Sofoni 1:18 - NQAARIIT NE ROOG

¹⁸ Xaaliis den mbaat wurus den mbaagkee mucil a den, na bes fee no fuux le no Yaal oxe. Xan fiɗel le no naal ne ten a raaɓ adna fa muum, a saŋik a den ndak fo ndak.

Sofoni 1:18 Referans Kwoze

Sofoni 3:8

Ten taxu cungaamoo, cungyo bes fee um inooxkaa, ndax um jamb a nuun, yaam hebooxaam o fokat qeet, fosoox o korol maat ke, ndax fuux es a biltooxan a den, fuux ɗomu le mi fop. Saax le fop xan a raaɓtel fiɗel le no naal ne mi. Mi o Yaal oxe layun.»

Heseki’el 7:19

Xan a ndeɓ xaaliis den no ped ke, soo wurus den a refat ƭaaq. Xaaliis fa wurus mbaagkee o mucil a den no ñaal ne no fuux le no Yaal oxe. Mbaagkee o safin a peep den, mayƭand o fud den ne’aand, yaam kaa ndef ɓil le na tolofnooraa a den, took o ngar fo tooñ den.

Xa peƭit axe 11:4

Na bes fee no fuux le Roog halal fee ɗaxkee tus, o cofel ole mat kaa wataa na fa nqon.

Mace 16:26

Xar a jiriiñkaa o kiin ta jeg adna fee fop yaa ta ñakna o laaw um? Ndi xar o kiin a sofitkaa o laaw um?

Mberaand 6:7

O Yaal oxe a laya yee: «Xam moocand took lanq ke o kiin oxe sakuuma, ke xotitna no wiin we boo no cegel ke fo ƥood ke fo tiiƭ ke na asamaan, yaam ricooxaam tigi ke taxna um fi a den!»

Sofoni 1:15

Bes faaga kaa ref bes fuux, bes naqad fo o jaq, bes a payit fo yaq, bes o niɓaan fo ɓaal-ee-ɓaal, bes a eel fo a kuy,

Sofoni 1:11

Iinyo, nuun we ngenna na dik fee na xoyeel o faƥ ole, yaam jula we fop xan a saŋkel, jiijikax we a moocandel.

Heseki’el 16:38

Xam hate’tong ne rew seeseeq we a ngate’teel fo we na ƥaxaa fo’oy, too xam ɓax fo’oy of kam fuux ɗomu le fo kam naal es.

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Yeremi 7:20

Ten taxu keeke o Yaal oxe na refkaa boo faw a layu: «Fuux es fo say es owe mbiltooxaa no mbiñ onqene, took no wiin we fo muumeen ke, took taxar ke na koƥ ale fo ke lanq ke a mbatna. Xan a kaƥaa too ñufkee.»

Esayi 1:24

Ten taxu o Yaal oxe na refkaa boo faw Hupna fop, a ref o Cegu doole xe Isra’el, kaa tee: «Xan fuux es a jeg ne ta bugna no noon we mi, too xam rabdinoox no fañ we mi.

A kim a tedu ke 78:58

A mbuuxnoortaan a ñaang a sadaxand ake den, a njumbandit naal um xa taaƴ axe da mbaɗooxoogna.

1 Maad we 14:22

Wiin we Yudaa a mbi’a kaa faaxeerna na kid no Yaal oxe. Neene, fo pakaad den a mbuuxnoorooga a Roog kupu ke daan den a mbi’’uuna.

A cangatin ale 31:17

A koom, xan fuux es a biltooxan a den, um waas a den soo ɗasin a den mukit es. Xan a ndefik muud no qeet lakas ke, coono fo naqad a sagoox a den. Maaga, xan da lay ee: ‹Ndax ne Roog in a refateerna a ndeer in taxu coono kene fop a ndalaa a in?›

Xa peƭit axe 18:11

O jeg ole no yaal halal oxe refu teeru fa njegu saŋe um, ta foog ee a ƭing a saƭku koŋ oo no ten.

A kim a tedu ke 79:5

O Yaal oxe, kaa o fuuxankaa a in neeke boo a mban? Ndax naal ne wo kaa bugko kaƥaa cay nen fiɗel?

Ke bindeena no xe ne’eena YOB 21:30

No ñaal ne na taamaala fee, o soxodu xe kaa ɓostooxaa, a daɗ yaa fo fuux le.

1 Korint 10:22

Ndax kaa i mbug o umb naal ne Roog? Kaa i moƴin o njeg doole!

Yeremi 7:34

Xam ñuf kam teeru ke Yudaa fo no ped ke Yeerusaleem xa ƈeel axe fo xa soroxole xe, o ñuxur no kor-no-kulook oxe fo ole no kulook oxe, yaam saax le xan a raad.»

Heseki’el 7:5

Keeke o Yaal oxe na refkaa boo faw a layu: «Taamaala, taamaala fa njegee nand fey a garaa.

Heseki’el 7:11

Mbariƴ ne oxe naŋ a geenoox, ndax ta ref o loq kañaan. Dara yoqkatee na den, dara no combol den, too ƭomatooxkataand.

Heseki’el 23:25

Xam ɓax took of naal es. Xan a sayanong, a ƭeg o ñis of fo nof of, too we na yoqkaa na wo xan laƥ a maaf a den. Den na njangkaa xa ƥeef xa koor fo xa tew, too we na yoqkaa na wo xan fiɗel a raaɓ a den.

Sofoni 2:2

boo a posax ale no Yaal oxe a helko fo fadnooxaa, soo nu maƥel nen ñaax laa nqeñ a adinna, boo fuux ɗomu le no Yaal oxe a helko fo yenaa took nuun, boo bes fee no fuux le no Yaal oxe a helko fo dalaa took nuun.

Ke bindeena no xe ne’eena YOB 3:15

fo gelwaar we njegna wurus, pind den a yipoox xaaliis fa nqoolu boo muut.

Esayi 10:3

Xar nu mbi’kaa na bes faa no nqeloor naa, yaa a und ale a inoortiidkaa koƭu? Maa an nu ƈufkaa, ndax nu njaɓnooxin, too mam nu laqkaa kalal ke nuun?

Esayi 10:17

O Yaal oxe refna a Qoolaand ale Isra’el xan a refat fiɗel, o Tedu xe ten a refat aal laa na doxkaa soo a raaɓ takar-ñiig ke fo tomb ke Asuur no ñaal leng kut.