Mbind no maad ne xan a fes a pec, teeru fa yo’nooxu fee a waasel. Me o yetooxand ole fo saŋe ne no ñaang le Ofeel a ndefna xan a refat boo faw o ndaatan na xa paam-a-koƥ axe fo o suufand na xa siir axe.
A geenooxangaa, lanq ke a yo’noox, ta ɗeet, qeet ke a sendaa. Xa coong xa miñu xe kaa ngirdooxaa, a ñaang ake ndefna, yaa maam a ɗisaa a kid, a sooy, den we ndeeƭna a ƭat ale ta reefoogna yaaga.
Kang ke no pis ke no fañ we a nannoorta Dan, lanq ke fop a sendaa yaam fangax le no ŋexel le no naar-koor ke den. Owe ngaraa, a nduudniid saax le fo ke refna teen, teeru fee fo we ngenna teen.
O Yaal oxe kaa tee: «Nuun Beebensame we, ƈufyo, sutoox a Yeerusaleem! Njibinyo a luuƥ kam Tekowa, yoɗ o anddiloor took Bet-Hakerem, yaam taamaala a feeñta no ɓemb-roog o janoon, o njakad o maak.
Kaa i kasaƥ-kasaƥnaa nen o puul oxaa na lernooxaa tabax, njuxɓaa nen waa njegeerna a kid. Kaa i tolofaa njoloor o mbuc nen waa na ñaaƴaa na kid-a-caɓru. Ke i mbodna mbod fop oo, i moƴanee xon we.
Xan a mbid teeru ke nuun fop o kurul-keƥ, boo yaa saŋe cegu doole ke nuun nu ngoolooxna kam saax le fop a njiƭtooxna. Xan a ƥiikil a nuun kam teeru ke nuun fop, muu refna no saax le o Yaal oxe Roog nuun a ci’na a nuun.
A koom, xan a luuƥ a maak ale a jib, soo we mo’’ina kam saax laa Asuur fo we pasaroox’ina no saax laa Misira a nomtooxiid. Xan a ngung mbaambir no Yaal oxe took o joong o tedu le kam Yeerusaleem.
Njibinyo a tuluɓ kam Siyoŋ, mbangin a luuƥ took o joong o tedu le Roog. Fat we ngenna no saax le fop a send, yaam ñaal ne no Yaal oxe xe garaa too a matiida sax.
A luuƥ ake a njibne, too yaa xiixire waa a nanuuna rek, a ndalfooxa o njibin xa buuq xire. Ndak fo ndak, saŋe naa Yeriko a jiƭtooxa, Ii-isra’el we a ndok kam teeru faa, oxuu refna na den a reefit me ta jasnoor’ina soo da njaɓin.