Sofoni 1:14 - NQAARIIT NE ROOG

¹⁴ Bes fa maak fee no Yaal oxe a matiida. A matiida, too oxe fadiidaa no ñofu. Bes fee no Yaal oxe xe fangooxaa, soo a salma-koor ake sax a njibin xa paɗax.

Sofoni 1:14 Referans Kwoze

Heseki’el 30:3

Bes fee a matiida, bes fee no Yaal oxe a matiida. Bes a eel a refkaa, waxtu fee no qeet ke.

Sofoni 1:7

Naangyo cuxus mbaambir no Yaal oxe na refkaa boo faw, yaam bes fee no Yaal oxe a matiida. A jaganda sadax, a tedland we ta xurna.

Yowel 2:11

O Yaal oxe xe fangnaa o ñuxur um mbaambir xiixire um. A yaj um kaa magin lool, we na mbadnaa fa lay um a njeg doole. Ñaal ne no Yaal oxe kaa magin too a saɗarnoox. Ndi, an na waagkan o haŋ?

1 Tesalonik 4:16

Xan o Yaal oxe fa xoox um a fangoox. Xan i nan o ñuxur no leng no kelfa ke no malaaka ke, soo a luuƥ ale Roog a jibit na asamaan. A koom, xan o Yaal oxe fa xoox um a fudoortiid na asamaan, soo we nqonna no ngim na Kiristaa a eet o nqontoox.

Heseki’el 7:12

Hap fee xe garaa, bes fee a matiidaa! Baa o ciijik oxe a felakinoox, baa o ciijikax oxe a ɗomatoox, yaam fuux ɗomu le a biltooxana faan le na teeru fee.

Esayi 33:7

We ngenna Ari’el owe njibnaa xa buuq kam ped ke, we na sakaa jam a loolaa ciic.

Esayi 15:4

Hesebon fa Eleyale owe njibnaa xa buuq, o ñuxur den a nannoox boo Yahas. Ten taxu xiixire we Mowaab owe sendaa, xa laaw den a mbiiƭaa.

Saak 5:9

Fog es, ba nu ñunqumtiloox, ndik Roog a hate a nuun. Nan-gilooxyo, o Kaahate xe a mata, oxey no don-maax ole.

A pi ake 2:20

Boo ñaal maak mayu o ndam ne no Yaal oxe a helko fo garaa, xan njeeƈ ne a suptoox o niɓaan, soo o nqool onqe a suptoox fo’oy.

Yowel 1:15

Cey, ndaw ñaal o njom’andaand! Ñaal ne no Yaal oxe a matiida, a ref yaq faa hatiidna no Cegu katil oxe.

2 Piyeer 2:3

Yaam ne da yaawaa halal, xan a nax a nuun, a njang ke nu njegna na pexey a ƭelem a naanax. Kaa koy, yaaga boo fa ndiik, hate den oxe ñaaƴaa, too oxe warna o saŋik a den ɗaanee.

Amos 8:2

soo a layaam ee: «Amos, xar ga’o?» Um doonin ee: «A ƭamba laa yipna xa tim xa pooru.» O Yaal oxe a layaxam ee: «A saxad ale mi took Isra’el fee xeet es a fadiida de, yaam a baasan es fo ten a faafa.

Sofoni 1:10

A koom, xan xa paɗax a njib no Ndokand ne no liƥ ke, a ƭomatax a nannoox na dik fa nqas fee na teeru fee soo fangax jegu doole a inoortiid na ñaang ake. Mi o Yaal oxe layun.

Yowel 2:1

Njibinyo a tuluɓ kam Siyoŋ, mbangin a luuƥ took o joong o tedu le Roog. Fat we ngenna no saax le fop a send, yaam ñaal ne no Yaal oxe xe garaa too a matiida sax.

Heseki’el 12:23

Layi a den boog ee: Keeke o Yaal oxe na refkaa boo faw a layu: Xam ñuf oleene feƭit, o don ne’katiran muk kam Isra’el. Layi a den kañ ee: Ñaal ke a matiida, kaa peeñil ke fop a mbadnooxkaa.

Yeremi 48:41

Keriyot a jaɓe, saŋe ke a luƈtel. A koom, xeeñ le na salma-koor ake Mowaab xan a nand fo le no tew oxaa na gaajooxaa.

Yeremi 30:7

Ndaw naqad! Ñaal nene a jaaxɗandta, jegee lakas naa nandna fo ten. Jamaane naqad oo na Yakoob, ndaa xan a muc teen.»

Yeremi 25:36

Nanyo xa buuq axe no ɗooɗox we fo xa iin axe no yaal xa siir axe, yaam o Yaal oxe xe ruudnaa xa suufnand den.

Esayi 66:6

Nan-gilooxyo fangax lene na inoortiidaa na teeru fee, a hatiid no Mbind Roog ne: O Yaal oxe na ɓoxotaa fañ um ke jagna fa den.

Hebre 12:26

Yaaga, o ñuxur um a yo’na lanq ke. Kaa koy, ndiiki a laya yee: «Jaf leng ahin, xam yo’in lanq ke, yo’in asamaan fee itam.»

Filip 4:5

Fat wiin we fop a and o lewet nuun. O Yaal oxe a matiida!

Esayi 8:22

cinj kaaga, da ƭeet a lanq, ndaa nga’kee lakas, a refangee naqad fo o niɓaan fo coono. Xan a ref na den o yeng olaa niɓaanna tit.

Heseki’el 7:16

We mucna na den xan a ƥostoox, a ndet took xa coong axe, nen a qoɗoxoñ akaa na ŋuuraa kam a yulanq ake.

Yeremi 46:5

Ndi xar um ga’aa? Owe ndiida boo a sendaa, a ndakooxaa o jiijiŋ. A Salma-koor ake den a nduguñe, a ngod o joor, too nomtooxiidatee, diid le xey muu refna. Mi o Yaal oxe a layun.