Sofoni 1:4 - NQAARIIT NE ROOG

⁴ Xan o ɓay es a dal took Yudaa, ten fo we ngenna Yeerusaleem fop. Xam moocand no mbiñ onqeene ke yoqna na paɗax ale Baal, ñuf a kon ake no saasadax we ten fo ake no lakas we na mbaɗooxan.

Sofoni 1:4 Referans Kwoze

Hoose 10:5

We ngenna Samari xan a njaq yaam o nqeel wurus onqe Bet-Awen. Xeet fee xan a ñaawoox mbangool neene, soo saasadax we ten a sendaa yaam ten, no ndam onqe ten na ñufkaa a ndeer den.

Mise 5:13

Xam fuurit a ndeer nuun xa taaƴ xa lupe xe Asera nu mbaɗooxaa, yaq teeru ke nuun.

Yeremi 6:12

Pind den xan a ndaawnel wiin lakas, xa qol den fo rew den fop, yaam xan o ɓay es a dal took no we ngenna no saax le. Mi o Yaal oxe layun.

2 Caloori ke 34:4

Xa sadaxand axe Baaliin a njiƭte mbaambir um, ta gefin xa sadaxand cuuraay axe ndeeƭna took, soo xa taaƴ xa lupe xe Asera, fo nitaal ke fo pangool cawne ke, ta duguñ a den bo da mok. A mbufa mok-mok keene, a ƥaxin no poy ke no we ƥoxotoogna a den sadax.

2 Maad we 21:13

Xam xawit a Yeerusaleem, ne xawtuuma a Samari fo mbind Ahab. Kaam ee xam laxad a Yeerusaleem ne o ƥaxañ a laxadteel soo a sagel.

A sutax ale 15:12

A ñamaak of rek yoɗo, lanq ke a ƭuud a den salquƈ.

Yeremi 15:6

Waasaxamo, fesaam a cinj. Mi yoo yoɗanaaxoong o ɓay es, yaqong pic. Deyƭooxaam sik na ticax.

Heseki’el 6:14

Xam doon o ɓay es took den, fi saax le a moƴ o woot, soo a moƴ o raad, a xotit na koƥ-a-ƥor ale boo Ribla, me da ngenna teen fop. Maaga, xan da and ee mi refu o Yaal oxe.»

Heseki’el 25:7

ten taxu xan o ɓay es a dal took of, um ɓoxotong a saax ake, ndax da mbalit o jeg of fop, suudong a ndeer qeet ke soo moocandong a ndeer a saax ake. Xam saŋkong too xan o and ee mi refu o Yaal oxe.»

Sofoni 2:11

Xan o Yaal oxe a saɗarnoox na den, yaam xan a moocand roog ke no lanq ke fop, too a pimb ake moƴna o liitoox sax xan a ngung mbaambir um me da ndefkaa ndef.

Sofoni 2:13

Xan o ɓay no Yaal oxe a dal took we no ɓemb-roog o janoon, a yaq a Asuur, a fi a Niniif o mbiñ o mbootu, lanq beeru koroŋ nen a koƥ-a-ƥor.

2 Maad we 23:12

O maad oxe a gefa xa sadaxand axe ndeeƭna took bomb le na ndok-took ale Ahas, too maad we Yudaa a mbi’’u a den. A gefa itam xa sadaxand axe Manaase a fi’in’ina kam xa maax xa ƭaq axe no Mbind ne no Yaal oxe. Cinj ye ta duguñna a den, a bufa kefatin ke fop, a ɓaxik a den na yulanq alaa Kederon.