ-ndeƈin a den boo no nqel naa, mbaambir no aa-adax waa.

Xa peƭit axe 29:12

Boo oxe na maadooxaa a nan-gilooxaa xa maaƥ, dag soxodu soom a jegkataa.

Nehemi 5:15

Gofornoor ke adooxaxama kaa ñaatlandoogu xeet fee, a seraa a den ñaamel fa biiñ, kaa jolna xa monjong qarɓeen nahik xaaliis fa nqoolu xe. Dag we den sax kaa toroxandoogu xeet fee. Mi o mat, fesooriim neene, yaam o saɗar a Roog.

Haahate we 19:27

No nqes naa, o kor um a inooxa, a wet a carind ale no mbind ne soo a sutoox, ndax ta suur a ƭat um. A ga’a o teem a naag liraas na carind ale no mbind ne, xa ƥay axe a ndoonoox no peg ne.

Yeremi 5:27

Pind ke den kaa may muut fo kaa hatna no laɓari, nen kees naa mayna muut fo tiiƭ. Ten taxu da njegat doole fa halal,

Mise 6:12

Wo Yeerusaleem, yaal kalal ke wo wiin fo’oy a ndefu, we ngenna me wo a layaa xa maaƥ xa ƥor, ɗelem den a ref naanaxir.

Sakari 5:6

Laamtaanum ee: «Xar oo yee?» A doonaxam ee: «A cenjel oo.» A ɓaata teen ee: «Kaa yip tooñ ke no lanq ke fop.»