Sofoni 1:6 - NQAARIIT NE ROOG

⁶ we mbesaxama a cinj fo we mbaaƭeeraxama, laamtiraam, mi o Yaal oxe.»

Sofoni 1:6 Referans Kwoze

Yeremi 2:13

Xeet es a tooña a caf a ƭak: a mbaasaxam, mi fee refna a cur foofi fo ñoow ole, ndax da maxan a qoox den pand, pand kaa mbeɗidna boo mbaagee o ngarin foofi.»

Esayi 1:4

Ndaw naqad took saax baabakaad le, xeet fee sufooxna tooñ ƥor, o fog ole no fiifi paaxeer, xa teɓandoong xa kalakooxu xe nu ndefna. Kaa nu ndeɓ o Yaal oxe, nqeef o Tedu xe Isra’el soo mbesin a cinj.

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Hoose 11:7

Xeet es kaa nqar no mbesaam a cinj. Kaa nqoyel me na mi fee Took-ee-took, ndaa o leng na den inooxee.»

Yeremi 3:10

Cinj kaaga fop sax, o pog um o tew Yudaa fa ngore’aƭaru fee nomtooxiidee me mi fo xeeñ um fop, ndaa no cat ɗelem soom.» O Yaal oxe layun.

Esayi 9:13

Ten taxu o Yaal oxe a ɗega xoox le fo a las ale Isra’el, ngeec oo xeet oo, no ñaal leng kut.

Hebre 2:3

yaaga nam i ndaɗitkaa a qaw ale Roog, yaa i yaacaanna a muc a podu neene? O Yaal oxe mat o mat eetu o yegnit a muc aleene, soo we nan’uuna a ñoowdand a in o njiriiñ um.

Heseki’el 3:20

Boo o cofu xe a fesna a cinj o cofel um soo a fi’aa paaxeer, xam xaƴin ta yen, too xan a xon. O maƭooxangiran, xan a xonit bakaad um. A pi a cofu ke ta fi’’ina mbetandooxkataand, too xam laamtong fo’oy um.

A kim a tedu ke 125:5

We na ndeefaa a ƭat a quƴooxu ke koy, yaasam o Yaal oxe a rax a den, den fo fiifi paaxeer we! Yaasam Isra’el a ref na jam!

A kim a tedu ke 10:4

O soxodu xe xalamee fuux le no Yaal oxe too kaa layaa fo o cok um took ee: «Roog jegee.» Keene refu a qalaat um fop.

1 Sami’el 15:11

«Ricooxaam tigi ke taxna um dalin a Sawul o maad, yaam kaa fesaam a cinj too nananee kebil es.» Sami’el a jaaxɗa lool soo a ref no xeɗooxaa o Yaal oxe kam o yeng olaaga fop.

Hoose 7:7

Den fop kaa sum jip nen o juɗand. Kaa listaa ɗooɗox we den, maad we den fop a yenaa, too o leng na den ƴufginooxiraam.

A kim a tedu ke 36:3

Bakaad fee kaa muur a kid um, yaam ndik ta anddiloox tooñ um soo a sibin.

O leetar ole Pool a bindna GIMU WE NGENNA ROM 3:11

O leng jegee yiif, jegee oxaa na waaƭaa a Roog.

Esayi 43:22

O Yaal oxe kaa tee: «Wo Yakoob, ƴufginooxiraamo, nuun xeet fee Isra’el, nu nqijaniraam.

Yeremi 10:25

Bilti fuux of took a saax ake andeeroonga fo took qeet ke ƈufginoorkeerna gon of, yaam a lista xeet fee Isra’el, a lista soo a saŋik a den, a mbayit kenand den.

Hoose 7:10

O nga’atinax onqe Isra’el na seede’anaa a den. Keene xewna fop koy taxee da nomtooxiid me mi, mi o Yaal oxe Roog den, too mbaaƭiraam.

Yosuwe 23:12

Kaa koy, nu mbesangaan a cinj, ngiɓoor fo qeet keeke ndefna a ndeer nuun, lokoor fa den na pexey ndolnir soo ndokoor fa den,

2 Sami’el 22:22

Ɗapiim a ƭat no Yaal oxe, fesiim a Roog es a cinj.

2 Caloori ke 15:13

Oxuu damoox’eerna no Yaal oxe Roog fee Isra’el koy kaa war’u o maaltel fa nqon, ta ref o maak mbaat o ndeɓ, o koor mbaat o tew.

Esayi 9:12

Xeet fee nomtooxiidee me no xe na yaran, waaƭee o Yaal oxe Hupna fop.

Sofoni 3:2

Nan-gilooxee o ñuxur o leng, a ƭat um yongee no soqanqol, doonee a koolax um no Yaal oxe, matiidee a Roog um.