Sofoni 1:17 - NQAARIIT NE ROOG

¹⁷ O Yaal oxe kaa tee: «Xam ɓek wiin we na naqad, soo da ñaaƴtaa nen fuul, yaam kaa mbakaad na mi, mi o Yaal oxe. Fo’oy den xan a ɓaxtel nen fo ut, xa tal den a luuñaa nen ndoƭ.»

Sofoni 1:17 Referans Kwoze

Mise 7:13

A saax akeene xan a ngefel yaam a pi no we ngenna teen.

Mbeeñil 3:17

Kaa o layaa yee: O yaal halal refum, ñaaƴnitaa ne warna, too ñakiim tus. Andiro yee kaa o halakoox, torox, rool, fuul soo ɓangdel!

A kim a tedu ke 83:10

Wo Roog, fesoori fa den ne fesoorit’oona fo Maamajan we fo ne fesoorit’oona fa Siisera fa Yabin na ƈufnand alaa Qiison.

1Saŋ 2:11

Kaa koy, oxe fexeerna o pog um, no niɓaan ole a refu. Kaa ñaaƴaa no niɓaan ole itam, too andee me ta jofaa, yaam o niɓaan ole kaa muur a kid um.

2 Piyeer 1:9

Kaa koy, oxuu jegeerna a den, kaa nand fo o puul. Kaa ref oxaa o ga um a raƥna, ta weecit ee Roog a xooland’aan no pakaad um yaaga.

O leetar ole Pool a bindna GIMU WE NGENNA ROM 11:25

Fog we, kene koy kaa ref kunpa faa buguuma o andnoor a nuun, ndax nu ƭeetkee a qoox nuun nen waa njegna o and. Kunpa feene refu yee: Kaa o saƭik xoox oleene a maƥ a qaaj na xeet fee Isra’el boo yaa a muc ale a daawkaa qeet lakas ke fop.

O leetar ole Pool a bindna GIMU WE NGENNA ROM 11:7

Xar na laykeel koy? Kene na laykeel: Xeet fee Isra’el ndaawee ke da mbaaƭoogna. Yoqatin we Roog a jilna soom ndaawun. Lakas we o mat, a qeeñ den kaa saƭik’u, soo o and ole a mo a den mir.

Mace 15:14

Nqaƴyo a den, fuul waa na ƭoxaa fuul gend den a ndefu. O puul a ɗoxangaa o puul o kend um koy, den ɗik fop xan a njimboox kam a kamb.»

Amos 4:10

Yoɗaam piste, pictin a ndeer nuun, ne fi’it’anuuma no saax laa Misira, warnoor mbes ke nuun na xire, pis nuun a njaɓel, xa tal no yoon nuun a mbat a nuun xus nen ƈaq, ndaa dara teen taxee nu naang cook nomtooxiid me mi. Mi o Yaal oxe layun.

A ƭomatax ake 2:21

Xa caaƈ axe fo nogoy we we luuñaa a lanq no ped ke. Laƥ ne a luƈta fo njaaƈ fo ndoog ne mi fo mbes ke mi. A koom ale fo fuux le wo, waraa, xiris too yirmiro dara.

A ƭomatax ake 1:18

«O Yaal oxe ɓuru a xawaam, yaam kaam nanaƭaran’u kebil um. Nuun qeet ke fop, nan-gilooxyo too nga ɗom es. Mboƥ ndoog ne mi fo mbes ke mi a ƥise no mbaƭ.

A ƭomatax ake 1:14

O ɓay um a ŋaƭa kadoor ke no njofaƭar es. Kaa da laxasoor, a iroox no cok es. O Yaal oxe a leeƈa cer es fop, a ɓoxotaam na xa ƥay axaa waageeruuma o xuƈtoox.

A ƭomatax ake 1:8

Yeerusaleem a bakaada ƭomu. Ten taxu ta refat sibdel. Fop we niw’uuna a nqeefataan, yaam ne da nga’na cer um ƥor. Ten fa xoox um kaa iinaa soo a xuun.

Yeremi 18:21

Ten taxu, ɓoxoti xa ƥiy den biim le, joor a den no weel le no laƥ ne. Yaasam rew we den a nqatat, a ndefat ñaaw. Yaasam piste a ñaam goor we den, laƥ a saŋik mbes ke den na xire fee.

Yeremi 15:3

O Yaal oxe kaa tee: «Xa qos xa nahaq a ƭom um xawitkaa a den: Laƥ ne xan a war a den, xa ƥox axe a listir a den soo a tud ake fo ƥaaɓaan ke a ñaam a den, a salax a den.

Yeremi 10:18

yaam keeke o Yaal oxe a layu: «Jaf leeke, xam suusaand we ngenna no saax le. Xam fiiqil a den ƭomu, ndax da naagel nuus.»

Yeremi 4:18

A pesoorooƭ of fo a pi of ngaru fo ke daloonga, wo Yeerusaleem. Kaa ref o rim ole no kañaan of. A woora yee kaa xaaɗ xut, too a roka boo kam xeeñ of.»

Yeremi 2:19

Kañaan of xan a garit a qaw of, soo ngore’aƭar of a ɓisiid o yarel of. Neene, xan o and ne o waas o Yaal oxe Roog of, fañaam o saɗar, a faaxaƭaritna soo a feƭar.» O Yaal oxe na refkaa boo faw Hupna fop layun.

Yeremi 2:17

Ndax keene dalirang, yaam ne waasoona o Yaal oxe Roog of, ye ta ɗoxang a ɗox na ƭat ale sax oo?

Esayi 50:1

O Yaal oxe kaa tee: «Taa a kayit a pinde le lalitna yee waasaam a ya nuun mbaat an jikooxum a nuun nen faɗ, ndax um rabditin o lad es? Nu njikooxange, paaxeer ke nu mbi’na taxun. Ya nuun a raxange, pakaad nuun taxun.

Esayi 29:10

yaam o Yaal oxe kaa ɓek na nuun yiif ɗaaɗaan, a fuulin a kid nuun ndefna duleer we soo a muur xoox nuun refna ɗeet we.

2 Korint 4:4

Wiin weene ngimee, yaam oxe na fi’ooxaa roog na jamaane feeke kaa fuulin a qalaat den, ndax nga’kee meleƈ le na qoolaand ale no Yegil mbaax ne Kiristaa fee refna nitaal ne Roog.

Yeremi 8:2

Xan a liilel no njeeƈ ne, na qoor ale fo na xa qoor axe na asamaan fop da mbex’ina, a mbaɗooxoogu a den, a ndeefoogu a den, a laamtoogu a den xa as soo a ngungoogu mbaambir den. Xa kiiƈ axeene ngiskaand mbaat da ndaknel na mboy ale, ndaa xan a ndefik tosir lanq ke.

Heseki’el 16:38

Xam hate’tong ne rew seeseeq we a ngate’teel fo we na ƥaxaa fo’oy, too xam ɓax fo’oy of kam fuux ɗomu le fo kam naal es.

Heseki’el 24:7

Fo’oy le ta ɓaxna le maadaa a ndeer um. Kaa ɓaxin took ɓil le naagna faŋ, ɓaxiran took lanq ke, ndax fo ut ole a muurin.

Heseki’el 24:8

Xaƴaam fo’oy um took ɓil le naagna faŋ, maa ta muuritkaandeena, ndax um bilit fuux es soo fadin ndabdinax es.

Yeremi 3:25

Fat i mbondoor gaci in, o niwaƭarel a hul a in, yaam kaa i tooñ o Yaal oxe Roog in, in fo daan in, no kaa xotitna no ndeƥandoong in boo no ñaal nene. I nan-giloox’ee o ñuxur no Yaal oxe Roog in!»