Sofoni 1:3 - NQAARIIT NE ROOG

³ Xam moocand wiin we fo muumeen ke, tiiƭ ke fo liƥ ke, luƈit soxodu we. Kaam ee xam moocand wiin we took lanq ke. Mi o Yaal oxe layun.

Sofoni 1:3 Referans Kwoze

Hoose 4:3

Ten taxu saax le xan a wootat, fop we ngenna teen a ŋeesoox, den fo muumeen-a-koƥ ke fo tiiƭ ke. Liƥ ke no maag ole sax xan a sooƴ.

Heseki’el 7:19

Xan a ndeɓ xaaliis den no ped ke, soo wurus den a refat ƭaaq. Xaaliis fa wurus mbaagkee o mucil a den no ñaal ne no fuux le no Yaal oxe. Mbaagkee o safin a peep den, mayƭand o fud den ne’aand, yaam kaa ndef ɓil le na tolofnooraa a den, took o ngar fo tooñ den.

Mbeeñil 2:14

Kaa koy, a jega onqaa ɗomaxama na wo: Ten refu yee kaa o jeg meene wiin waa ndamooxna na cangin ale Balam. Kaa jangnoogu a Balak yaaga, ta sip a panq alaa na baɓaa Ii-isra’el we, a maafnooraa a den na bakaad yaa ta koocaa a den da ñaam a tegeƴ a sadaxte akaa ne’teena pangool, soo a seeqaa.

Mace 23:39

Mexe layaa a nuun ee: Nu nga’katiraam muk, boo yaa nu laykaa yee: ‹Oxe na garaa no gon le no Yaal oxe a hela simatel.› »

Sakari 13:2

O Yaal oxe Hupna fop kaa tee: «A koom xam suud no saax le pangool ke, sañ a den na yiif no wiin we boo xoo, in meen duleer maamaaɓ we fo a yiif ake nqoxna no nqoolaƭar.

Hoose 14:8

We moofoogna no yook um xan a nomtooxiid. Xan a ñoowdandatin bele fee, a mbiɗit nen ndaxar biiñ soo a njeg gon nen biiñ fee Libaŋ.

Hoose 14:3

Ƥonooxyo fa lay fa ndicoor too nomtooxiid me no Yaal oxe. Layeenoo yee: «Waasanti tooñ ke fop, dalin a in fa yirmande, too yaaga xan i simatang, ta ref nen sadax qoox in.

Yeremi 12:4

Saax le kaa refkaa neeke na naqad boo a mban, soo daaƭ le na koƥ ale fop ee ŋayam? Ƥaaɓaan ke fo tiiƭ ke no saax le a sooƴa, yaam kañaan ne no we ngenna teen. Kaa da layaa yee: «Roog ga’ee ke na dalkaa a in.»

Esayi 27:9

Keene na refkaa a bateer tooñ ne Yakoob, too keeke a baasan tooñ um a rimkaa: A ƥil ake na xa sadaxand axe fop xan a mokandel, ne jaagal a moxoñteel, too a teex a lupe ke Asera fo toxir qeeñe-xeeñe ke ngeenooxatinkee muk.

Heseki’el 44:12

Feek kaa njalanoogu xeet fee mbaambir pangool ke den soo a ndeeƭu no mbind Isra’el ɓil laa na tolofnooraa, a maafnooraa a den na bakaad, mexe daaɓooxan fa den o ɓay es took ee: Xan a ngadoox tooñ den. Mi o Yaal oxe na refkaa boo faw layun.

Mace 13:41

O Ƥeenqe no kiin oxe xan a luliid malaaka um, ndax da ƈas kam Maat um we na tolofnooraa wiin we fo we na mbi’aa cofaƭaru.

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

Esayi 6:12

boo yaa mi o Yaal oxe um riƈatkaa we ngenna no saax le, ta waasel pelek, a yoq o ƥor.

Yeremi 9:10

O Yaal oxe kaa tee: «Xam fi a Yeerusaleem juum kefatin, ngenand na xa ƥox-a-koƥ axe, soo fi teeru ke Yudaa a koƥ-a-ƥor, maa o leng a genateerna.»

Yeremi 50:3

Xeet a inooxantaan no ɓemb-roog o janoon too xan a supit saax le ten a pec. O leng genkatee teen, wiin we fo cegel ke a nduux a koƥ.

Mberaand 6:7

O Yaal oxe a laya yee: «Xam moocand took lanq ke o kiin oxe sakuuma, ke xotitna no wiin we boo no cegel ke fo ƥood ke fo tiiƭ ke na asamaan, yaam ricooxaam tigi ke taxna um fi a den!»

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»