Sofoni 1:13 - NQAARIIT NE ROOG

¹³ Kalal ke den xan a njaɓel pind den a ngefel. A maxangaa pind sax oo, ngenkee a den, too a njimbangaa a ƭing taxar biiñ, yerkee biiñ fee.»

Sofoni 1:13 Referans Kwoze

Amos 5:11

Kaa nu ndak o toroxu xe suur, njang ñaamel ke ta yaakaar’ina. Ten taxu nuun wey maxaa pind saƭku, ndaa nu ngenkee teen. A ƭing taxar biiñ ake nu njimbna a neqa lool itam, ndaa ndefkee muud nuun,

Mise 6:15

Xan nu nduuf, ndaa nu saxadkiran, xan nu nol xa tim taxar oliiw, ndaa nu ƭuumooxkee teen. Xan nu nir tuunq xa biiñ, ndaa nu yerkee biiñ fee.

A cangatin ale 28:30

O leng na nuun a jegangaa o toog, xan o koor o lakas a gignin. Xan nu max pind, ndaa nu ngenkee a den. Xan nu njimb taxar biiñ, ndaa nu muudoorkee a den.

Heseki’el 7:21

Xam ɓoxotin na xa ƥay no genar ndax da ngefin tuƈ, na xa ƥay no we moƴna o soxod took lanq ke, ta ref cangale, soo da maasandin.

Yeremi 15:13

Wo Yudaa, xam ci’it o jeg of fa halal of na meere-meere, yaam pakaad ke fi’oona no fiisel ole wo fop.

Yeremi 9:19

Nuun rew we, nan-gilooxyo boog fa lay fee no Yaal oxe, mbet nof nuun no ke ta layaa! Aqatinyo xa ƥiy xa tew axe nuun a ƭomatax, oxuu refna a jangin o tew o kend um ƭomatax nene:

A cangatin ale 28:39

Xan nu njimb a ƭing taxar biiñ, nqoox a den, ndaa nu ƥoorkee a den too nu yerkee biiñ fee, yaam xan kusax ke a ñaam a den.

Sofoni 1:9

A koom, xam xaw fop we na ƈakandooxaa peg ne, we na mayƭandtaa pind no yaal den kalal caɓe fo kaa njegteena na ƭat a qeleer.

Mise 3:12

Ten taxu xan Siyoŋ a guurel, a refat o qol yaam nuun, Yeerusaleem a refat juum kefatin, soo o joong ole no Mbind Roog ne a refat ñaang laa muurooxna fo suungaan.

Heseki’el 22:31

Maaga, ɓaxaam fuux es took den, saŋkit a den fiɗel le no ngañak es. Xam nomit a den a pi den. Mi o Yaal oxe na refkaa boo faw layun.»

Heseki’el 7:19

Xan a ndeɓ xaaliis den no ped ke, soo wurus den a refat ƭaaq. Xaaliis fa wurus mbaagkee o mucil a den no ñaal ne no fuux le no Yaal oxe. Mbaagkee o safin a peep den, mayƭand o fud den ne’aand, yaam kaa ndef ɓil le na tolofnooraa a den, took o ngar fo tooñ den.

Yeremi 9:11

Oxum o kiin jegu yiif, ndax ta and kene? O Yaal oxe a feeñlangaan o ten, fat a tekit ke taxna saax le a fes a pec, a doxel nen a koƥ-a-ƥor, maa o leng a reefateerna?

Yeremi 5:17

Xan a ñaam saxade le nuun fo ñaamel nuun, a saŋik xa ƥiy xa koor axe nuun fo xa ƥiy xa tew axe nuun, a salax xa siir nuun fo a ked nuun, a mbiitin a ƭing taxar biiñ ake nuun fo tun ke nuun. Xan laƥ den a ndaadin teeru cegu saŋe ke nuun, nu ngoolooxna.

Yeremi 4:20

O njakad took o njakad na yegniteel, yaam saax le fop a fiitne. Ndak fo ndak, ƭiif ke mi a mbayte, o laqooxand ole mi a gaakel ndeer ñaf fo ƭeet.

Yeremi 4:7

Njogoy ne a suqtoora no ngus um, o yaayaq oxe no qeet ke a xot a ƭat, a sutoor no sanand um, ndax ta gef saax nuun tuƈ. Teeru ke nuun xan a tasel, a mbes a pec.

Esayi 6:11

Maaga, laamtaam ee: «O Yaal oxe, boo a mban neene?» A doonaxam ee: «Boo yaa teeru ke a ngefkeel tuƈ, a mbes a pec, pind ke a yoq o ƥor, soo xa saawit axe yee halit nen a koƥ-a-ƥor,

A cangatin ale 28:51

Xan da muudoor xa siir axe nuun fo ke lanq ke nuun a mbatkaa, boo yaa nu moockaa. Nqaƴankee a nuun bele mbaat biiñ fa nqas mbaat diwliin mbaat xa qeel axe mbaat fo mbote ne, boo yaa da moocandkaa a nuun.

Yeremi 17:3

fo xa coong axe kam a koƥ ale. Kalal ke nuun fo o jeg nuun fop, xam ci’it a den da njaɓel, den fo a ñaang a sadaxand ake nuun, yaam pakaad ke nu mbi’na kam o fiisel ole nuun fop.

A ƭomatax ake 5:2

Mbaaxaan in a ƥoxote wiin jan, pind in a cooxel waa i andeerna.

Heseki’el 7:24

Xam ɓisiid qeet ke moƴna o ndef wiin fo’oy, ndax da njaɓ pind ke den. Xam xuuf o nga’atinax no yaal toole ke fo mbiñ fo tedu ne den a maasandel.