Sofoni 1:12 - NQAARIIT NE ROOG

¹² Na jamaane faaga, xam joktoox a Yeerusaleem fo o jam, too xam xaw goor we yaadooxna nen biiñ fa mbendu faa diƈooxna no nqiim um, soo a layaa taa kam den ee: ‹O Yaal oxe naagee fi’aa paax mbaat paaxeer.›

Sofoni 1:12 Referans Kwoze

Amos 6:1

«Ndaw sabab took nuun, nuun we na ñoowaa no yaadax kam Siyoŋ, nuun we mboogna yee o joong ole Samari ngenand mbooru yoo. Kaa nu mbi’oox a salma-koor kam saax le adooxanna qeet ke, bo tee mbind Isra’el sax nuun a mbi’u yaakaar.

Yeremi 48:11

O Yaal oxe kaa tee: «Mowaab kaa ñoowoogu na jam no kaa xotitna no ndeƥandoong um, mosaand o ɓis gilaa saax took o hup doole. Kaa yaadoox’u nen biiñ faa wendna boo a diƈoox no nqiim um. Mosaand o yiƥadoox ndeer o ƥaxañ fo o gend um, a maada fo a safaan um, too a qeeñaan um suptooxee.

Heseki’el 8:12

Roog a layaxam ee: «Wo fee o ƥiy no kiin, ndax ga’aa ke maak we no mbind Isra’el a mbi’aa no niɓaan ole, oxuu refna kam a ndok pangool um? Kaa da layaa yee: ‹O Yaal oxe ga’ee a in, a waasa saax le pelek.› »

Heseki’el 9:9

A doonaxam ee: «Tooñ ne no mbind Isra’el fa Yudaa kaa magin lool. Saax le oxe muut fo boom, teeru fee a naag gañ fo njofaƭar, yaam kaa da layaa yee: ‹O Yaal oxe kaa waas saax le pelek, ga’ee dara.›

A kim a tedu ke 94:7

soo a ndamtin ee: «O Yaal oxe ga’iran, Roog fee Yakoob andee teen tig.»

Mbeeñil 2:23

Kaa jolna keene, xam xawit xa ƥeem fa nqon. Neene, xan pokatax ke no gimu we fop a and ee mi refu oxe na horooxaa a pug fo a qalaat a ƭasu ke no wiin we, too xam ɓoxot o kiin oo kiin ke ta jalna.

2 Piyeer 3:4

soo a layaa yee: «Coo! Ndi mam ndegit ne na kar ale ten a refu? Yaam naa maam ke a nqonu, dara suptooxee. Fop kaa ref nen yaa fo mberaandoong naa na sak ale.»

Abjaas 1:6

Nuun xa taan axe Esawu, saax le nuun xan a saakel, kalal ke nuun ƭasneena a singtel.

Yeremi 10:5

Kaa nand nen mbooƴ sipe no qol xa peeƭ. Naangee o layaa, too kaa meeɓeel, yaam mbaagee o ndupit o jaf. Ba nu saɗar a den, yaam mbaagee o mbi paaxeer, ne da mbaageerna o mbi’it paax.»

Esayi 5:19

Kaa da layaa yee: «Fat a ñofand, fat a ñof o fi ke ta hebooxna, ndax i nga’in. Fat yuuƥ ne no Tedu xe Isra’el a fadnoox, ndax i mbaagin o njaɓ.»

A kim a tedu ke 14:1

O yaal a ƭat ale no jeejeek we a xoolne yee a kim alene kaa fog na ke Dawid. Oxe na layaa taa kam um ee: «Roog jegee.», yoqit oo. Fop kaa laawoox, a mbi’aa pariƴ ƥor, too jegee o leng oxaa na fi’aa paax.

Ke bindeena no xe ne’eena YOB 21:15

a nqalaataa yee: «Ndi xar o Cegu katil oxe a refu boo a tax i ndagooxan? Xar i nqotitkaa teen, yaa i nqeɗan?»

Heseki’el 9:4

O Yaal oxe a layaan ee: «Widi teeru fee bo ta xet, a ndeer Yeerusaleem, too ñaas na tagid wiin we na iinaa soo a ƭomatooxaa yaam a pi a cednooxu ke na mbi’eel teen fop.»

Malaki 2:17

Kaa nu nqijlaa o Yaal oxe na xa ƭelem nuun soo laamtaa yee: «Na xar i nqijlan?» Ten refu, yaa nu layaa yee: «We na mbi’aa paaxeer a mbaaxa na kid no Yaal oxe, too kaa fartaa a den.» mbaat nu ndamtin ee: «Taa Roog fee no cofel ole?»

A kim a tedu ke 10:4

O soxodu xe xalamee fuux le no Yaal oxe too kaa layaa fo o cok um took ee: «Roog jegee.» Keene refu a qalaat um fop.