Sofoni 1:8 - NQAARIIT NE ROOG

⁸ O Yaal oxe kaa tee: «Na bes fee na sadax fee mi, mi o Yaal oxe, xam xaw kelfa ke fo xa ƥiy axe no maad oxe fo fop we na ndokooxaa tikoorik kaa andaandeena meen.

Sofoni 1:8 Referans Kwoze

Esayi 24:21

A koom, xan o Yaal oxe a xeloor fo a yaj ake no yaal kumnax ke ndefna took-ee-took fo maad we na adna fee ndefna took lanq ke.

Esayi 39:7

Xan leng-leng na xa taan of ŋaƈit sax a ƥisel, a njalanaa o maad oxe Babilon kam mbind no maad ne ten.› »

Esayi 10:12

Kaa koy, mi o Yaal oxe, yaa um ƴutkaa calel es took o joong ole Siyoŋ fo na Yeerusaleem, xam xaw o maad oxe Asuur magnandooxna no xeeñ um, a doon teen a ga’atinoox,

2 Maad we 10:22

Maaga, Yehu a hebla oxe saq’ina toki ke, ta coox faafaɗax we Baal fop no toki ke. Kaaga a fi’e.

A cangatin ale 22:5

«O tew waree o rokoox tikoorik no koor mbaat o koor a rokoox tikoorik no tew. We na mbesooraa neene o Yaal oxe Roog nuun kaa ɗeetaa a den nen cednooxu.

Esayi 2:6

O Yaal oxe, waasaa xeet of pelek. Kaam ee xaƴaa mbind Yakoob, yaam kaa may fo fo mbaax ne no batand, maɗag ee gañ teen nen saax le no Fiifilista we, soo a ndimaa fo we da mbogteerna xeet.

Habakuk 1:10

Kaa da nqaadnooxaa maad we, gelwaar we a ndef calat den. Kaa ƭeq-ƭeqnaa saŋe nuu refna, a njuumaa a uum lanq a songir paam um soo a njaɓin.