Sofoni 1:10 - NQAARIIT NE ROOG

¹⁰ A koom, xan xa paɗax a njib no Ndokand ne no liƥ ke, a ƭomatax a nannoox na dik fa nqas fee na teeru fee soo fangax jegu doole a inoortiid na ñaang ake. Mi o Yaal oxe layun.

Sofoni 1:10 Referans Kwoze

2 Caloori ke 33:14

Cinj kaaga, a maxa saŋe ne tafil a ƥak ale Dawid no mudand naa Giihon na yulanq alaa, boo no Ndokand ne no liƥ ke, ta wid a ƥak ale Ofeel, a yoɗin bo ta goƭ took. A fi’a itam aa-adax no xiixire kam teeru cegu saŋe ke Yudaa fop.

Amos 8:3

A koom a kim ake no mbind sadaxand ne xan a suptoox xa paɗax. Muu refna xan xa tal a mbondnel, fop ee yereŋ. Mi o Yaal oxe na refkaa boo faw layun.»

2 Maad we 22:14

Hilkiya fee o saasadax oxe fa Ahikam fa Akboor fa Safan fa Asaya a ndeta maa Hulda fee o tuleer o tew oxe gen’ina no sinjaan qas ke Yeerusaleem. O kor um Saalum a ne’’e, a ref o ƥiy Tikwa fo o ndaan Harhas too a topatooxoogu toki tedu ke no Mbind Roog ne. A njangtooxa o tew oxe ke xew’ina.

Nehemi 3:3

Wiin we Senaa a maxatina Ndokand ne no liƥ ke. A ndaaƴa teen a qanq ake, a mbad teen begax ke, begir ke fo a kinglir ake.

Sofoni 1:15

Bes faaga kaa ref bes fuux, bes naqad fo o jaq, bes a payit fo yaq, bes o niɓaan fo ɓaal-ee-ɓaal, bes a eel fo a kuy,

Sofoni 1:7

Naangyo cuxus mbaambir no Yaal oxe na refkaa boo faw, yaam bes fee no Yaal oxe a matiida. A jaganda sadax, a tedland we ta xurna.

Yeremi 39:2

No hiid xarɓaxay fo o hiid o lengandeer ole no maat Sedekiya, no ñaal ɓetuu nahkandeer ne no nqool o nahkandeer onqe, o gur a sexe no saŋe ne na teeru fee.

Yeremi 4:31

Yaam kaam nanaa xa buuq nen axe no tew oxaa na gaajooxaa, xa buuq o ƭomel nen axe no tew oxaa na ñootaa taaw um. O ñuxur ole Siyoŋ oo. Kaa iinaa, a dek xa ƥay ee: «Sabab took es! Kaam xonaa yaam a qaw ale no waawar we!»

Esayi 59:11

Kaa i ŋuuraa nen ursu, in fop, soo cuuc-cuucnaa nen a nuukuur. A ƭat i cungaa, ndaa feeñee sen, i nqornooxaa a muc, ta goƭ a in lool.

2 Caloori ke 32:22

Neene, o Yaal oxe a mucla a Hiskiya fo we ngenna Yeerusaleem fop no ɓay Sanxerib fee o maad oxe Asuur fo na xa ƥay no fañ den fop, soo a ci a den jam o saax oo saax.

2 Caloori ke 3:1

Salomo a fera maq ne no Mbind ne no Yaal oxe kam Yeerusaleem took o joong olaa Moriya, me o Yaal oxe a feeñoor’ina a faap um Dawid. Dawid kaa jagand’u maaga a seek no cukand naa Arawna fee o Yeeyebus oxe.

2 Sami’el 5:9

Dawid a dala no saŋe naa soo a ne’in a Ƥak ale Dawid. Cinj kaaga, a maxa me widuuna bo ta xet, a xotit Milo boo a gar kam fee.

2 Sami’el 5:7

Pañtee koy Dawid a jaɓa saŋe naa Siyoŋ ne’’ateena a Ƥak ale Dawid.

2 Caloori ke 34:22

Hilkiya fo lakas we o maad oxe a lul’ina a ndeta maa Hulda fee o tuleer o tew oxe gen’ina no sinjaan qas ke Yeerusaleem. O kor um Saalum a ne’’e, a ref o ƥiy Tokehat fo o ndaan Hasra, too a topatooxoogu toki tedu ke no Mbind Roog ne. Goor weene a njangtooxa o tew oxe ke xew’ina.

Nehemi 12:39

suur me garitna Ndokand ne Efrayim took fo Ndokand ngiid ne fo Ndokand ne no liƥ ke, njoon fo Taax-took ne Hananel fo ne no teemeed ke boo no Ndokand naa no paal ke soo ngaktik no Ndokand naa na kaso fee.

Heseki’el 6:13

Maaga, xan nu and ee mi refu o Yaal oxe, yaa xon we a ndefkaa ndeer pangool ke den, me widna xa sadaxand axe den, took a ñaang a ciig akuu ndefna, took xa cul axe na xa coong axe fop, yoora ndaxar saqtu nuu refna, yoora ngariñ niɓu nuu refna, fo me da ƥoxottoogna pangool ke den qeeñe-xeeñe pelu tuñ sax.