Sofoni 1:1 - NQAARIIT NE ROOG

¹ Keeke refu fa lay fee o Yaal oxe a daawinna a Sofoni na jamaane faa Yosiya fee o ƥiy Amon a refaa o maad Yudaa. Sofoni, o ƥiy Kuusi a reeƭu, Kuusi a ref o ƥiy Gedaliya, Gedaliya a ref o ƥiy Amariya, soo Amariya a ref o ƥiy Hiskiya.

Sofoni 1:1 Referans Kwoze

Yeremi 1:2

O Yaal oxe a daawnaan fa lay um na jamaane faa Yosiya fee o ƥiy Amon a refaa o maad Yudaa, no hiid xarɓaxay fo o hiid o dadkandeer ole no maat um.

2 Piyeer 1:19

Yaam keene, i moƴahina o ngim ke duleer we Roog a yegnit’ina. Nu mbaraan o ngorooxaa a paax, yaam kaa ref nen o lampa laa na kaƥaa kam o niɓaan, boo yaa Roog a feedna, o xoor o maak ole ne’eena o Mbuŋa a feeñ kam a qeeñ nuun.

Hoose 1:1

Keeke refu fa lay fee o Yaal oxe a daawinna a Hoose fee o ƥiy Beeri na jamaane Usiya fa Yotaam fa Ahas fa Hiskiya we maad Yudaa fo na jamaane Yerobowam fee o ƥiy Yehowas, o maad Isra’el.

Heseki’el 1:3

fa lay fee no Yaal oxe a daawne a Heseki’el fee o ƥiy Buusi fee o saasadax, kam saax laa no Kaakalde we, paam o xuluɓ olaa Kebaar. Maaga mat, o ɓay no Yaal oxe a doonoorit’u took um.

Yeremi 25:3

«No kaa xotitna no hiid xarɓaxay fo o hiid o dadkandeer ole no maat Yosiya fee o ƥiy Amon too a ref o maad Yudaa, a gar fa xaye, xa kiid qarɓeen ƭik fo xa kiid xa tadaq axey axaa um daawaa fa lay fee no Yaal oxe, yegnan a nuun roog fuu feedna, ndaa nu nan-gilooxee.

2 Timote 3:16

Roog bindnooru a Pind a Tedu ke fop, too bind luu refna teen a jega o njiriiñ no ke ta jangnaa. Kaa soqaa, a yaraa, a jangnaa o cofel itam,

2 Maad we 21:18

Manaase a daba daan um, a gasel kam a ƭing ale no mbind um xoyoogeena a ƭing ale Uusa, soo Amon fee o ƥeem a rondandin.

2 Caloori ke 33:20

Manaase a daba daan um, a gasel no mbind um soo Amon fee o ƥeem a rondandin.

Yeremi 22:11

Keeke o Yaal oxe a layu na Saalum fee o maad Yudaa rondandna a faap um Yosiya too a suttel no saax lene: «Nomtooxiidkatee teen muk,

2 Maad we 21:26

A gase kam a mboy um na ƭing ale Uusa, soo Yosiya fee o ƥeem a rondandin.